ရွက်မွန်စာမျက်နှာ

Tuesday, November 25, 2014

အကြမ်းမဖက် အနုနည်းဆိုပေမယ့်

မိုင်းကြောင်းကို ရှည်ရှည်လျှားလျှား မပြောတော့ဘဲ လိုရင်းတိုရှင်း ပြောရမယ်ဆိုရင်တော့ အကြမ်းမဖက်ဘဲ အနုနည်းနဲ့ တနည်းပြောရရင် ငြိမ်းချမ်းတဲ့လမ်းစဉ်နဲ့ တောင်းဆိုတိုက်ပွဲဝင်တဲ့ နည်းလမ်းကို အိန္ဒိယနိုင်ငံရဲ့ လွတ်လပ်ရေး မီးရှုး တန်ဆောင်ကြီး ဖြစ်တဲ့ မဟတ္တမ ဂန္ဒီက မျိုးစေ့ချပေးခဲ့တယ်လို့ ဆိုနိုင်ပါတယ်။ အဲသလို အကြမ်းမဖက်တဲ့ နိုင်ငံရေး လမ်းစဉ်ကို ဂန္ဒီကြီးဟာ တောင်အာဖရိကနိုင်ငံမှာ ရှေ့နေအဖြစ် အသက်မွေးဝမ်းကျောင်း ပြုနေတုန်းကထဲက စတင်ခဲ့ပါတယ်။

နောက်ပိုင်း ဂန္ဒီကြီး အိန္ဒိယ ပြန်ရောက်တော့ အုပ်စိုးသူ အင်္ဂလိပ်ကိုလိုနီ အစိုးရကို တိုက်ပွဲဝင်တဲ့အခါမှာ သူချမှတ်ထားတဲ့ အကြမ်းမဖက်တဲ့ နိုင်ငံရေးနည်းနာအတိုင်း တစိုက်မတ်မတ် ကျင့်သုံးခဲ့ပါတယ်။ အကြမ်းမဖက်တဲ့ လမ်းစဉ်ကို ကျင့်သုံးခဲ့ ပေမယ့် မရေတွက်နိုင်အောင် များပြားလှတဲ့ အကြမ်းဖက်မှုတွေရှိခဲ့တယ် ဆိုတာလည်း တဖက်မှာ တွေ့ရပြန်ပါတယ်။ ဘယ်လို အကြမ်းဖက်မှုတွေလဲ။ ဘယ်သူတွေက ဘယ်သူ့ကို အကြမ်းဖက်တာလဲ။ အများအားဖြင့် ငြိမ်းချမ်းစွာ တောင်းဆိုတိုက်ပွဲ ဝင်သူတွေကို အကြမ်းဖက်တဲ့ သူတွေကတော့ ကိုလိုနီအစိုးရ အာဏာပိုင်များ ဖြစ်ပါတယ်။ အကြမ်းဖက်ပြီး နှိမ်နင်းဖြိုခွင်း တာကြောင့် ဖြစ်ပါတယ်။ နောက်တချက်ကတော့ တချက်တချက်မှာ ငြိမ်းချမ်းစွာ တောင်းဆို ဆန္ဒပြသူများ အချင်းချင်းကြား စိတ်ဝမ်းကွဲပြားပြီး အကြမ်းဖက်တိုက်ခိုက်တာတွေ သတ်ဖြတ်တာတွေ ဖြစ်လာတဲ့ ကိစ္စမျိုး တွေလည်း ရှိနေပါသေးတယ်။ ဒီနေရာမှာ အဓိက မှတ်သားမိတဲ့ သင်ခန်းစာကတော့ အကြမ်းမဖက်တဲ့ နည်းလမ်းကို အသုံးပြု သော်ငြားလည်း အမြဲတန်း အေးအေးချမ်းချမ်းနဲ့ မပြီးနိုင်သေးဘူး ဆိုတာပါပဲ။ အိန္ဒိယနိုင်ငံ အင်္ဂလိပ်ဆီက လွတ်လပ်ရေး မရခင်လေးမှာ ဖြစ်ခဲ့တဲ့ အကြမ်းဖက်မှုကတော့ လွတ်လပ်ရေးလိုလားသူ လူထုအချင်းချင်း သတ်ဖြတ် နှိပ်ကွပ်ခဲ့တဲ့ ကိစ္စပဲ ဖြစ်ပါတယ်။
အင်္ဂလိပ်ဆီက လွတ်လပ်ရေးမရခင်လေးမှာ ဖြစ်သွားခဲ့တဲ့ ပြဿနာက ဒီလိုပါ။ လွတ်လပ်ရေးဟာ အိန္ဒိယတိုက်ငယ်က ပြည်သူတွေ ထင်ထားသလို အိန္ဒိယတိုက်ငယ်တခုလုံး တညီတညွတ်ထဲ လွတ်လပ်ရေးရတာမျိုး မဟုတ်ဘဲ အိန္ဒိယက သပ်သပ် ပါကစ္စတန်က (အရှေ့နဲ့အနောက် ပါကစ္စတန်) သပ်သပ် ဖြစ်သွားတာကြောင့်ပါ။ ပါကစ္စတန်လို့ ဖြစ်သွားခဲ့တဲ့ အခြမ်းက လူများစုဟာ အစ္စလမ်ဘာသာကို ကိုးကွယ်သူများ ဖြစ်ပါတယ်။ ပင်မ အိန္ဒိယနယ်မြေကြီးမှာတော့ ဟိန္ဒိူဘာသာ ကိုးကွယ် သူတွေက လူများစုဖြစ်ခဲ့ပါတယ်။ အဲဒီအချိန်မှာ ဟိန္ဒူလူများစု ဒေသမှာ နေထိုင်တဲ့ မွတ်စလင်တွေက ပါကစ္စတန် ဖက် ပြောင်းကြပါတယ်။ မွတ်စလင်လူများနေထိုင်တဲ့ အခြမ်းက ဟိန္ဒိူတွေက အိန္ဒိယဖက်ခြမ်းကို ပြောင်းရွှေ့ ကြပါတယ်။ အဲဒီ အချိန်မှာ ဟိန္ဒူနဲ့ မွတ်စလင်တွေ အချင်းချင်း သတ်ဖြတ်ပွဲကြီး စတင်ပါတယ်။ မှတ်တမ်းများအရ ဟိန္ဒူ၊ မွတ်စလင် စုစုပေါင်း လူပေါင်း နှစ်သန်းခန့် သေဆုံးခဲ့ရတယ်လို့ ဆိုပါတယ်။ နှစ်ဖက်က အမျိုးသမီးတွေ အဓမ္မပြုကျင့် ခံရ တာကလည်း အမြောက်အများပါ။ အိန္ဒိယနဲ့ ပါကစ္စတန်အကွဲမှာ သာမန်နိုင်ငံသားအချင်းချင်းကြား နိုင်ငံကွဲရတာကြောင့် သူနစ်နာတယ် ကိုယ်နစ်နာ တယ်ဆိုတဲ့ အယူအဆကနေ အကြမ်းဖက်မှုကြီး ပေါ်ပေါက်လာခဲ့တာပါပဲ။
ဒီအကြမ်းဖက်မှုကြီးဟာ လက်နက်ကိုင် အဖွဲ့အစည်း မဟုတ်တဲ့ လက်နက်ကိုင်မထားတဲ့ သာမန်နိုင်ငံသားများ အကြားမှာ ပေါ်ပေါက်ခဲ့တဲ့ သတ်ဖြတ်သုတ်သင်မှုကြီးလို့ ဆိုနိုင် ပါတယ်။ အကြမ်းမဖက်နည်းလမ်းနဲ့ လွတ်လပ်ရေးအတွက် လှုပ်ရှားခဲ့သူများ လွတ်လပ်ရေးရခါနီးမှာ အချင်းချင်း အကြမ်းဖက် ခဲ့တာကို မြင်ရပါတယ်။

တောင်အာဖရိကနိုင်ငံမှာလည်း လူမဲတွေဟာ လူဖြူတွေ အုပ်ချုပ်မှု အောက်ကနေ လွတ်မြောက်ဖို့ အကြမ်းမဖက်တဲ့ နည်းလမ်းနဲ့ တိုက်ပွဲဝင်နေတုန်း အကြမ်းဖက်မှုတွေ အမြောက်အများကို ရင်ဆိုင်ခဲ့ရပါတယ်။ အကြမ်းမဖက်ပဲ အနုနည်းနဲ့ တိုက်ပွဲဝင်ဖို့ လူမဲခေါင်းဆောင်အများစုက လှုံ့ဆော်ကြိုးပန်းခဲ့ပါတယ်။ အကြမ်းမဖက်ဘဲ တိုက်ပွဲဝင်ဖို့ ဦးဆောင်တဲ့ လူမဲ ခေါင်းဆောင် အတော်များများဟာ လူဖြူအာဏာပိုင်တွေရဲ့ သတ်ဖြတ်သုတ်သင်တာကို ခံရပါတယ်။ လူဖြူအာဏာပိုင် ရဲတွေ၊ စစ်တပ်တွေ၊ ထောက်လှမ်းရေးတွေရဲ့ ဖမ်းဆီးနှိပ်စက် သတ်ဖြတ်ခြင်းကို ခံရသလို လူဖြူအာဏာပိုင်တွေ လက်အောက်မှာ အမှုထမ်းနေတဲ့ လူမဲအာဏာပိုင်တွေရဲ့ သတ်ဖြတ်ခြင်းကိုလည်း ခံရပါသေးတယ်။ လူဖြူ အာဏာပိုင် တွေက လူမဲတချို့ကို ငွေပေးဝယ်ပြီး လူမဲတောင်အာဖရိက နိုင်ငံသားတွေရဲ့ အကြမ်းမဖက်တဲ့ လှုပ်ရှားမှုတွေကို ဝင်ရောက်နှောင့်ယှက် ခိုင်းတာမျိုး လည်း ရှိပါတယ်။ လူဖြူအစိုးရကို သတင်းပေးနေတဲ့ လူမဲတွေလည်း နေရာအနှံ့ ရှိနေခဲ့ပါတယ်။

နယ်ဆင်မန်ဒဲလားနဲ့ လူဖြူအစိုးရ ဆွေးနွေးနေတဲ့ နောက်ဆုံး လေးနှစ်တာကာလ အတွင်းမှာလည်း အကြမ်းမဖက်နည်းနဲ့ တိုက်ပွဲဝင်နေတဲ့ လူမဲခေါင်းဆောင်များ အကြမ်းဖက် သတ်ဖြတ် ခံရတာ မနည်းလှပါဘူး။ အဲဒီကာလအတွင်းမှာ ထောင်သွင်း အကျဉ်းချခံရတဲ့ နိုင်ငံရေးလှုပ်ရှားသူ အရေအတွက်ဟာ နှစ်သောင်းငါးထောင်ကျော် ရှိခဲ့ပါတယ်။ မန်ဒဲလားနဲ့ လူဖြူအစိုးရ အပြန်အလှန်ဆွေးနွေးနေတဲ့ ကာလအတွင်းမှာ နယ်ပယ်အသီးသီးက ထင်ရှားတဲ့ လူမဲခေါင်းဆောင် ၄၅ ဦး ထက် မနည်း ရက်ရက်စက်စက် အသတ်အဖြတ် ခံရပါတယ်။ အလောင်းတွေကို ဂုံနီအိတ်ထဲမှာ အပိုင်းပိုင်းဖြတ်ပြီး လူမဲရပ်ကွက်ထဲက လမ်းတွေပေါ်မှာ ပစ်ထားပါတယ်။ တချို့လူမဲ ခေါင်းဆောင်တွေကတော့ ပျောက်ဆုံးသွားခဲ့ပါတယ်။ အလောင်းလည်း မတွေ့ရပါဘူး။

လူဖြူ အစိုးရဖက်က အဲသလို ရက်ရက်စက်စက် အကြမ်းဖက်နေတဲ့ အပေါ်မှာ အကြမ်းနည်းနဲ့ မတုံ့ပြန်ဖို့ လူမဲခေါင်းဆောင် များက ဆက်တိုက် ဆော်သြောရပါတယ်။ ဒေါသကို ဒေါသနဲ့ မတုန့်ပြန်ဖို့ပါ။ သို့သော်လည်း စိတ်မထိန်းနိုင်တဲ့ တချို့သော လူမဲလှုပ်ရှားသူ များကလည်း အကြမ်းနည်းနဲ့ တုံ့ပြန်ပါတယ်။ လူဖြူတွေကို သတင်းပေးနေတဲ့ လူမဲတွေကို ဖမ်းဆီးပြီး နောင်အဲသလို မလုပ်ရဲအောင်ဆိုတဲ့ သဘောမျိုးနဲ့ ကားတာယာ ကွင်းစွပ်လို့ မီးရှို့သတ်ဖြတ်မျိုး တော်တော်များများ ဖြစ်ပွားခဲ့ ပါတယ်။ အမျှော်အမြင်ကြီးတဲ့ လူမဲခေါင်းဆောင်များက ဒီလို လုပ်ရပ်တွေ ဆက်လက်မဖြစ်ပွားအောင် တားဆီးခဲ့ပါတယ်။

နောက်ဆုံးမှာ မန်ဒဲလား ထောင်ကနေ အပြီးလွတ်လို့ ရွေးကောက်ပွဲ ကျင်းပဖို့အထိ အခြေအနေက ကောင်းလာခဲ့ပါတယ်။ မဲန်ဒဲလား ဦးဆောင်တဲ့ အေအင်စီပါတီဟာ သေချာပေါက် နိုင်မယ်ဆိုတာ လူတိုင်းသိကြပါတယ်။ အဲသလို အချိန်မျိုးမှာ အကြမ်းဖက်မှုတွေ ထပ်ဖြစ်လာပြန်ပါတယ်။ အဲသလို အကြမ်းဖက်တာတွေကို ဦးဆောင်နေသူတွေကတော့ အစွန်းရောက် လူဖြူအဖွဲ့အစည်း တချို့ဖြစ်ပါတယ်။ လူမဲတွေနဲ့ လူဖြူတချို့ သတ်ကြဖြတ်ကြ ပြန်ပါတယ်။ ရွေးကောက်ပွဲ ကျင်းပခါနီးတော့ လူမဲတိုင်းရင်းသား အုပ်စုတခုက ရွေးကောက်ပွဲမှာ သူတို့မပါဘူး ရွေးကောက်ပွဲကိုလည်း သပိတ်မှောက်မယ်ဆိုပြီး ဖြစ်ပြန် ပါတယ်။ ရွေးကောက်ပွဲ လိုလားတဲ့ လူမဲများနဲ့ ရွေးကောက်ပွဲကို သပိတ်မှောက်မယ့် လူမဲအုပ်စုအကြားမှာ အကြမ်းဖက် သတ်ဖြတ်တာတွေ ဖြစ်ခဲ့ပါတယ်။ စုစုပေါင်းနှစ်ဖက် လူပေါင်း နှစ်ထောင်လောက် သေပြန်ပါတယ်။ ဒါပေမဲ့ နောက်ဆုံး မှာတော့ ရွေးကောက်ပွဲ မဝင်ဘူးဆိုတဲ့ လူမဲခေါင်းဆောင်များ မန်ဒဲလားနဲ့ ဆွေးနွေးအပြီးမှာ သူတို့လည်း ရွေးကောက်ပွဲမှာ ဝင်ရောက်ယှဉ်ပြိုင်မယ်လို့ သဘောတူ ခဲ့ပါတယ်။ ပြောရရင် နောက်ဆုံးမှာ ရွေးကောက်ပွဲကြီး ပြီးမြောက်ခဲ့လို့ မန်ဒဲလား ဟာ ပထမဆုံး တောင်အာဖရိကနိုင်ငံရဲ့ လူမဲသမ္မတ ဖြစ်ခဲ့ပါတယ်။

ဖြစ်စဉ်များကို ပြန်ကောက်ရရင် တောင်အာဖရိကနိုင်ငံရဲ့ အပြောင်းအလဲဟာ အကြမ်းမဖက် အနုနည်းနဲ့ ဆောင်ရွက်ခဲ့တာ ဖြစ်ပါတယ်။ ဒါပေမဲ့ အကြမ်းမဖက်တဲ့ နည်းလမ်းကို အသုံးပြုနေရင်း အကြမ်းဖက်မှုတွေကို အတောမသတ် ရင်ဆိုင်ခဲ့ရ ပါတယ်။ လူပေါင်းမြောက်များစွာ သေဆုံးခဲ့ရပါတယ်။ အကြမ်းမဖက်တဲ့ နည်းလမ်းကို အသုံးပြုနေတဲ့ နိုင်ငံရေး လှုပ်ရှားသူတွေကို အာဏာပိုင်တွေဖက်က အကြမ်းဖက်တဲ့ရည်ရွယ်ချက်က အကြမ်းမဖက်တဲ့နည်းနာ၊ အကြမ်းမဖက်တဲ့ လမ်းစဉ် ပျက်သုန်းပြီး အကြမ်းဖက်တဲ့ လမ်းစဉ်ဖက်ကို ဦးတည်သွားအောင် လုပ်ဆောင်တာဖြစ်ပါတယ်။ ဒါတွေကို နားလည်သဘောပေါက်နေတဲ့ လူမဲ ခေါင်းဆောင်များက လူမဲပြည်သူလူထုကြီးကို အကြမ်းဖက်တဲ့ ဘက်ကို ရောက်မသွားအောင် အသက်တွေရင်းပြီး ဆောင်ရွက် ခဲ့တာပဲ ဖြစ်ပါတယ်။

တောင်အာဖရိနိုင်ငံမှာ ရွေးကောက်ပွဲပြီးလို့ အေးအေးချမ်းချမ်း ဖြစ်လာတဲ့ ကာလမှာ လူမဲနိုင်ငံရေး ခေါင်းဆောင်များနဲ့ လူမဲအတတ် ပညာရှင် အသိပညာရှင်များဟာ အတိတ်ကလှုပ်ရှားမှုများကနေ ပြန်ပြီးသင်ခန်းစာထုတ်ယူပါတယ်။ အဲတာ ကတော့ အကြမ်းဖက်တာကို မလိုလားလို့ အနုနည်းနဲ့ ဆောင်ရွက်မယ် ဆိုတာက ရွေးချယ်မှု ဖြစ်ပါတယ်။ ဒါပေမဲ့ အကြမ်းတော့ မဖက်ဘူး၊ အနုနည်းနဲ့ပဲ ဆောင်ရွက်မယ်လို့ ဆိုတဲ့နေရာမှာ လှုပ်ရှားမှုတွေဟာ ခွန်အားပါဖို့ လိုသလို စဉ်ဆက်မပြတ် ဆောင်ရွက်ဖို့လည်းလိုတယ် ဆိုတာကို ရှာဖွေ တွေ့ရှိပါတယ်။ တချိန်ထဲမှာလည်း အကြမ်းမဖက်တဲ့ လမ်းစဉ်ကို ရွေးထားတာကြောင့် အကြမ်းဖက်တာတွေနဲ့ ရင်ဆိုင်ရတဲ့အခါ အမြင့်မားဆုံး ပေးဆပ်ခဲ့ရတယ် ဆိုတာကိုလည်း မြင်ခဲ့ပါတယ်။

အဲဒီအချိန်ကာလများက နိုင်ငံရေးလှုပ်ရှားမှုတွေမှာ ပါဝင်ခဲ့တဲ့ လူမဲတက္ကသိုလ် ပါမောက္ခတဦးကတော့ သူ့ရဲ့ အတွေ့အကြုံ အယူအဆကို ဒီလိုပြောပါတယ်။ “အကြမ်းမဖက်တဲ့ လမ်းစဉ်ကို ရွေးချယ်တာက အကြမ်းဖက်တဲ့ လမ်းစဉ်ထက် ရေရှည်မှာ နိုင်ငံသားတွေအတွက် အကျိုးရှိတာကြောင့် အကြမ်းမဖက်တဲ့ လုပ်ရပ်ကို ရွေးရခြင်း ဖြစ်ပါတယ်။ ဒါပေမဲ့ အကြမ်းမဖက်တဲ့ လမ်းစဉ်ကို ဆုပ်ကိုင်ထားတယ်လို့ ပြောပြီး မိမိလှုပ်ရှားမှုတစုံလုံးကို ခွန်အားရှိလာအောင် တွန်းမတင်နိုင်ရင်လည်း အောင်မြင်မှု နဲ့ ဝေးနေဦးမှာ ဖြစ်ပါတယ်။ အလားတူပဲ အကြမ်းမဖက်တဲ့ လမ်းစဉ်ကိုပဲ ရွေးချယ်တယ်ဆိုတဲ့ စကားကို တွင်တွင်ပြောပြီး အားထုတ်မှုမရှိဘဲ နိုင်ငံရေးမှာ ရေစုန်မျှော လိုက်နေရင်လည်း အောင်မြင်မှုနဲ့ ဝေးနေဦးမှာ ဖြစ်ပါတယ်။ တခါ အကြမ်းမဖက်တဲ့မူကို ပွေ့ဖက်ထားတယ် ဆိုပေမဲ့ သက်တောင့်သက်သာ နိုင်ငံရေးလှုပ်ရှားမှုမျိုးလောက်နဲ့ပဲ ကျေနပ်နေဦးမယ် ဆိုရင် အောင်ပွဲဟာ ဝေးနေဦးမှာ ဖြစ်ပါတယ်”။

နိုင်ငံသားပြည်သူတွေရဲ့ လွတ်မြောက်ရေးနဲ့ ပတ်သက်လို့ အိန္ဒိယနိုင်ငံရဲ့ အတွေ့အကြုံနဲ့ တောင်အာဖရိကနိုင်ငံရဲ့ အတွေ့အကြုံတွေထဲမှာ သင်ခန်းစာယူစရာတွေ အများကြီး ရှိတာကို မြင်ရပါတယ်။ မိမိရေမြေနဲ့ မကိုက်ညီတာတွေ ပါနိုင်သလို မိမိလူ့အဖွဲ့အစည်းအတွက် အကျိုးများစေတဲ့ အတုယူသင့်တဲ့ လုပ်ရပ်တွေလည်း ပါဝင်နေပါတယ်။ အကြမ်းမဖက်နည်းလမ်းနဲ့ ဆောင်ရွက်ပေမယ့် အကြမ်းဖက်မှု ဒဏ်က နောက်မှာကပ်ပြီးပါနေတယ် ဆိုတာလည်း မမေ့အပ်ပါ။ ဒို့ကတော့ အကြမ်းမဖက် အနုနည်းနဲ့ တိုက်ပွဲဝင်တဲ့ လမ်းစဉ်ကိုပဲ ကြိုက်တယ်၊ အဲဒီလမ်းကိုပဲ ရွေးချယ်တယ် ဆိုကာမျှနဲ့ မလုံလောက်သေးဘူး ဆိုတာ ဒီနေရာမှာ တွေ့ရပါတယ်။ ခေါင်းဆောင်ကြီးငယ်လတ်များ အနေနဲ့ မိမိရဲ့လုပ်ရပ်၊ မိမိရဲ့ ဦးဆောင်မှုဟာ အကြမ်းမဖက်တဲ့ လမ်းစဉ်ကို ခွန်အားပြည့်သထက် ပြည့်လာအောင် ဖြည့်ဆီး ပေးနိုင်တဲ့ အခြေအနေမျိုးအထိ ရောက်အောင် ဆောင်ရွက်ရမယ်ဆိုတာ ရှင်းရှင်းလင်းလင်း မြင်ရပါတယ်။ မှန်ပါတယ် ခွန်အားပြည့်လာမှ ပိတ်ဆို့နေတဲ့ အရာတွေကို တွန်းဖယ်နိုင်မယ် ဖြစ်ပါကြောင်း။

ဇော်မင်း
၂၄ ရက်၊ နိုဝင်ဘာလ၊ ၂ဝ၁၄ ခုနှစ်

ဆက်လက်ဖတ်ရှုရန်...

Wednesday, November 19, 2014

ဘယ်သူ့ကိုမှ မကြောက်ဖို့ဆိုရင်

ပြည်ထောင်စုဝန်ကြီး အဆင့် ရှိသူတဦးက ဟိုတနှစ်တုန်းက ပြောခဲ့တာ တခုရှိပါတယ်။ လက်ပံတောင်း ကိစ္စနဲ့ ပတ်သက်လို့ သံဃာတော်များကို ပြောခဲ့တာ ဖြစ်ပါတယ်။ ဘာပြောခဲ့တာတုန်းဆိုတော့ “တပည့်တော် တို့လည်း တရုတ်ကို ကြောက်ရတယ်ဘုရား” ဆိုတဲ့ စကားပါ။ ဒီစကားကြောင့် အဆိုပါဝန်ကြီးဟာ တရုတ်ကြောက် ဝန်ကြီးအဖြစ် နာမည်တွင် ကျန်ရစ်ပါတယ်။ အမှန်ကတော့ ပြည်ထောင်စုအဆင့်ရှိတဲ့ ဝန်ကြီး တပါးအနေနဲ့ အဲသလို မပြောသင့်ပါ။

လက်ရှိ အာဏာရထားတဲ့ အစိုးရဝန်ကြီး တပါးက ဘာဖြစ်လို့ အဲသလို ပြောခဲ့တာလဲဆိုတာကို ဆန်းစစ်ကြည့်မိပါတယ်။ ဘာကြောင့် မြန်မာအစိုးရဟာ တရုတ်ကို ကြောက်ရတာလဲ။ အကြောင်းရှိပါလိမ့်မယ်။ ဘာအကြောင်းတုန်းဆိုတာကတော့ ဒီလိုပါ။ အတိတ် ခြေရာကို နဲနဲလောက်တော့ ပြန်ကောက်ရပါလိမ့်မယ်။ မြန်မာပြည်ကို ၂၆ နှစ်တာ တပါတီအာဏာရှင် စနစ်နဲ့ အုပ်ချုပ်ခဲ့တဲ့ ဗိုလ်ချုပ်ကြီးနေဝင်း လက်ထက်မှာ တရုတ်ကို ကြောက်ရပါတယ်လို့ လူသိရှင်ကြား ထုတ်ဖော် ပြောတာမျိုး မရှိခဲ့ပါဘူး။ တရုတ်အစိုးရနဲ့ ဆက်ဆံရေးက အကောင်းကြီးလည်း မဟုတ်ခဲ့ပါဘူး။ ဒါပေမဲ့ မြန်မာနဲ့တရုတ် နိုင်ငံနှစ်ခုအကြား ပုံမှန်ဆက်ဆံရေး မျိုးတော့ ရှိခဲ့ပါတယ်။ ဟိုဖက်ဒီဖက် သွားသွားလာလာ မှန်တန်းအဆင့်လောက်တော့ တည်ရှိခဲ့ပါတယ်။
အိမ်နီးချင်း ဖြစ်ရဲ့သားနဲ့ မြန်မာတရုတ်နဲ့ဆက်ဆံရေး အကောင်းကြီး မဟုတ်ခဲ့ရတာ အကြောင်းရှိပါတယ်။ နောက်တက် လူငယ်မျိုးဆက်သစ်များ သိသင့်တယ် ယူဆလို့ အကျဉ်းရုံးပြောပါရစေ။ တချိန်တုန်းက တရုတ်နိုင်ငံနဲ့ နယ်ခြားခြင်း ဆက်စပ်နေတဲ့ မြန်မာပြည်ရဲ့ ဝဒေသမှာ အခြေစိုက်ထားတဲ့ မြန်မာပြည် ကွန်မြူပါတီ ရှိခဲ့ပါတယ်။ မြန်မာပြည် ကွန်မြူနစ် ပါတီဟာ လက်နက်ကိုင်တော်လှန်ရေးကို ဆင်နွှဲခဲ့တာ လွတ်လပ်ရေးရပြီး ရက်ပေါင်း ၉ဝ အကြာမှာ စတင်ခဲ့ခြင်း ဖြစ်ပါတယ်။ မြန်မာပြည် အလယ်ခေါင်လို့ ဆိုရမယ့် ပဲခူးရိုးမကို ဌာနချုပ်လုပ်ခဲ့ပါတယ်။ ပဲခူးရိုးမ ဌာနာချုပ်ကျဆုံးအပြီးမှာ မြန်မာပြည်ကွန်မြူနစ်ပါတီရဲ့ ဌာနချုပ်ဟာ တရုတ်မြန်မာ နယ်စပ်က ဝဒေသအတွင်းမှာ ဆက်လက် တည်ဆောက်ခဲ့ ပါတယ်။

မြန်မာပြည်ကွန်မြူနစ်ပါတီ အဖို့ ဗိုလ်ချုပ်နေဝင်းအစိုးရကို တိုက်ခိုက်တော်လှန်ဖို့အတွက် လက်နက်ခဲယမ်းတွေ လိုလာ ပါတယ်။ အဲသလို လိုအပ်တဲ့ လက်နက်ခဲယမ်းတွေကို တရုတ်အစိုးရက ထောက်ပံ့ခဲ့ပါတယ်။ အဝတ်ချုပ်တဲ့ အပ်ကစလို့ ယူနီဖောင်းအလယ် သေနတ်နဲ့ အမြောက်တွေအဆုံး တရုတ်ကွန်မြူနစ်အစိုးရက မြန်မာပြည်ကွန်မြူနစ်ပါတီရဲ့ တပ်တွေ အတွက် ထောက်ပံ့ပေးခဲ့တယ်လို့ အဆို ရှိခဲ့ပါတယ်။ တရုတ်ဖက်က စစ်ရေးနိုင်ငံရေး ကျွမ်းကျင်သူတွေကိုလည်း မြန်မာပြည် ကွန်မြူနစ်ပါတီအတွက် ပို့ပေးခဲ့ပါတယ်။ ဒါကြောင့် အဲဒီအချိန်က မြန်မာပြည်ကွန်မြူနစ်ပါတီဟာ မြန်မာနိုင်ငံရဲ့ အရှေ့မြောက် ဒေသကို စိုးမိုးထားနိုင်ခဲ့ပါတယ်။ မြန်မာပြည်အလယ်ပိုင်းကို ချိမ်းချောက်နိုင်ခဲ့ပါတယ်။ လိုအပ်လာခဲ့ရင် တရုတ်ဖက်က တရုတ်စစ်သားတွေကို မြန်မာပြည် ကွန်မြူနစ်ပါတီ ယူနီဖောင်းဝတ်စေပြီး စစ်ကူတိုက်ခိုင်း ခဲ့တယ်ဆိုတာ လည်း လူပြောများ ခဲ့ပါတယ်။ ဆိုရရင်တော့ မြန်မာပြည် ကွန်မြူနစ်ပါတီကို တရုတ်က စစ်လက်နက်တွေ အကြီးအကျယ် ထောက်ပံ့ ခဲ့တာတော့ လူတိုင်းလိုလို အဲဒီအချိန်က သဘောပေါက်ခဲ့ပါတယ်။ မြန်မာ့တပ်မတော်ဟာ အဲဒီအချိန်မှာ လက်နက်အင်အား တောင့်တင်းတဲ့ မြန်မာကွန်မြူနစ်ပါတီ တပ်တွေကို အကျအဆုံးများစွာနဲ့ ရင်ဆိုင် တိုက်ခိုက်ခဲ့ရ ပါတယ်။ ကွမ်လုံ ရက် ၄ဝ တိုက်ပွဲဆိုတာ အင်မတန် လူပြောများခဲ့တဲ့ တိုက်ပွဲကြီးတခု ဖြစ်ပါတယ်။ ဒီလို အချက် များကြောင့် ဗိုလ်ချုပ်နေဝင်း လက်ထက်မှာ တရုတ်အစိုးရနဲ့ ဆက်ဆံရေးဟာ သဘောလောက်သာ ရှိခဲ့ခြင်း ဖြစ်ပါတယ်။ တရုတ်က မြန်မာပြည် ကွန်မြူနစ်ပါတီကို လက်နက်တွေ အလုံးအရင်းနဲ့ ကူညီလို့ အဲဒီအချိန်က မြန်မာ ဆိုရှယ်လစ် အစိုးရ အနေနဲ့ စိုးရိမ်ဖွယ်ရာ အခြေအနေတွေကို ရင်ဆိုင်ခဲ့ရပါတယ်။ ဒါပေမဲ့ တရုတ်ကို ကြောက်ရတယ်လို့ ဖွင့်ပြောရတဲ့အထိ မရှိခဲ့ပါဘူး။

၁၉၈၈ ဒီမိုကရေစီ တောင်းဆိုမှုကြီး တနိုင်ငံလုံးအတိုင်းအတာနဲ့ ဖြစ်ပြီးတော့ ဗိုလ်ချုပ်နေဝင်းရဲ့ တပါတီအာဏာရှင်စနစ် ချုပ်ငြိမ်းသွားခဲ့ပါတယ်။ တပြည်လုံးသောင်းသောင်းဖျဖျ ဆန္ဒပြနေတဲ့ ကာလအတွင်းမှာ မြန်မာရေပိုင်နက်နားအထိ လေယာဉ်တင် သင်္ဘောပါတဲ့ အမေရိကန် အမှတ် ၇ ရေတပ်မတော် ရောက်လာခဲ့တယ်လို့လည်း သတင်းတွေ ဖြစ်ခဲ့ပါတယ်။ ဒါနဲ့ ပတ်သက်လို့ မြန်မာစစ်ခေါင်းဆောင်များ သောကပွားခဲ့ ရပါတယ်။ ၁၉၈၉ ခုနှစ်မှာ မြန်မာပြည် ကွန်မြူပါတီလည်း ဝတပ်တွေရဲ့ ပုန်ကန်မှုနဲ့အတူ ကိုယ်ပိုင်တပ်မရှိတော့ဘဲ အင်အားမဲ့ သွားခဲ့ပါတယ်။ ခေါင်းဆောင် တွေလည်း တရုတ်ပြည်ဖက်ကို သွားပြီး ခိုလှုံနေကြရတာ အခုအချိန်တိုင်ပါပဲ။

မြန်မာပြည်ကွန်မြူနစ်ပါတီရဲ့ တပ်တွေ မရှိတော့ပေမယ့် တခြားသော တိုင်းရင်းသားနယ်မြေတွေမှာ လက်နက်ကိုင် တိုက်ပွဲတွေ အကြီးအကျယ် ဆက်လက်ဖြစ်ပွားခဲ့ပါတယ်။ ၁၉၈၈ သပိတ်မှောက်ကျောင်းသားတွေ ထောင်နဲ့ချီပြီး တောခိုကြပါတယ်။ အထူးသဖြင့် ကေအန်ယူလက်နက်ကိုင်များ စိုးမိုးထားတဲ့ ကရင်ပြည်နယ်ထဲကို ရောက်သွားကြတာက အများစုလို့ ဆိုနိုင်ပါတယ်။ တချိန်ထဲမှာလည်း ကေအိုင်အေ စိုးမိုးထားတဲ့ ကချင်ပြည်နယ်အတွင်းမှာလည်း တိုက်ပွဲတွေ ပြင်းထန်ပါတယ်။ မွန်ဒေသ၊ ပအို့ဒေသ၊ ကရင်နီဒေသ တွေမှာလည်း တိုက်ပွဲတွေ ဆက်တိုက်ဆိုသလို ရှိခဲ့ပါတယ်။ ဒါက စစ်ရေးနဲ့ ပတ်သက်တဲ့ အခြေအနေတွေပါ။

တချိန်ထဲမှာလည်း လက်နက်မကိုင်တဲ့ ပြည်တွင်း နိုင်ငံရေးလှုပ်ရှားမှုကလည်း အရှိအဟုန်မြင့်မားသထက် မြင့်မား လာပါတယ်။ နိုင်ငံရေးပါတီတွေ နိုင်ငံရေးအဖွဲ့အစည်းတွေ အားကောင်းလာပါတယ်။ နောက်တက်လာတဲ့ စစ်အစိုးရကို ဆန့်ကျင်တဲ့ လှုပ်ရှားမှုတွေက ဇယ်ဆက်သလို ဖြစ်ပွားခဲ့ပါတယ်။ ၁၉၉ဝ ရွေးကောက်ပွဲမှာ စစ်အစိုးရ အားထားတဲ့ တစည ပါတီ ဝက်ဝက်ကွဲ ရှုံးပြီး အန်အယ်ဒီနဲ့ တိုင်းရင်းသားပါတီတွေ အောင်ပွဲဆင်ခဲ့ပါတယ်။ ၁၉၉၁ မှာ ဒေါ်အောင်ဆန်းစုကြည် နိုဗယ်ငြိမ်းချမ်းရေးဆု ချီးမြှင့်ခံရတော့ နိုင်ငံရေး လှုပ်ရှားမှုတွေရဲ့ အရှိန်အဟုန်ဟာ ပြည်တွင်းမှာသာ မဟုတ်တော့ဘဲ နိုင်ငံတကာ ရပ်ဝန်းအထိ ကျယ်ပြန့် လာခဲ့ပါတယ်။ နိုင်ငံတကာ အစိုးရများရဲ့ ဖိအားပေးမှု ဝေဖန်မှုတွေကို မြန်မာ စစ် အစိုးရ ဆက်တိုက် ရင်ဆိုင်ခဲ့ရပါတယ်။ ပြည်တွင်းမှာလည်း နိုင်ငံရေးအကျဉ်းသားတွေ များသထက်များလာခဲ့ပါတယ်။ တချိန်ထဲမှာလည်း နိုင်ငံကြီးတချို့ရဲ့ စီးပွားရေးပိတ်ဆို့မှုနဲ့ လက်နက်ရောင်းချမှု ပိတ်ဆို့ခြင်းကို စတင်ရင်ဆိုင်ရပါတယ်။ ပြောရမယ်ဆိုရင် အာဏာသိမ်းလိုက်တဲ့ မြန်မာစစ်တပ်ဟာ စီးပွားရေး၊ ပြည်တွင်းပြည်ပ နိုင်ငံရေး ဖိအားပေးမှု၊ ပြည်တွင်းစစ်ရေးဖိအား ပေးမှုတွေကို ရင်ဆိုင် နေရပါတယ်။ အားကိုးမဲ့သလို ဖြစ်လာရတယ်ဆိုရင်လည်း မမှားပါဘူး။ အဲဒီအချိန်မှာ အားကိုးစရာ ဖြစ်လာတာက တချိန်တုန်းက မြန်မာပြည်ကွန်မြူနစ်ပါတီကို လက်နက်ထောက်ပံ့ခဲ့ဘူးတဲ့ တရုတ်အစိုးရပဲ ဖြစ်ပါတယ်။

နောက်ဆုံးတော့ အဲဒီအချိန်ကစလို့ လိုအပ်တဲ့ စစ်လက်နက်ပစ္စည်းမှန်သမျှ တရုတ်အစိုးရဆီက မှီခိုရတဲ့ အခြေအနေကို ဆိုက်သွားခဲ့ပါတယ်။ ဒါ့အပြင် တရုတ်အစိုးရဆီက လူသိရှင်ကြားရော လူမသိရှင်မကြားရော ထောက်ပံ့ငွေ၊ ချေးငွေ စတာတွေ ကိုလည်း လက်ခံယူခဲ့ပါတယ်။ နောက် ကုလသမဂ္ဂလို နေရာမျိုးမှာ မြန်မာပြည်နဲ့ ပတ်သက်လို့ နိုင်ငံတကာ အစိုးရတွေက အရေးယူမယ် မဲခွဲဆုံးဖြတ်မယ်ဆိုရင် ပထမဆုံး မြန်မာအတွက် ကန့်ကွက်ပေးသူက တရုတ်နိုင်ငံပဲ ဖြစ်ပါတယ်။ ဒါကြောင့် တရုတ်ဟာ မြန်မာစစ်အစိုးရအတွက် နေရာတိုင်းမှာ အားကိုးရာ ဖြစ်ခဲ့ရတာပါ။ တကမ္ဘာလုံးက ဒီမိုကရေစီ နိုင်ငံတွေနဲ့ တဇောင်းစေးနဲ့ မျက်ချေး ဖြစ်နေရတဲ့ အချိန်မှာ မြန်မာစစ်အုပ်စုအတွက် အားကိုး အားထား ပြုစရာဟာ တရုတ်အစိုးရသာ ဖြစ်လာရတော့ တာပါပဲ။ ဒါကြောင့် တပည့်တော်တို့က တရုတ်ကိုလည်း ကြောက်ရတယ်ဘုရား ဆိုတဲ့ စကားထွက်လာရတာ ဖြစ်ပါတယ်။ မဆန်းလှပါဘူး။ တဖက်မှာလည်း စီးပွားရေးအရ ပြန်ကြည့်လိုက်ရင် တရုတ်ဆီက စစ်လက်နက် ငွေကြေး အထောက်အပံ့ ယူထားတော့ အဲဒီ အကျိုးဆက်အဖြစ် တရုတ် ကုမ္ပဏီတွေ မြန်မာပြည်အတွင်း စီးပွားရေးလုပ်ဖို့ တံခါးမရှိ ဓားမရှိ ဝင်ခွင့်ပြုလိုက်ရပါတယ်။ မြစ်ဆုံ၊ လက်ပံတောင်း အစရှိတဲ့ ဒီစီမံကိန်း တွေက မြင်သာတဲ့ စီမံကိန်းတွေပါ။ အခုအထိလည်း စာရင်းဇယားများအရ မြန်မာပြည်မှာ အများဆုံး ရင်းနှီးမြှုပ်နှံထားသူ တွေဟာ တရုတ်ကုမ္ပဏီတွေပဲ ဖြစ်ပါတယ်။

ဖြစ်စဉ်တခုလုံးကို ပြန်ကြည့်လိုက်ရင် မိမိပြည်တွင်းရေးကို မိမိပြေလည်အောင် မဖြေရှင်းနိုင်ဘူးဆိုတာ မြင်ရပါတယ်။ အဲတာကြောင့် သူတပါးကို အားကိုးလိုက်ရတယ်။ အဲသလို အားကိုးလိုက်ရတာကြောင့် သူတပါး သြဇာခံ ဖြစ်သွား ရတယ်လို့ ဆိုပါရစေ။ အမှန်ဆိုရင် မိမိပြည်တွင်းမှာ ဖြစ်နေတဲ့ မကျေနပ်မှုတွေကို အမြင်ကျယ်ကျယ်ထားပြီး မိမိ မိသားစုအတွင်းမှာ ကြေလည်အောင် ဖြေရှင်းနိုင်ခဲ့ရင် အခုလို တရုတ်ကိုလည်း ကြောက်ရတယ်ဆိုတဲ့ အခြေအနေမျိုးအထိ ဆိုက်သွားခဲ့မှာ မဟုတ်ပါဘူး။ ကိုယ့်အိမ်သားအချင်းချင်း ဖြစ်ရတဲ့ ပြဿနာမှာ ကိုယ်တဦးတယောက်ပဲ လုံးလုံး အနိုင်ယူလိုတာကြောင့် ရပ်ကွက်ထဲက လူမိုက်တအုပ်ကို ခေါ်သွင်းလာပြီး ဖြေရှင်းတဲ့ သဘောမျိုး ဆောင်နေပါတယ်။

ကနေ့ခေတ်သစ် ကမ္ဘာကြီးမှာ ဘယ်သူကမှ ဘယ်သူ့ကို ကြောက်စရာ မလိုပါဘူး။ မြန်မာပြည်သားတွေက တရုတ် အစိုးရကို ကြောက်ဖို့ မလိုပါဘူး။ တချိန်ထဲမှာလည်း မကြောက်ဘူး ဆိုတာကြောင့် ဘယ်သူ့ကိုမှလည်း ရန်စစရာ ရန်စောင်စရာ မလိုသလို၊ ရိသဲ့သဲ့လုပ်တာမျိုး မချေမငံ ပြုမူတာမျိုးလည်း ရှောင်ရှားရမှာပါ။ တနိုင်ငံနဲ့ တနိုင်ငံ အပြန်အလှန် လေးစားမှုနဲ့ တန်းတူရည်တူ ဆက်ဆံရေးကို ထူထောင်ဖို့သာ လိုပါတယ်။

မိမိရဲ့ အတိုက်ခံတွေအပေါ်အမှာ အနိုင်ယူလိုမှုနဲ့ နိုင်ငံကြီးတခုခုကို သွားပြီး အားကိုးလိုက်ခြင်း၊ ဟိုကပေးသမျှကို လက်ဖြန့် ယူလိုက်ခြင်းဟာ သူများနောက်လိုက်ဖြစ်ဖို့ အစပျိုးတာလို့ ဝေဖန်လိုပါတယ်။ ကနေ့ဘယ်နိုင်ငံမှာပဲ ဖြစ်ဖြစ် ကြည့်လိုက်ပါ။ ကိုယ့်နိုင်ငံရဲ့ ပြည်တွင်းရေး ပြဿနာကို မှန်မှန်ကန်ကန် မဖြေရှင်းလိုသူတွေဟာ မိမိနဲ့ဆန့်ကျင်ဖက်က အုပ်စုတွေ အဖွဲ့အစည်းတွေကို အနိုင်ယူဖို့ အတွက် တခြားနိုင်ငံတခုခုကို အားကိုးလိုက်တာနဲ့ မိမိကိုယ်ပိုင်တိုင်းပြည်ရဲ့ အာဏာစက် လျှော့ကျသွားလေ့ ရှိတာမြင်ရပါတယ်။ သူများနောက်လိုက်သဖွယ် ဖြစ်ရပါတယ်။
တရုတ်ကို ကြောက်ရတယ်ဆိုတဲ့ အခြေအနေကနေ ရုန်းထွက်ဖို့ အချိန်မနှောင်းသေးပါဘူး။ ပွင့်ပွင့်လင်းလင်း ပြောရရင် တရုတ်ကိုလည်း ပုံအပ်စရာ မလိုသလို အမေရိကန်ကိုလည်း ဆရာတင်စရာ မလိုပါ။ ကိုယ့်တိုင်းပြည်အတွင်းမှာ ဖြစ်ပျက်နေတဲ့ ပြဿနာတွေကို အရှိအတိုင်း အမှန်အတိုင်း ပထမမြင်ဖို့ လိုပါတယ်။ ပြီးရင် မိမိအချင်းချင်း ကြားမှာ မှန်မှန်ကန်ကန် ဖြေရှင်းကြဖို့ လိုအပ်ပါတယ်။ အဲသလိုသာ ဖြေရှင်းနိုင်မယ်ဆိုရင် နောင်အနာဂတ်မှာ မြန်မာပြည်ဟာ ဂုဏ်သိက္ခာရှိရှိနဲ့ အချုပ်အချာ အာဏာတည်မြဲတဲ့ နိုင်ငံတခုအဖြစ် ရပ်တည်နိုင်ပါလိမ့်မယ်။ ဂုဏ်သိက္ခာရှိရှိ ရပ်တည်နိုင်တဲ့ နိုင်ငံတခုဟာ ဘယ်နိုင်ငံကိုမှ ကြောက်စရာမလိုသလို သြဇာခံလည်း ဖြစ်လာမှာ မဟုတ်ဘူး ဆိုတာ ပြောလိုပါကြောင်း။

ဇော်မင်း
၁၆ ရက် နိုဝင်ဘာလ ၂ဝ၁၄ ခုနှစ်

ဆက်လက်ဖတ်ရှုရန်...

Saturday, November 15, 2014

အာလူးပြောတဲ့ အိမ်တွင်းရေး

အာ လူးဆိုတာ မြန်မာပြည်သားတွေနဲ့ ရင်းနှီးပြီးသားပါ။ အာလူးဟာ အိမ်ရှင်မတိုင်းရဲ့ အားကိုးရာလည်း ဖြစ်ပါတယ်။ အသား ဟင်းသက်သက် ချက်ဖို့ငွေအလုံအလောက် မရှိတဲ့အခါမျိုးမှာ အာလူးကို အားကိုးကြရတယ် မဟုတ်လား။ ဝက်သားနဲ့ အာလူး၊ ကြက်သားနဲ့အာလူး၊ အမဲသားနဲ့အာလူး စသဖြင့် ရောနှောချက်လိုက်ရင် အသားတုံးလေးလဲမြင်ရ အာလူးကိုလည်း စားရတာကြောင့် ရုပ်သိပ်မပျက်တဲ့ ဟင်းတခွက်လို့ ဆိုနိုင်ပါသေးတယ်။ ဒါ့အပြင် အာလူးနဲ့ ကြာဆံတွဲပြီး အာလူးသုပ် လုပ်စား ရင်လည်း ဟင်းတခွက် ဖြစ်ပါသေးတယ်။ အသားငါး လုံးလုံးမဝယ်နိုင်လို့ အာလူဟင်းသက်သက် ချက်ပြီး မဆလာလေး အုပ်လိုက်ရင်လည်း ဘာပဲပြောပြော အားကိုးရတဲ့ ဟင်းတခွက် ဖြစ်လာပါသေးတယ်။ အာလူးဟာ အိမ်တွင်းမှာ အားကိုးရတဲ့ အရန်တပ်သားလို့ ဆိုနိုင်ပါတယ်။

အာလူးရဲ့ မူလအစဟာ တောင်အမေရိကတိုက် ဖြစ်ပါတယ်။ တောင်အမေရိကတိုက်က ဌာနေတိုင်းရင်းသားများ ထမင်းလို အားထားစားရတဲ့ အစာအဟာရပါ။ ၁၅ ရာစု ကုန်ခါနီး အနောက်တိုင်းသားတွေ အမေရိကတိုက်ကြီးကို ရှာဖွေတွေ့ရှိတဲ့ အချိန်ကစလို့ အာလူးဟာ ကျနော်တို့ ကမ္ဘာသူကမ္ဘာသား အားလုံးရဲ့ ဟင်းတမယ် ဖြစ်လာခဲ့တာ အခုအထိပါပဲ။ မြန်မာပြည်ကို အာလူးရောက်လာတာ ဘယ်တုန်းကလဲ ဆိုတာကတော့ အတိအကျ မသိပါ။ ဒါပေမဲ့ အာလူးဟာ အိန္ဒိယက တဆင့် မြန်မာပြည်ကို ရောက်လာခဲ့ဟန်တူပါတယ်။ ဘာကြောင့်တုန်း ဆိုတော့ အာလူးကို အိန္ဒိယ၊ ပါကစ္စတန်၊ ဘင်္ဂလားဒက်ရှ် နိုင်ငံတွေမှာလည်း အာလူးလို့ပဲ ခေါ်တာကြောင့်ပါ။ အာလူးပူရီတို့ အာလူးပလာတာတို့ ဆိုတာ ကုလားပြည်မှာ စာသုံးကြသလို မြန်မာပြည်မှာလည်း စားသုံးကြပါတယ်။ အထက်မြန်မာပြည်က လက်ဖက်ရည်ဆိုင် တွေမှာ ကိုလိုနီခေတ်ကစလို့ အခုခေတ်အထိ အာလူးပလာတာ၊ ပဲပလာတာ စတာတွေဟာ နံနက်စာအဖြစ် ဒါမှမဟုတ် အစာပြေ အစားအစာ အနေနဲ့ စားသုံးနေဆဲပါ။
အနောက်တိုင်းသားများ အတွက်ကတော့ အာလူးဟာ ပေါင်မုန့်လို အားကိုးရတဲ့ နောက်ထပ် အဓိကအစားအစာလည်း ဖြစ်နေပါပြီ။ ရုရှားတို့ ပိုလန်တို့ ဟန်ဂေရီတို့ အစရှိတဲ့ နိုင်ငံများကတော့ အာလူးကို စားသုံးရုံတင် မဟုတ်ပဲ အရက်လည်း ချက်ပြီး သောက်ပါသေးတယ်။ အထူးသဖြင့် ဗော့ဒကာ အရက်ဟာ ရုရှားနိုင်ငံရဲ့ ထင်ရှားတဲ့ အမှတ်တံဆိပ် ဖြစ်ပါတယ်။ အဲဒီ ဗော့ဒကာ အရက်ကို ဂျုံကနေ ချက်သလို အာလူးကလည်း ချက်ပါတယ်။

ကိုလိုနီခေတ်တုန်းက ခေတ်စမ်းစာပေကို စတင်ခဲ့တဲ့ စာရေးဆရာများထဲက တဦးဖြစ်တဲ့ သိပ္ပံမောင်ဝ အင်္ဂန်ကို ပညာတော်သင် သွားရတော့ ရန်ကုန်ကနေ အင်္ဂလန်ကို ပင်လယ်ကူး သင်္ဘောစီးရပါတယ်။ အဲဒီ သင်္ဘောပေါ်မှာ အစားအသောက် ကျွေးမွေးတာနဲ့ ပတ်သက်လို့ သူကြုံခဲ့တာလေး တခုကို ဖတ်ရပါတယ်။ အဲဒါကတော့ အာလူး အကြောင်းပါ။ သင်္ဘောက စားသောက်ခန်းရဲ့ မီနူးမှာ အာလူးကို မှာမယ်ဆိုရင် အဲဒီ အာလူးတမျိုးကိုပဲ မရိုးရအောင် အမယ်အမျိုးမျိုးအဖြစ် စီမံထားတာကို ပြောပြပါတယ်။ ပြုတ်ထားသော အာလူးတဲ့၊ ပြုတ်ပြီးချေထားသော အာလူးတဲ့၊ အချောင်းလေးများအသွင်နဲ့ ကြော်ထားတဲ့အာလူးတဲ့၊ ပြုတ်ပြီး ပြန်ကြော်ထားတဲ့ အာလူးတဲ့၊ အင်္ကျီဝတ်ထားတဲ့ အာလူးတဲ့ စသဖြင့် ဟာသနှောပြီး ပြောပြထားပါတယ်။ အင်္ကျီဝတ်ထားတဲ့ အာလူးဆိုတာကတော့ အားလူး အလုံးကြီးကြီးကို အခွံ မနွှာဘဲ အော်ဗင်လို့ခေါ်တဲ့ မီးဖိုအလုံထဲမှာ ထည့်ပြီးဖုတ်ထားကို ဆိုလိုတာပါ။ အင်္ဂလိပ်လိုတော့ ဂျက်ကက်ပေါ်တေးတိုး ဆိုပြီး ပြောလေ့ရှိပါတယ်။

မြန်မာ့လူနေမှုဘဝမှာ အာလူးဟာ စားစရာတခုအနေနဲ့သာ မဟုတ်ဘဲ တင်စားပြီး စကားပြောဆို သုံးနှုန်းတဲ့အထိ တွင်ကျယ် လာခဲ့ပါတယ်။ အဲတာကတော့ အမျိုးသား အဆိုတော်တဦးက စတီရီယိုခေတ်ဦးမှာ သီချင်းလုပ်ပြီး ဆိုခဲ့ တာကြောင့်ပါ။ အာလူး လာမပေးနဲ့ လေတွေနဲနဲလျှော့ ဆိုတဲ့ သီချင်းပဲ ဖြစ်ပါတယ်။ နောက် အမျိုးသမီး အဆိုတော် တဦးကတော့ ဒီလိုဆိုခဲ့ပါတယ်။ အာလူးပေးတဲ့သူကို သိပ်ကို မုန်းတယ် ဆိုတဲ့ သီချင်းပါပဲ။ အင်း မုန်းမှာပေါ့ အာလူးပေးတယ်ဆိုတာ အပြောသက်သက် လေလုံးသက်သက် အာသက်သက် ဖောလျှောပဲ ဖြစ်နေတာကိုး။ ဒါကြောင့် အပြောသက်သက် လူတွေတိုင်းပြည်ကို အုပ်ချုပ်နေတယ်ဆိုရင် အဲသလို အုပ်ချုပ်သူမျိုးကို ပြည်သူတွေက ဘယ်ချစ်ပါ့မလဲ။ မုန်းတာမဆန်းဘူးလို့ ပြောရမှာပေါ့။

အာလူးနဲ့ ပတ်သက်လို့ ပြောရတာကဒီလိုပါ။ တလောက သတင်းတခုထဲမှာ တွေ့လိုက်ရတယ်။ ဘာတုန်းဆိုတော့ အမေရိကန် နိုင်ငံကနေ မြန်မာပြည်ကို အာလူးတင်သွင်းဖို့ အမေရိကန် စီးပွားရေးသမားတွေက ဈေးကွက်ကို လေ့လာဆန်းစစ်နေတယ်လို့ ကြားလိုက် ရလို့ပါ။ အမေရိကန်ကနေတောင် အာလူးတင်သွင်းဖို့ ဖြစ်ကုန်ကြပြီလား။ ဒါနဲ့ ပတ်သက်လို့ အမေရိကန် အာလူးတင်သွင်းမှာကို ကန့်ကွက်တဲ့သူနဲ့ ထောက်ခံသူတွေလည်း ပေါ်လာပါတယ်။ ကန့်ကွက်တဲ့သူတွေ ပြောတာက အာလူးကို မြန်မာပြည်မှာတောင် အလုံအလောက် မစိုက်နိုင်တာကို ထောက်ပြပါတယ်။ မြန်မာအာလူးတောင်သူတွေ ဘာအကူအညီမှ မရလို့ ဖြစ်တဲ့နည်းတဲ့ အာလူးကို စိုက်ရတာကြောင့် အာလူးအလုံးတွေ သေးသထက် သေးလာတာ ကွာလတီ ကျဆင်းလာရတာကို တင်ပြပါတယ်။ ထောက်ခံတဲ့ သူတွေကတော့ အမေရိကန်အာလူး ဝင်လာရင် ဘယ်လိုဘယ်ပုံ ပြုပြင်စီရင်ချက်ပြုတ်ပြီး ဈေးကွက်တင်ရောင်းမယ်ဆိုတဲ့ အကြောင်းကို ပြောကြပါတယ်။

မြန်မာနိုင်ငံဟာ နိုင်ငံခြားကို ဆန်တင်ပို့တဲ့ ထိပ်သီး နိုင်ငံဖြစ်လာဖို့ ဝေးနေသေးကြောင်းကိုလည်း သတင်းတခုထဲမှာ တွေ့ရ ပါတယ်။ ဟိုရှေးအရင်က ဆန်တင်ပို့တဲ့ နေရာမှာ နာမည်ကြီးခဲ့တဲ့ မြန်မာပြည်ဟာ အရင်လို ဆန်တင်ပို့တာ ထိပ်တန်း ရောက်လာဖို့ အခြေအနေ မရှိသေးတဲ့အချိန်မျိုးမှာ အာလူးကိုတောင် သူများဆီက ထပ်တင်သွင်းဦးမယ် ဆိုတော့ မိမိရဲ့ အိမ်တွင်း စိုက်ပျိုးရေး လုပ်ငန်း တိုးတက်လာသလား ဆုတ်ယုတ်နေသလားဆိုတာ လူတိုင်းခန့်မှန်းနိုင်ပါတယ်။ စိုက်ပျိုးရေး ကျွမ်းကျင်သူများ အဆိုအရ အာလူးစိုက်ပျိုးတာဟာ စပါးစိုက်ပျိုးတာလောက် လက်မဝင်ဘူး မခက်ခဲဘူးလို့ ဆိုပါတယ်။ အဲတာဆိုရင် နိုင်ငံတော်ကို အုပ်ချုပ်နေသူများအနေနဲ့ အာလူးစိုက်တဲ့ တောင်သူတွေ အဆင့်မီအာလူးတွေ စိုက်ပျိုးဖို့ မကူညီ နိုင်ဘူးလား။ မျိုးကောင်း၊ နည်းပညာနဲ့ လိုအပ်တဲ့ ပစ္စည်းကိရိယာတွေ ထောက်ပံ့ကူညီဖို့ မဆောင်ရွက်ပေးနိုင် တော့ဘူးလား။ နဂိုကမှ အာလူး အထွက်ကကျဆင်း အရည်အသွေးက ညံ့ဖျင်းလာတဲ့ အချိန်မျိုးမှာ ကိုယ့်ရဲ့ အာလူး တောင်သူကို မကူညီပဲ နိုင်ငံခြားကနေ တင်သွင်း ဦးမယ်ဆိုရင်တော့ အာလူးတောင်သူတွေ ပက်လက်လန်တော့မှာပေါ့။ အခု အာလူးကိစ္စတခုထဲနဲ့ပဲ မြန်မာ့ အိမ်တွင်းရေးဖြစ်တဲ့ စိုက်ပျိုးရေးကဏ္ဍ၊ နိုင်ငံရေး ကဏ္ဍနဲ့ စီးပွားရေး ကဏ္ဍ ကောင်းမကောင်း ဆိုတာကို အကဲခပ်နိုင်ပါတယ်။

ဒီနေရာမှာ သင်ခန်းစာယူစရာတွေ ရှိပါတယ်။ မြန်မာရဲ့ အိမ်နီးချင်းတိုင်းပြည်ဖြစ်တဲ့ ထိုင်းနိုင်ငံဟာ စိုက်ပျိုးရေးနဲ့ ပတ်သက်ရင် အတော်ကြီးကို တိုးတက်လာနေတဲ့ နိုင်ငံတခုပါ။ နိုင်ငံခြားကို ဆန်တင်ပို့တာမှာလည်း ထိပ်တန်းစာရင်ဝင် နိုင်ငံဖြစ်ပါတယ်။ ဒါ့အပြင် သစ်သီးဝလံတွေနဲ့ သစ်သီးဖျော်ရည်တွေ တင်ပို့တာမှာလည်း အောင်မြင်နေပါတယ်။ ကြက်မွေးမြူရေးမှာလည်း ဘယ်လောက်တောင် အောင်မြင်နေသလဲဆိုရင် အခု မြန်မာပြည်မှာ ရောင်းနေတဲ့ စီပီ ကြက်သား ဆိုတာတွေဟာ ထိုင်းနိုင်ငံက ကုမ္ပဏီပါ။ ကြက်မွေးတာနဲ့ စိုက်ပျိုးရေး ဘာဆိုင်သလဲဆိုတော့ ဆိုင်နေပါတယ်။ အဲဒီမွေးထားတဲ့ ကြက်တွေကို ကျွေးဖို့ လိုအပ်တဲ့ ကောက်ပဲသီးနှံ အစေ့အဆန်တွေကို သူတို့တိုင်းပြည်အတွင်းမှာ စိုက်ပျိုးတာဖြစ်ပါတယ်။ ကြက်စာကို နိုင်ငံခြား ကနေ တင်သွင်းတာမဟုတ်လို့ ကြက်သားက ဈေးချိုပါတယ်။ လူတိုင်းစားနိုင်သွားပါတယ်။ နောက်ထပ်စိုက်ပျိုးရေး ထုတ်ကုန် တခုရဲ့ ပြယုဂ်ကတော့ နိုင်ငံခြားကို သစ်ခွပန်းတွေ အကြီးအကျယ် တင်ပို့နိုင်ခြင်းပါပဲ။ ဘန်ကောက်လေဆိပ်ကနေ နိုင်ငံခြားကို သစ်ခွပန်း တင်ပို့တဲ့ နေစဥ့်တန်ဖိုးဟာ ထိုင်းဘတ်ငွေ ၁၅ သန်း အနည်းဆုံး ရှိပါတယ်။ တလဆိုရင် ဘတ်သန်းပေါင်း ၄၅ဝ။ တနှစ်ဆိုရင် ထိုင်းဘတ်ငွေအားဖြင့် ၅ ဒသမ ၄ ဘီလီယံ ကျော်ပါတယ်။ ငွေလဲနှုန်းနဲ့ အကြမ်းဖျဉ်းတွက်ရင် ထိုင်းဘတ်ငွေ တဘတ်ဟာ မြန်မာကျပ်ငွေ ၃ဝ နဲ့ညီမျှပါတယ်။ ဒါကြောင့် ၃ဝ နဲ့သာ မြှောက်သာကြည့်ပါတော့။

အဲသလို စိုက်ပျိုးရေးအရ အောင်မြင်နေတဲ့ ထိုင်းနိုင်ငံမှာတောင် တခါတခါ အစိုးရရဲ့ စီမံခန့်ခွဲမှု ညံ့ဖျင်းလာတယ် အားနည်း သွားတယ်ဆိုရင် တောင်သူတွေ အကြီးအကျယ် ထိခိုက်လေ့ရှိပါတယ်။ လွန်ခဲ့တဲ့ ရှစ်နှစ်လောက်က တရုတ်ပြည်က ကြက်သွန် တွေကို ထိုင်းနိုင်ငံထဲကိုတင်သွင်းဖို့ ထိုင်းအစိုးရက ခွင့်ပြုလိုက်ပါတယ်။ တရုတ်ကြက်သွန်တွေ ဈေးပေါပေါနဲ့ ထိုင်းနိုင်ငံထဲကို ဝင်လာတော့ ထိုင်းကြက်သွန်တောင်သူတွေ ငါးပါးမှောက်ကုန်ပါတယ်။ တရုတ်ဖက်က ဈေးပေါပေါနဲ့ ဝင်လာတာကြောင့် ထိုင်းကြက်သွန် အရောင်းကျသွားပါတယ်။ ထိုင်းပြည်တွင်းဖြစ် ကြက်သွန်ဈေးကွက် ပျက်ပါတယ်။ ဒါရဲ့ အကျိုးဆက်အဖြစ် ထိုင်းနိုင်ငံ မြောက်ပိုင်းက ကြက်သွန်အဓိကထားပြီး စိုက်ပျိုးတဲ့ တောင်သူတွေ အဲဒီနှစ်က အမြတ်မထွက်တဲ့အပြင် အရင်းလည်း ရှုံးပါတယ်။ နောက်နှစ်တွေမှာလည်း ဆက်ရှုံးပါတယ်။ စုထားတဲ့ ရွှေငွေနဲ့ စီးနေတဲ့ ကားတွေကို ပြန်ရောင်းရတဲ့ အထိ ရင်ဆိုင်ရတဲ့ တောင်သူတွေ မနည်းလှပါဘူး။

ဒါဟာ ဘာကို ပြတာလဲဆိုတော့ မိမိတိုင်းပြည်အတွင်းက လယ်သမားကို ဈေးကွက်သဘောအရ ကာကွယ်ပေးဖို့ ပျက်ကွက်သွားတာကြောင့် ဖြစ်ရတာပါ။ နိုင်ငံကြီးတွေမှာက မြေကလည်း ကျယ်တယ် စိုက်တဲ့ပျိုးတဲ့ နေရာမှာလည်း စက်တွေကိုပဲ အသုံးပြုတယ် ဆိုတော့ လုပ်သားခ ဈေးသက်သာပါတယ်။ ဒါကြောင့် ထွက်လာတဲ့ သီးနှံကို သူတကာထက် ဈေးပေါပေါနဲ့ ရောင်းနိုင်ပါတယ်။ နိုင်ငံကြီးတွေက ထွက်ကုန်တွေလောက် ဒေသခံလယ်သမားတွေက ဈေးကို ထပ်လျှော့ပြီး မရောင်းနိုင်ပါဘူး။ ဒါကြောင့် လူ့သဘာဝအရ စားသုံးသူက ဈေးပေါတာ ဈေးချိုတာကို ဝယ်သုံးတော့ ဒေသခံတောင်သူတွေ ကျောကော့တော့တာပါပဲ။
သစ်ခွသမားတွေလည်း ခံရဘူးပါတယ်။ သူတို့ကတော့ နိုင်ငံခြားကနေ သစ်ခွတွေ ဝင်လာလို့ မဟုတ်ပါ။ လွန်ခဲ့တဲ့ ငါးနှစ်လောက်က ထိုင်းနိုင်ငံရေး မတည်ငြိမ်တာကြောင့် ဖြစ်ခဲ့ရတာပါ။ နိုင်ငံရေးအုပ်စုကြီးတခုနဲ့ သူတို့ကို ထောက်ခံတဲ့ လူတွေက ဘန်ကောက်လေဆိပ်ကြီးကို ဝင်စီးပြီး သိမ်းယူထားတာကြောင့် ဖြစ်ရတာပါ။ သစ်ခွတွေကို ဘန်ကောက် လေဆိပ်က တဆင့် သက်ဆိုင်ရာနိုင်ငံတွေကို အအေးခန်း ကုန်တင်လေယာဉ်များနဲ့ ပို့ရပါတယ်။ ဘန်ကောက်လေဆိပ်မှာ လေယာဉ်တွေ အတက်အဆင်း လုပ်ခွင့်မရတာ တလကျော်ကျော်လောက် ကြာခဲ့ပါတယ်။ အဲဒီ ကာလအတွင်း သစ်ခွတွေ လေဆိပ်မှာ သောင်တင်ပြီး ပျက်စီးကုန်သလို ခြံထဲက နောက်ထပ်သစ်ခွတွေလည်း ခြံထဲမှာပဲ ပုံနေပါတယ်။ အဆိုပါ လေဆိပ်စီးနင်းထားတဲ့ တလကျော် ကာလဟာ သစ်ခွတောင်သူတွေအတွက် အရှုံးကာလလို့ ဆိုနိုင်ပါတယ်။

မြန်မာ့အာလူးကိစ္စ ပြန်ကောက်ပါ့မယ်။ အမေရိကန်အာလူး မတင်သွင်းခင် အခုရက်ပိုင်းအတွင်းမှာ အမေရိကန် သမ္မတကြီး မြန်မာပြည်ကို လာတော့မယ်ဆိုတော့ မြန်မာအာလူး ဘဝမပျက်အောင် မြန်မာသမ္မတကြီးက အမေရိကန် သမ္မကြီးကို နိုင်ငံရေးကြောင်းတွေ၊ ဒေသတွင်းလုံခြုံရေးအကြောင်းတွေ၊ နိုင်ငံတကာ အကြမ်းဖက်ပြဿနာ အကြောင်းတွေ ပြောနေ တာထက် အာလူးနာလံထရေး အတွက် အကူအညီ တခုခုပေးဖို့ တောင်းဆိုရင် ပိုမကောင်းဘူးလားလို့ စဉ်းစားမိပါတယ်။ သို့သော်လည်း အာလူးအတွက် အကူအညီ တောင်းရင်း ဟိုဖက်ဒီဖက် အာလူးတွေပဲ များနေဦးမယ် ဆိုရင်တော့ သမ္မတကြီးတွေလည်း အာလူးသမ္မတွေ ဖြစ်ကုန်ပြီး အာလူးပေးတဲ့သူများကို လူတွေက ချစ်ခင်လိမ့်မည် မဟုတ်ပါကြောင်း။

ဇော်မင်း
၁၁ ရက် နိုဝင်ဘာလ ၂ဝ၁၄ ခုနှစ်

ဆက်လက်ဖတ်ရှုရန်...

Sunday, November 9, 2014

စေတနာနဲ့ ဆွေးနွေးဖို့ပဲ လိုပါတယ်

မြန် မာပြည်မှာ တည်ရှိနေတဲ့ ပြဿနာပေါင်းများစွာကို ဖြေရှင်းဖို့ရာမှာ ဘယ်လမ်းကို ဘယ်လိုသွားလို့ ဘယ်လို ဆောင်ရွက်ကြ မှာတုန်းဆိုတာ စိတ်ဝင်စားဖို့ကောင်းပါတယ်။ တချိန်ထဲမှာလည်း ဒီမိုကရေစီ ဆိုတာကို အကောင်အထည် ဖော်နေတယ် လို့လည်း လက်ရှိအစိုးရ ဆိုထားပြန်ပါတယ်။ ဒါပေမဲ့ မြန်မာပြည်မှာ အစိုးရ ပြောနေတဲ့ ဒီမိုကရေစီ ဖွံ့ဖြိုးရေးနဲ့ ပတ်သက်တဲ့ လုပ်ရပ်တွေဟာ အတော်ကလေး နှေးကွေးနေသေးတယ်လို့ ပြောမယ်ဆိုရင်လည်း မမှားပါဘူး။ ရှင်းရှင်း ပြောရရင် မီဒီယာတွေ အတော်ကလေး ရေးသားဖော်ပြ နိုင်ခွင့်ရှိတာရယ်၊ ဆန္ဒပြခွင့်တချို့ ရရှိတာရယ်ကလွဲလို့ ဒီမိုကရေစီဟာ ဘယ်ဆီနေမှန်း တောင် မသိသေးပါဘူး။

မြန်မာပြည်မှာ အခုရင်ဆိုင်နေရတဲ့ ပြဿနာတွေက များမြောင်လှပါတယ်။ ပြည်သူတွေရဲ့ အမှန်တကယ် မဲဆန္ဒနဲ့ အတည်ပြု ထားတာ မဟုတ်တဲ့ ၂ဝဝ၈ ဖွဲ့စည်းပုံအခြေခံဥပဒေ၊ အဲဒီဖွဲ့စည်းပုံအရ အာဏာစွမ်း အပြည့်အဝရရှိနေတဲ့ စစ်ဗိုလ်ချုပ်များ၊ ကြိုတင်မဲဆိုတဲ့ မဲတွေနဲ့ အစိုးရဖြစ်လာတဲ့ အခုလက်ရှိအစိုးရ၊ ခေတ်အဆက်ဆက်ကနေ အခုအထိ တည်ရှိနေတဲ့ လယ်သိမ်း မြေသိမ်းကိစ္စတွေ၊ သဘာဝအရင်းအမြစ်တွေကို စိတ်ကြိုက်ထုတ်ယူနေတဲ့ အခြေအနေ၊ ကြောက်မက်ဖွယ် ကောင်းလောက်အောင် သဘာဝပတ်ဝန်းကျင် ပျက်သုဉ်းလာနေမှု၊ ခရိုနီတွေရဲ့ ကြီးမားဆဲ အခန်းကဏ္ဍ၊ ဆင်းရဲနွမ်းပါးမှုကို ကတိပေးထားသလို မလျှော့ခြနိုင်သေးတာ၊ ဘာမှ အာဏာမရှိတဲ့ လွှတ်တော်၊ တရုတ်ကုမ္ပဏီများရဲ့ သြဇာရိပ် ကြီးသထက်ကြီးလာခြင်း၊ ပြည်နယ်တွေ ပြည်နယ်အရေးကို ကိုယ်တိုင်စီမံခန့်ခွဲနိုင်ခွင့် အမှန်တကယ် မရသေးတဲ့ ကိစ္စ၊ တိုင်းရင်းသားရေးရာ ပြဿနာတွေ မပြေလည်သေးပဲ ဟိုနေရာဒီနေရာတွေမှာ တိုက်ပွဲတွေ ဆက်ရှိနေသေးတာ၊ လာမယ့် ၂ဝ၁၅ ရွေးကောက်ပွဲ ဖြစ်နိုင်ခြေ ရှိ-မရှိ ဆိုတဲ့ အပြောအဆိုမျိုး၊ ပညာရေး ကျန်းမာရေး နိမ့်ကျမှုကို မမြှင့်တင်နိုင်သေးတာ၊ နိုင်ငံသားအများစု လျှပ်စစ်ဓာတ်အားကို ဈေးချိုချိုနဲ့ မသုံးစွဲနိုင်သေးတာ၊ ၂ဝ၁၅ ရွေးကောက်ပွဲမှာ ဘယ်လို မဲပေးတဲ့ စနစ်ကို အသုံးပြုကြမှာလဲ စသဖြင့် စုံလှပါတယ်။ နောက်ထပ်လည်း ကျန်ပါသေးတယ်။ ရေးရင် ကုန်နိုင်မှာ မဟုတ်လို့ ဒီလောက်ပဲ ဖော်ပြပါရစေ။
အဲသလောက် ပြဿနာတွေ များမြှောင်လှပြီး အဓိကျတဲ့ ပြဿနာတွေကို မဖြေရှင်းနိုင်သေးသရွေ့ ဒီတိုင်းပြည်ဟာ ဘယ်မှ ရောက်မှာ မဟုတ်ပါဘူး။ ဖွံ့ဖြိုးရေးတို့ ဘာတို့ ပြောနေတာဟာ လွမ်းကောင်းအောင် ပြောတဲ့သဘောသာ ဖြစ်နေပါတယ်။ တကယ်တန်းပြောရရင် မြန်မာပြည်ဟာ ဘာရုပ်မှ မပေါက်သေးပါဘူး။

ဒီမိုကရေစီမှာ အားကောင်းတဲ့ အတိုက်ခံပါတီဆိုတာ ရှိရပါတယ်။ ဒါမှမဟုတ်ရင် ကမ္ဘောဒီးယားလို ဖြစ်နေပါလိမ့်မယ်။ ကမ္ဘောဒီးယားမှာ အပတ်တိုင်း ဟွန်ဆန် နိုင်လို့ ဝန်ကြီးချုပ်ဖြစ်ပါတယ်။ သူ့သားက ကြယ်နှစ်ပွင့်ဆိုလား ကြယ်သုံးပွင့် ဆိုလား ဗိုလ်ချုပ်ကြီး အဆင့်လို့ ဆိုပါတယ်။ အမေရိကန် ဝက်စ်ပွိုင့် စစ်တက္ကသိုလ် ကျောင်းဆင်းဖြစ်သလို၊ အင်္ဂလန် နိုင်ငံကနေ စီးပွားရေးဆိုင်ရာ မဟာဝိဇ္ဇာဘွဲ့လည်း ရရှိခဲ့သူပါ။ ဒါပေမဲ့ ကမ္ဘောဒီးယားနိုင်ငံဟာ ဒီမိုကရေစီ နိုင်ငံတော်လို့ အခုအထိ မပြောနိုင်သေးပါ။ ဘာကြောင့်တုန်း ဆိုတော့ အထက်ကပြောခဲ့သလို အတိုက်ခံပါတီဆိုတာတွေကို တရားမျှတမှုနဲ့ အညီ ရှင်သန်ခွင့် မပေးထားတာကြောင့်ပါ။ အတိုက်ခံပါတီတွေ အားမကောင်းတော့ နောက်ဆုံးမှာ ရွေးကောက်ပွဲလုပ်တိုင်း အာဏာရလက်စ အစိုးရသာ ပြန်ပြီး အာဏာရတာ မဆန်းတော့သလို ဖြစ်နေပါတယ်။ အတိုဆုံးပြောရရင် ပါတီစုံ ဒီမိုကရေစီ သွားတဲ့လမ်းမှာ အင်အားကောင်းတဲ့ အတိုက်ခံဆိုတာ ရှိကို ရှိမှ ဟိုဖက်ဒီဖက် အစွန်းတွေကို ထိမ်းသိမ်းနိုင်မှာ ဖြစ်ပါတယ်။

အင်ဒိုနီးရှားနိုင်ငံကတော့ ဒီနေရာမှာ အရှေ့တောင်အာရှ နိုင်ငံများအတွင်း အတော်လေး လွတ်လပ်ပွင့်လင်းလာတယ်လို့ ပြောနိုင်ပါတယ်။ သူတို့လည်း တချိန်တုန်းက ဗိုလ်ချုပ်ဟောင်း သမ္မတဆူဟာတိုရဲ့ ဖွဲ့စည်းပုံအခြေခံဥပဒေအောက်မှာ ပိပြားနေခဲ့ရတဲ့ တိုင်းပြည်တခုပါ။ အင်ဒိုနီးရှားစစ်တပ်က ၂၅% ပါလီမန်မှာ အသားလွတ် ဝင်နေရာယူခဲ့ပါတယ်။ နိုင်ငံခြား ရင်းနှီးမြှုပ်နှံမှု မှန်သမျှ သမ္မတ ဆူဟာတို လက်အောက်ကပဲ သွားရလေ့ရှိပါတယ်။ အဲတာကြောင့် သမ္မတ ဆူဟာတိုနဲ့ သူရဲ့ မိသားစု၊ သူတို့ စီးပွားဖက်တွေဟာ ရက်ရက်စက်စက် ချမ်းသာကြပါတယ်။ သမ္မတ ဆူဟာတိုရဲ့ ကြွယ်ဝမှုဟာ အမေရိကန် ဒေါ်လာ ၁၅ဘီလီယံ ကနေ ဘီလီယံ ၂ဝ ကျော်လောက်အထိ ရှိခဲ့တယ်လို့ ပြောကြပါတယ်။ အဲသလောက် ချမ်းသာကြွယ်ဝပြီး သြဇာကြီးမားခဲ့တဲ့ အုပ်စုကြီးဟာ နောက်ဆုံးတော့ လူထုအုံကြွမှုကြောင့် အာဏာနေရာက ဆင်းပေး ခဲ့ရပါတယ်။ သူတို့ဟာ သူတို့ နောင်တတရားရလို့ ဆင်းပေးသွားတာ မဟုတ်ပါ။

ဆူဟာတို အာဏာက ဆင်းသွားပြီး နောက်တက်လာတဲ့ အင်ဒိုနီးရှား နိုင်ငံရေးခေါင်းဆောင် အဆက်ဆက်ဟာ အရပ်သားပဲ ဖြစ်ဖြစ် စစ်တပ်ကလာတဲ့သူပဲ ဖြစ်ဖြစ် တူညီတဲ့ အတွေးအမြင်တခု ရှိပါတယ်။ အဲဒီ အတွေးအမြင်ကလည်း အတွေ့အကြုံ များထဲက ရရှိလာတာပါ။ ဘာအတွေးအမြင်လည်းဆိုတော့ အင်ဒိုနီးရှားနိုင်ငံမှာ တိုင်းရင်းသား ပြဿနာကို မှန်မှန်ကန်ကန် ကိုင်တွယ်ဖြေရှင်းဖို့ လိုလာပြီဆိုတဲ့ အတွေးအမြင်ပါ။ သူတို့တိုင်းပြည်မှာ မတူကွဲပြားတဲ့ တိုင်းရင်းအုပ်စု လေးရာကျော် ရှိပါတယ်။ ဒါကြောင့် မတူကွဲပြားတဲ့ ဘာသာစကားတွေကို ပြောဆိုပါတယ်။ ကျွန်းပေါင်း မြောက်များစွာနဲ့ စုဖွဲ့ထားတဲ့ နိုင်ငံဖြစ်တာကြောင့် အဲဒီ တိုင်းရင်းသား အုပ်စုတွေဟာ ပြန့်နှံ့ပြီးတည်ရှိပါတယ်။ မြန်မာပြည်မှာလို တဆက်တစပ်ထဲ ရှိတဲ့ မြေကြီးပေါ်မှာ ရှိတာမျိုးမဟုတ်ပါ။

တိုင်းရင်းသား ပြဿနာကို ကြေလည်အောင် ဖြေရှင်းဖို့ ပထမဆုံး လုပ်ရပ်ကတော့ ဆူဟာတိုလက်ထက်က အတင်းအဓမ္မ ချမှတ်ကျင့်သုံးခဲ့တဲ့ စစ်တပ်ဗဟိုပြုတဲ့ ဖွဲ့စည်းပုံအခြေခံဥပဒေကို ဖျက်သိမ်းလိုက်ပါတယ်။ နောက်သက်ဆိုင်ရာ တိုင်းရင်းသား အုပ်စု အသီးသီးနဲ့ စကားပြောပါတယ်။ စစ်စစ်မှန်မှန် ပြောတာပါ။ အခုမြန်မာပြည်မှာ လုပ်နေတဲ့ ငြိမ်းချမ်းရေး လုပ်ငန်းစဉ် အတိုင်းဆိုရင် အင်ဒိုနီးရှားရဲ့ တိုင်းရင်းပြဿနာဟာ အခုအထိမပြောနဲ့ နောက်ဆယ်သက် ကြာတောင် ပြီးဦးမှာ မဟုတ်ပါ။ ဒီနေရာမှာ တွေ့ရတာက အင်ဒိုနီးရှား နိုင်ငံရေးခေါင်းဆောင်တွေရဲ့ တိုင်းပြည်ကောင်းစေဖို့ စေတနာကို ထင်ထင် ရှားရှား မြင်ရခြင်းပါ။ မြန်မာပြည်မှာလို ငြိမ်းချမ်းရေး ဆွေးနွေးပွဲခေါ်လိုက် တော်နေ သေနတ် ပြန်ပေါက်လိုက် ဆိုတာမျိုး မရှိခဲ့ပါ။ ဒါပေမဲ့ အင်ဒိုနီးရှားမှာတုန်းက ကြားထဲမှာ ဖျက်မြင်းတွေကလည်း ရှိနေတော့ အဲဒီ ကပျက်ကရက်တွေလည်း နှိမ်နင်းခဲ့ ရပါသေးတယ်။ တိုင်းပြည်ကောင်းစားဖို့ စေတနာလိုတယ် ဆိုတာကို ထောက်ပြ ချင်တာပါ။ စေတနာ မပါရင်၊ စေတနာမရှိရင် ဘယ်နည်းကို သုံးသုံး ဘယ်ဖော်မြူလာနဲ့ပဲ စခန်းသွားသွား အောင်မြင်မှာ မဟုတ်ပါဘူး။
ဟိုတရက် မြန်မာပညာရှင်တဦးဆိုသူက လာမယ့် ၂ဝ၁၅ ရွေးကောက်ပွဲအတွက် ရွေးကောက်ပွဲစနစ်အသစ်တခု လိုအပ် တယ်လို့ ဆိုတာကို ကြားလိုက်ပါတယ်။ ဒီပညာရှင်က မဲများသူအနိုင်ယူဆိုတဲ့ အရင် ရွေးကောက်ပွဲပုံစံဟာ မြန်မာပြည်ရဲ့ အရွေ့ကို အနှောက်အယှက် ဖြစ်နိုင်တယ်လို့ ဆိုပါတယ်။ အဲဒီတော့ ပီအာစနစ်နဲ့ ရွေးကောက်ပွဲကို သွားမှာလား ဆိုတော့လည်း အဲဒီအတိုင်း သွားသင့်တယ်လို့ တိတိကျကျ ပြောကြားခြင်း မရှိပါ။ ဒါပေမဲ့ ပီအာစနစ်ကို စိတ်အတော် ယိုင်ပုံတော့ ပေါက်ပါတယ်။ အဆိုပါ ပညာရှင် ပြောချင်တဲ့ အဓိက အကြောင်းက နဂိုအသုံးပြုခဲ့တဲ့ မဲများသူအနိုင်ရတယ် ဆိုတဲ့ စနစ်ကို မကျင့်သုံးဖို့ အဓိကထားပြီး ပြောတာလို့ မြင်ပါတယ်။ အဲဒီတော့ ဆန်းစစ် ကြည့်ရင် မြန်မာပြည်ဟာ အင်္ဂလိပ် လက်ထက်ကနေ အခုအချိန်အထိ ကျင့်သုံးခဲ့တဲ့ မဲများသူအနိုင်ရတဲ့ စနစ်ကို စွန့်လွှတ်ပြီး တခါမှ မကျင့်သုံးဘူးတဲ့ စနစ်ကို အသုံးပြုဖို့ဆိုတာ အဆင့်သင်ဖြစ်မဖြစ် ဆိုတဲ့ ကိစ္စက အရေးကြီးလာပါတယ်။ လာမယ့် ရွေးကောက်ပွဲမှာ ရှုံးနိုင်တဲ့ ပါတီကြီး တခုအတွက် ကိုယ်စားပြောပေး နေသလားလို့ မြင်မိပါတယ်။ တိုင်းပြည် တိုးတက်ရေးလို့ ပြောနေတဲ့အပိုင်းမှာ စေတနာ မရှိရင်၊ စေတနာ မပါရင် ဘယ်နည်းကိုသုံးသုံး တိုင်းပြည်တိုးတက် ငြိမ်းချမ်းမှာ မဟုတ်ဘူးလို့ အတိအလင်း ပြောလိုပါတယ်။

အခု လက်ရှိအာဏာရထားတဲ့ အစိုးရနဲ့ အာဏာတွေ အများကြီး ဆုပ်ကိုင်ခွင့်ရထားတဲ့ တပ်မတော် ခေါင်းဆောင်တွေ အနေနဲ့ မြန်မာပြည်က တိုင်းရင်းသား ပြဿနာကို ဘယ်လို ရှုမြင်ပါသလဲ။ လက်နက်ကိုင် သူပုန်တွေ၊ သောင်းကျန်းသူ တွေလို့ မြင်ထားပါသလား။ ဒါမှမဟုတ် နှစ်ပေါင်းများစွာ နစ်နာနေတဲ့ တိုင်းရင်းသား အခွင့်အရေးများအတွက် လှုပ်ရှား ရုန်းကန် နေသူတွေလို့ သဘော ထားသလား။ သူပုန်တွေ သောင်းကျန်းသူတွေလို့ မြင်နေဆဲ ဆိုရင်တော့ ချေမှုန်းပစ်မယ် ဆိုတဲ့ ဖက်က အားသာလိမ့်မယ်လို့ ထင်ပါတယ်။ ချေမှုန်းမယ်ဆိုတဲ့ အခံက ရှိနေဆဲဆိုရင်တော့ အခု မကြာမကြာ တွေ့ဆုံ နေကြတဲ့ ဆွေးနွေးပွဲ တွေဟာ အတုအယောင်သဘောသာ သက်ရောက် ပါလိမ့်မယ်။ သူတို့လည်း သူတို့အခွင့်အရေး အတွက် တိုက်ပွဲဝင်သူတွေလို့ သဘောထားနိုင်ပါမှ ဆွေးနွေးပွဲတွေဟာ အဓိပ္ပါယ်ရှိတဲ့ ဆွေးနွေးပွဲတွေ ဖြစ်ပါလိမ့်မယ်။ အခွင့်အရေးအတွက် တိုက်ပွဲဝင်သူ တွေလို့ မြင်ပါမှ တန်းတူရေးဆိုတာကို လက်ခံမှာ ဖြစ်ပါတယ်။

တန်းတူရေးကို လက်ခံပါမှ အနာဂတ်မှာ ဖက်ဒရယ်ပြည်ထောင်စု တည်ဆောက်ရေးဆိုတာ အသက်ဝင်ပါလိမ့်မယ်။ အလုပ် ဖြစ်ပါလိမ့်မယ်။ တိုင်းရင်းသားအရေးဟာ စစ်စစ်မှန်မှန် စေတနာ ရှေ့ထားပြီး ဖြေရှင်းရမယ့် အရေးလို့ သဘောပိုက် မိတယ်ဆိုရင် ရှေ့မှာ ရလဒ်ကောင်း တွေကို ဆုပ်ကိုင်မိမှာ ဖြစ်ပါတယ်။ အဲဒီကမှတဆင့် တိုင်းပြည်တစုံလုံး တိုးတက်ရေးကို နှောင့်နှေးစေတဲ့ ခရိုနီပြဿနာတွေ၊ အခွန်ရှောင်တာတွေ၊ အနိုင်ကျင့်တာတွေ၊ လာဘ်ပေးလာဘ်ယူ ကိစ္စတွေကို ကောင်းကောင်း ကိုင်တွယ်နိုင်မှာ ဖြစ်ပါတယ်။ စနစ်ဟောင်းကို ကျင့်သုံး နေဆဲဖြစ်လို့ နိမ့်ကျနေတဲ့ ပညာရေး ကျန်းမာရေး စီးပွားရေး စတာတွေကိုပါ တဆက်ထဲ မြှင့်တင်နိုင်မှာလည်း ဖြစ်ပါတယ်။

အင်ဒိုနီးရှားမှာတုန်းက အပြောင်းအလဲ ဖြစ်ပြီးနောက်ပိုင်း ခရိုနီတိုင်းကို အရေးယူတာမျိုး မလုပ်ခဲ့ပါဘူး။ ဆူဟာတို လက်ထက်က ရုပ်ပျက်ဆင်းပျက် စားထားဝါးထားလို့ မဖြစ်မနေ အရေးယူရမယ့် သူမျိုးတွေကိုလောက်သာ ပြည်သူအများ ရှေ့မှောက်မှာ အရေးယူအပြစ် ပေးခဲ့တာပါ။ အင်ဒိုနီးရှားမှာ လုပ်ခဲ့ကိုင်ခဲ့တဲ့ နည်းနာက ညင်သာပါတယ်။
ရှေ့လာမယ့် အနာဂတ်အတွက် မြန်မာပြည်ရဲ့ အပြောင်းအလဲတွေ ဖြောင့်ဖြူးဖို့၊ လမ်းသာဖို့ အတွက် ဆောင်ရွက်မယ် ဆိုရင် ဆောင်ရွက်ရမယ့် နည်းလမ်းတွေကတော့ တိုင်းပြည်တစုံလုံးအပေါ်မှာ စေတနာ ရှိတယ်ဆိုတာကို ရိုးရိုးသားသား ဖော်ဆောင် ပြသဖို့သာ လိုပါတယ်။ မြန်မာပညာရှင်တဦး ပြောနေသလို ဟိုလိုလုပ်မှ ဒီလိုလုပ်မှ၊ ဟိုနည်းကိုသုံးမှ ဒီနည်းကို သုံးမှ အဆင်ပြေလိမ့်မယ်၊ အောင်မြင်လိမ့်မယ်ဆိုတာ မဟုတ်ပါဘူး။ ဖြစ်လည်း မဖြစ်နိုင်ပါဘူး။ စိတ်ကောင်း စေတနာမှန် ရှိဖို့သာ အဓိကလို့ ထပ်လောင်း ပြောလို ပါတယ်။

တချို့ကတော့ ပြောကောင်းပြောပါလိမ့်မယ်။ အပြောတော့လွယ်တယ် လက်တွေ့လုပ်ဖို့က မလွယ်ဘူး ဆိုတာမျိုးပါ။ မြန်မာ ပြည်ကြီး အမှန်တကယ် လမ်းကြောင်းမှန်ပေါ်ကို ရောက်စေချင်တယ်ဆိုရင် လုပ်ရမယ့် နည်းက ထူးဆန်းတဲ့နည်း မဟုတ်ပါဘူး။ ဘယ်နိုင်ငံခြားကမှလည်း တင်သွင်းလာစရာ မလိုပါဘူး။ အဲတာက ဘာတုန်းဆိုတော့ ဖျက်မြင်းတွေကို ဘေးချိတ် ထားလိုက်ပြီး လက်ရှိအစိုးရ ခေါင်းဆောင်တွေ၊ စစ်တပ်က ခေါင်းဆောင်တွေ၊ အရပ်သားနိုင်ငံရေး ခေါင်းဆောင်တွေ၊ တိုင်းရင်းသား ခေါင်းဆောင်တွေ အားလုံးစုပေါင်းပြီး ပထမအဆင့် စေတနာမှန်မှန်နဲ့ ဆွေးနွေးလိုက်ရင် အချိန်တိုတိုအတွင်းမှာ အားလုံးသာဓု ခေါ်နိုင်တဲ့ အဖြေတရပ်ကို ၂ဝ၁၅ ရွေးကောက်ပွဲ မတိုင်မီ တွေ့ရှိမှာ ဖြစ်ပါကြောင်း။

ဇော်မင်း

ဆက်လက်ဖတ်ရှုရန်...

Tuesday, November 4, 2014

သူတို့မပြင် လူတွေပြင်လိမ့်

ဖိ
နှိပ်မှုတွေ ပုံစံမျိုးစုံနဲ့ သက်ဆိုးရှည်နေသမျှ မြန်မာပြည်ဟာ ဖွံ့ဖြိုးတိုးတက်ရေး လမ်းကြောင်းပေါ်ကို ရောက်မှာ မဟုတ်သေး ပါဘူး။ တဖက်မှာ ပြန်ကြည့်ရင်လည်း ဖိနှိပ်မှုတွေကို ဖြစ်ပေါ်စေတဲ့ ဥပဒေတွေ၊ လုပ်ထုံးလုပ်နည်းတွေက အသက်ဝင်နေသေး တာကြောင့်ဆိုတာ မြင်ရပါတယ်။ အဲဒီလို အခြေအနေမျိုးတွေကို မဖြတ်တောက်နိုင်ဘူး၊ မပယ်ဖျက်ဘူး၊ မပြုမပြင်ဘူး ဆိုရင်တော့ မြန်မာပြည်ကြီး အကောင်းဖက်ကို ပြောင်းလဲနေပါတယ်ဆိုတဲ့ အပြောဟာ လိမ်ညာနေတဲ့ အပေါ်ယံ စကားလို့သာ ဆိုရမှာပါပဲ။

ဖိနှိပ်မှုတွေကို ပိုပြီးသက်ဆိုး ရှည်စေတဲ့ အကြောင်းအရာထဲမှာ ၂ဝဝ၈ ခုနှစ် နာဂစ်မုန်တိုင်းအပြီး တက်သုတ်ရိုက် အတည်ပြု ပြဌာန်းလိုက်တဲ့ ဖွဲ့စည်းပုံအခြေခံဥပဒေက အဓိကလို့ ပြောလိုပါတယ်။ နာဂစ်ဖွဲ့စည်းပုံလို့လည်း လူတွေက အမည်တပ်ပါတယ်။ စစ်တပ်ကပဲ နိုင်ငံရေး ဦးဆောင်မှုကို ယူထားဖို့ ချယ်လှယ်ဖို့ ချုပ်ကိုင်ဖို့အတွက် ပြဌာန်းခဲ့တဲ့ ဖွဲ့စည်းပုံကြီးလို့ ဆိုရင်လည်း မှားမယ်မထင်ပါဘူး။ ဒီနာဂစ်ဖွဲ့စည်းပုံဟာ တကယ်တန်းပြောရမယ်ဆိုရင် မြန်မာနိုင်ငံသားတွေက တခဲနက် ထောက်ခံလို့ ဖြစ်လာတဲ့ ဖွဲ့စည်းပုံမဟုတ်ပါ။ မဲတွေကို လိုသလို ကုလားဖန်ထိုးပြီး လူထုနာမည်တပ်လိုက်ခြင်းသာ ဖြစ်ပါတယ်။
ဒီဖွဲ့စည်းပုံ ဆက်လက်ပြီး သက်ဆိုးရှည်နေဦးမယ်ဆိုရင် မြန်မာနိုင်ငံမှာ မျိုးဆက်သက် လူငယ်တွေအတွက် အနာဂတ် မရှိပါလို့ ပြောပါရစေ။ အနာဂတ် လှပဖို့အတွက်ဆိုရင် စစ်ထဲဝင်ခြင်းကသာ တခုထဲသော ထွက်ပေါက်လို့ ဆိုရမှာပါပဲ။ ဒီဖွဲ့စည်းပုံ ဆက်လက် တည်ရှိ အသက်ဝင် နေခြင်းအားဖြင့် တိုင်းရင်းသားပေါင်းစုံ လိုလားတောင့်တနေတဲ့ တန်းတူညီမျှတဲ့ ဖက်ဒရယ် ပြည်ထောင်စု ဆိုတာလည်း ပေါ်ပေါက်လာဖို့ အကြောင်းမရှိတော့ပါ။ ဒီဖွဲ့စည်းပုံက စစ်တပ်က ထိပ်ပိုင်းအုပ်ချုပ်သူ လူတန်းစားရယ်၊ သူတို့ရဲ့ စီးပွားဖက်တွေရယ် ကောင်းစားဖို့ကလွဲလို့ နိုင်ငံနဲ့အဝှမ်း ပညာရေး၊ လူမှုရေး၊ စီးပွားရေး၊ ကျန်းမာရေး ဖွံ့ဖြိုးလာဖို့ အလားအလာကောင်း မရှိနိုင်ပါ။

အာဏာရ ခါစ တုန်းက သမ္မတပြောပြောနေတဲ့ ဆင်းရဲမွဲတေမှု လျှော့ချရေးဆိုတာကလည်း အခုထိ ရေပေါ်အရုပ်ရေးသလို ပါပဲ။ မြန်မာနိုင်ငံသားတွေ အိမ်နီးချင်းနိုင်ငံတွေမှာ ကျွန်ခံဖို့ အလုံးအရင်းနဲ့ ထွက်ခွါနေဆဲပါ။ သတင်းတွေထဲမှာ ပါပါနေတဲ့ မြန်မာနိုင်ငံရဲ့ နိုင်ငံခြားကို ဆန်တင်ပို့မှု မြင့်တက်လာတယ် ဆိုတာ ဖြစ်နိုင်ပါ့မလား။ ဘာကြောင့်ဒီလို ပြောရသလဲဆိုတော့ မြန်မာပြည်မှာ လယ်မြေအသိမ်းခံရလို့ ဘဝပျက်နေရတဲ့ လယ်သမားလူတန်းစားက လျှော့မသွားပဲ များများလာတာကိုး။ လယ်သမားတွေ အဆင်မပြေဘဲ ဆင်းရဲသထက် ဆင်းရဲလာနေတဲ့ အချိန်မှာ နိုင်ငံခြားကို ဆန်တင်ပို့တာ ရာနှုန်းတက် လာတယ်ဆိုတာ ဘယ်လိုယုံလို့ ရမှာလဲ။ မြန်မာပြည်ရဲ့ အသေးစား အလတ်စား စက်မှုလက်မှု လုပ်ငန်းတွေလဲ တိုးတက် လာတာ မတွေ့ရပါဘူး။ ဒါပေမဲ့ နှစ်စဉ်ထုတ်ပြန်နေတဲ့ စီးပွားရေးဆိုင်ရာ အစီရင်ခံစာတွေမှာ မြန်မာပြည်ရဲ့ စီးပွားရေး ဦးမော့လာတယ် ဂျီဒီပီ တက်လာတယ်လို့ ပြောနေပါတယ်။ ဒါကို လိမ်တယ်မခေါ်ရင် ဖြောင့်ကွယ်ကွယ်တယ်လို့ ပြောရ မှာလား။
အစိုးရသစ်တက်လာပြီး နောက်ပိုင်း လေးနှစ်နီးပါးကာလအတွင်း အကောင်းဖက်ကို ဦးတည်တဲ့ အပြောင်းအလဲဆိုတာ မည်ကာမတ္တ လောက်ပဲ ရှိပါတယ်။ အဲဒီ မည်ကာမတ်တ အထဲမှာ သတင်းစာတွေ ဂျာနယ်တွေ အတော်လေး ရေးခွင့်ရလာတာ တချက်ပဲ အမှတ်ပေးဖို့ ရှိပါတယ်။ ဒါကလည်း ဒီလောက်လေးမှ ဖွင့်ပေးမထားဘူးဆိုရင် နောင်မှာ အုံကြွမှုတွေကို ရင်ဆိုင်ရနိုင်တယ်လို့ တွက်ဆထားတာကြောင့် ဖွင့်ပေးလိုက်တာပါ။ ဒီမိုကရက်စိတ်ထားမျိုးတွေ ရှင်သန်လာလို့ စေတနာ ကောင်းနဲ့ ဖွင့်ပေးခဲ့တာ မဟုတ်ပါဘူး။ အစိုးရကို ဝေဖန်တဲ့ စာမျိုးတွေ ဖတ်လိုက်ရခြင်းအားဖြင့် တနည်းပြောရရင် လူတွေရဲ့ မကျေနပ်မှုတွေကို အခိုက်အတန့် အားဖြင့် အာသာ ဖြေနိုင်ဖို့အတွက်လို့ ဆိုနိုင်ပါတယ်။
အစိုးရအနေနဲ့ အခု အာဏာယူထားတဲ့ ကာလအတွင်းမှာ တိုင်းသူပြည်သားတွေရဲ့ သက်သာချောင်ချိမှု အတွက် ဘာတခုမှ လုပ်မပေးနိုင်သေးပါ။ လူတစု ချမ်းသာနေတာကလွဲလို့ အများစုအတွက် ဆင်းရဲတွင်းက တိမ်မလာဘဲ ပိုနက်လာပါတယ်။ ပြောရမယ်ဆိုရင် ဖွံ့ဖြိုးတိုးတက်လာတယ်လို့ ပြောနိုင်တဲ့ လက္ခဏာ တခုမှ မရှိပါ။ ဘာကြောင့် မတိုးတက် မဖွံ့ဖြိုးရတာပါလဲ။ အစောကပြောသလို ဖိနှိပ်မှုမျိုးစုံဟာ ပုံစံမျိုးစုံနဲ့ နေရာတိုင်းမှာ ဆက်လက် တည်ရှိနေတာကြောင့်ပါ။ အဲဒီ ဖိနှိပ်မှုမျိုးစုံရဲ့ ခေါင်းကိုင် ဆရာကြီးကတော့ ၂ဝဝ၈ ဖွဲ့စည်းပုံ အခြေခံဥပဒေသာ ဖြစ်ပါတယ်။

မကြာခင်ရက်ပိုင်းကပဲ စစ်တပ်ကိုယ်စားလှယ်တွေက ၄၃၆ ကို မပြင်လိုဘူးဆိုပြီး လွှတ်တော်မှာ တင်ပြလာတယ်။ မူလအစတုန်းက ပြောခဲ့တာတွေနဲ့ ကွာခြင်တိုင်းကွာနေပါတယ်။ မူလတုန်းကတော့ စစ်တပ်ဖက်ကရော၊ စစ်တပ်အတွက် အလုပ်လုပ်ပေးနေတဲ့ ပြည်တွင်းပြည်ပ ပညာရှင်ဆိုသူများရော၊ အကောင်းမြင်လွန်းတဲ့ နိုင်ငံရေးသမား တချို့ကရော ပြောခဲ့တယ် မဟုတ်လား။ စစ်တပ်က စနစ်တကျနဲ့ နိုင်ငံရေးကနေ ခွာနေပါတယ်ဆိုပြီး အသံတွေ စာနေအောင်ထွက်ခဲ့တာ မှတ်မိကျမယ် ထင်ပါတယ်။ အခု ၄၃၆ ကို မပြင်လိုဘူးဆိုတော့ အရာရာတိုင်းကို စစ်တပ်ကပဲ အသာစီးယူတဲ့ စနစ် သက်ဆိုးရှည်စေ လိုပါတယ်လို့ ပြောတာနဲ့ ဘာထူးပါသလဲ။ ၄၃၆ ကိုမပြင်တော့ဘူးဆိုရင် မတရားတဲ့ အခြေခံဥပဒေကြီး တခုကို ကိုင်စွဲပြီး မတရားတဲ့ ဥပဒေများအတိုင်း ဆက်လက် ကျင့်သုံးဦးမယ်လို့ ပြောတာနဲ့ အတူတူပါပဲ။ ဒီလို ပြောလိုက် ခြင်းဟာ တပြည်လုံးက နိုင်ငံသားတွေကို တဖက်လှည့်နဲ့ စိန်ခေါ်လိုက်တယ်လို့ မြင်မိပါတယ်။

လူတွေလမ်းမပေါ်တက်ပြီး ဆန္ဒပြတာဟာ အပေါစားနိုင်ငံရေးလို့ စစ်တပ်နဲ့ အလွမ်းသင့်တဲ့ နိုင်ငံရေးပါတီတခုက ခေါင်းဆောင် တဦး ပြောခဲ့ဖူးပါတယ်။ ပီအာစနစ်ကို အသံကျယ်ကျယ်နဲ့ ဝါဒဖြန့်နေတဲ့ အထဲမှာလည်း ပါပါတယ်။ ကနေ့ခေတ်မှာ နိုင်ငံတကာက ဖွံ့ဖြိုးတိုးတက်ရေး ပညာရှင်တွေ လက်ခံထားတဲ့ အချက်တခု ရှိပါတယ်။ အဲတာက ဘာတုန်းဆိုတော့ လူတွေလမ်းပေါ်တက်ပြီး ဆန္ဒပြတယ်ဆိုတာ မတရားမှုတွေကို ရင်ဆိုင်ရလို့၊ အဲသလို ရင်ဆိုင်ရတာကို မကျေနပ်လို့ ဆိုပြီး မှတ်ချက်ချ ကြပါတယ်။ ကားမစီးရလို့၊ တိုက်မဆောက်ရလို့၊ ရွှေငွေမဝယ်နိုင်လို့ အစိုးရကို လူတွေဆန္ဒပြတယ်ဆိုတာ မရှိပါဘူးတဲ့။ အစိုးရကို ဆန္ဒပြကြတယ်ဆိုတာ သူတို့ရဲ့ ရှိထားတဲ့ မူလလူမှုစီးပွား ဘဝကနေ နိမ့်ပါးသထက် နိမ့်ပါးလာလို့၊ နစ်နာမှုတွေ ရှိလာလို့ ပြကြတယ်လို့ ဆိုပါတယ်။ နောက် အာဏာပိုင်တွေက မတရားသဖြင့် အနိုင်ကျင့်တာကြောင့် ဆန္ဒပြတာမျိုးတွေလည်း ရှိပါတယ်။ လူမှုစီးပွားဘဝ မူလကထက် နိမ့်ပါးလာတယ်ဆိုတဲ့ နေရာမှာ လယ်အသိမ်း ခံရတာ မြေအသိမ်း ခံရတာတွေလည်း ပါပါတယ်။ သစ်ပင်တွေ အခုတ်ခံရတာလည်း ပါပါတယ်။ ဥပဒေမဲ့ နှိပ်စက်ခံရတာ ဖမ်းဆီးခံရတာ သတ်ဖြတ်ခြင်း ခံရတာတွေလည်း ပါပါတယ်။ သတ်ဖြတ်တယ်ဆိုတော့ အလွတ် သတင်းထောက် ကိုပါကြီးကို စစ်တပ်က သတ်ဖြတ်တာမျိုးတွေလည်း အကြုံးဝင်ပါတယ်။ တိုင်းပြည်တခုအတွင်းမှာ နိုင်ငံသားတွေနဲ့ ဧည့်နိုင်ငံသားတွေ အပါအဝင် မည်သည့် လူသားတဦးကိုမှ အစိုးရအာဏာပိုင်တွေက တရားလက်လွတ် ဖမ်းဆီးခွင့်၊ နှိပ်စက်ခွင့်၊ သတ်ဖြတ်ခွင့် မရှိရပါဘူး။

အခုလက်ရှိအစိုးရ ခေါင်းဆောင်တွေကို ကြည့်လိုက်ပါ။ ဆင်းရဲတဲ့သူ တယောက်မှ မပါပါ။ သမ္မတဆိုရင် လယ်ဧက ငါးရာကျော် တောင် ပိုင်ဆိုင်ပါတယ်။ ကိုယ်ပိုင်လယ်ထွန်စက်တွေ သုံးနိုင်ပါတယ်။ မျိုးစေ့၊ ပိုးသတ်ဆေး၊ ဓာတ်မြေသြဇာ စတာတွေလည်း လိုအပ်ရင် လိုအပ်သလို သုံးစွဲနိုင်ပါတယ်။ တကယ့်လယ်သမား စစ်စစ်တွေကြတော့ လိုအပ်တဲ့ အကူအညီ အထောက်အပံ့ မရတဲ့အပြင် အသိမ်းခံခဲ့ရတဲ့ လယ်ယာမြေကို ပြန်တောင်းလို့ ထွန်တုံးတိုက်ပွဲဝင်လို့ အဖမ်းအဆီးခံရပြီး ထောင်သွင်း အကျဉ်းချ ခံရပါသေးတယ်။ ထိပ်တန်း စစ်ဗိုလ်ချုပ်ဟောင်းတွေ၊ လက်ရှိစစ်ဗိုလ်ချုပ်တွေ၊ သူတို့ရဲ့ စီးပွားဖက် ခရိုနီတွေ အားလုံးဟာ ချမ်းသာပြီးရင်း ချမ်းသာနေသူတွေပါ။ ဒီနေရာမှာ စပ်မိလို့ လေးစားဖို့ကောင်းတဲ့ နိုင်ငံခေါင်းဆောင်ကြီးတဦးရဲ့ ဓနအကြောင်းကို ပြောလိုပါတယ်။ သူကတော့ တခြားသူမဟုတ်ပါ။ မြန်မာပြည် လွတ်လပ်ရေးရကထဲကနေ ၁၉၆၂ ဗိုလ်ချုပ်နေဝင်း အာဏာသိမ်းတဲ့အထိ ဝန်ကြီးချုပ်အဖြစ် တာဝန်ထမ်းဆောင်ခဲ့တဲ့ သခင်နု ခေါ် ဦးနု ဖြစ်ပါတယ်။

ဦးနု ဝန်ကြီးချုပ် ဘဝမှာတုန်းက သူရဲ့ အစိုးရအတွင်းက ဝန်ကြီးတချို့ဟာ သွယ်ဝှိုက်သောနည်းများနဲ့ လာဘ်စားပြီး ပင်စင်ယူရင် နေထိုင်ဖို့ အိမ်များ ဆောက်ကြပါတယ်။ အခုခေတ်လို ဒေါ်လာသန်းနဲ့ချီပြီး စားကြတာ မဟုတ်သေးပါ။ အဲသလို သူ့ရဲ့ ဝန်ကြီးတချို့ အိမ်ဆောက်တဲ့ သတင်းကြောင့် ဦးနုလည်း မျက်နှာပျက်ရပါတယ်။ တချို့ကလည်း ဝန်ကြီးချုပ်ကို ဖြောင့်ဖြပါတယ်။ ဆီကိုင်တဲ့လက် ဒီလောက်တော့ ဆီစိုမှာပေါ့ဆိုပြီး ပြောကြတာပါ။ ဦးနုက ဆီကိုင်တဲ့လက် ဆီစိုမှာပေါ့ ဆိုတဲ့ အပြောကို လက်မခံပါဘူး။ ဆီကိုင်တဲ့လက် ဆီစိုတယ်ဆိုရင် သူက ဝန်ကြီးချုပ်ဆိုတော့ ပိုဆိုးတော့မှာပေါ့။ နောက်တော့ အိမ်ဆောက်ကြတဲ့ ဝန်ကြီးများနဲ့ စကားအငြင်းအခုန် ဖြစ်လာရတော့ ဦးနုက ဒီလိုပြောလိုက်ပါတယ်။ သူပြောတာကတော့ ဘယ်သူငါနဲ့ အိမ်သေးတာခြင်း ပြိုင်မလဲတဲ့။ ဟုတ်ပါတယ် ဦးနုရဲ့ အိမ်က တကယ်ကို သေးပါတယ်။ ဒါ့အပြင် ဦးနုမှာ လယ်ဧက ငါးရာကျော်လည်း မပိုင်ပါဘူး။

အခု လက်ရှိ မြန်မာပြည်ရဲ့ ခေါင်းဆောင်များကတော့ ထားစရာမရှိအောင်လည်း ချမ်းသာနေကြပြီ။ အာဏာကိုလည်း နှစ်ပေါင်း ၅ဝ ကျော် ဆုပ်ကိုင်ထားပြီးပြီ။ ဒီလောက်နဲ့ မကျေနပ်ကြ သေးဘူးလားလို့ မေးလိုပါတယ်။ ရွှေပုံငွေပုံတွေ ကြားမှာ သက်တောင့်သက်သာ နေကြပါတော့လား။ နိုင်ငံခြားတိုင်းပြည်ကြီး အတော်များများကလည်း စီးပွားရေး ပိတ်ဆို့ထားတဲ့ နာမည်ပျက် စာရင်းကနေ ဖယ်ရှားပေးလိုက်လို့ တချို့ဆိုရင် အရင်က အိပ်မက်တောင် မမက်ဘူးတဲ့ နိုင်ငံတွေကို အိမ်ဦးကြမ်းပြင် သွားလာနေနိုင်ကြပြီ မဟုတ်လား။ ဘာဖြစ်လို့ မတရားတဲ့ ဥပဒေတွေကို ဆက်ပြီး သက်ဆိုးရှည်စေ ချင်သေးကြတာလဲ။ နောက်တချက်က အာဏာနိုင်ငံရေးမှာ ဆက်ပြီး ပါဝင်လိုသေးတယ် ဆိုရင်လည်း ပါနိုင်ပါသေးတယ်။ မပါနဲ့လို့ မတားပါဘူး။ ဒါပေမဲ့ တရား နည်းလမ်းကျကျ ယှဉ်ပြိုင်ဖို့တော့ လိုတာပေါ့။ မတရားတဲ့ ဥပေဒတွေ အားကိုးနဲ့ ပြိုင်မယ် ဆိုကထဲက မတရားတဲ့ ပြိုင်ပွဲလို့ပဲ ပြောရတော့မှာပါ။

၂ဝဝ၈ ဖွဲ့စည်းပုံ အခြေခံဥပဒေ အပါအဝင် မတရားတဲ့ ဥပဒေတွေ စည်းမျဉ်းတွေ တည်ရှိနေသမျှ ကာလပတ်လုံး မပြုပြင်သေးတဲ့ ကာလပတ်လုံး နိုင်ငံသားတွေဟာ သုမနကျောမှာ ဒဏ်ရာတွေနဲ့ ဆိုတဲ့ အခြေအနေကနေ လွတ်မြောက်နိုင်မှာ မဟုတ်ပါဘူး။ ဒါကြောင့် မြန်မာနိုင်ငံသားတွေ ဖွံ့ဖြိုးတိုးတက်လာဖို့၊ ဖိနှိပ်မှုတွေကနေ လွတ်မြောက်ဖို့အတွက် ရုန်းကန်လှုပ်ရှား ကြပါလိမ့်မယ်။ နိုင်ငံကြီးသားပီပီ ငြိမ်းငြိမ်းချမ်းချမ်း တင်ပြလို့ တောင်းဆိုလို့ မရရင် လူတွေ လမ်းမပေါ် ထွက်လာလိမ့်မယ်လို့ ပြောလို ပါကြောင်း။

ဇော်မင်း
၂၈ ရက်၊ အောက်တိုဘာလ၊ ၂ဝ၁၄ ခုနှစ်

ဆက်လက်ဖတ်ရှုရန်...

Monday, October 27, 2014

ဖိနှိပ်မှုတွေက လွတ်မြောက်ဖို့

ဖွံ့ဖြိုး တိုးတက်ရေးအကြောင်း ပြောကြတိုင်း ရေးကြတိုင်း ဆွေးနွေးကြတိုင်း လူအများအကြားမှာ မတူတဲ့အမြင်တွေ၊ မတူတဲ့ ချဉ်းကပ်မှုတွေ ရှိတယ်ဆိုတာ မြင်ရတွေ့ရပါတယ်။ အုပ်ချုပ်တဲ့အစိုးရအနေနဲ့ ဖွံ့ဖြိုးတိုးတက်ရေးကို မြင်တဲ့ အမြင်က၊ အုပ်ချုပ်ခံ နေရတဲ့လူတန်းစား မြင်တာနဲ့တော့ ကွာခြားလှပါတယ်။ အဲသလိုပဲ ပညာရှင်တွေ ကျွမ်းကျင်သူတွေ အနေနဲ့လည်း ဖွံ့ဖြိုးတိုးတက်ရေးကို မြင်တဲ့နေရာမှ တဦးနဲ့တဦး မတူပြန်ပါဘူး။ အထူးသဖြင့် အစိုးရနဲ့ နီးစပ်တဲ့ ပညာရှင်များ၊ နောက် လူထုနဲ့နီးစပ်တဲ့ ပညာရှင်များ နှစ်ခုအကြားမှာ တည်ရှိနေတဲ့ ဖွံ့ဖြိုးတိုးတက်ရေး သီအိုရီတွေ ဟာလည်း တခါတခါ ပြဒါးတလမ်း သံတလမ်း ဖြစ်နေတတ် ပါတယ်။

အခုခေတ်မှာတော့ ဖွံ့ဖြိုးတိုးတက်ရေးနဲ့ ပတ်သက်လို့ ကမ္ဘာတဝှမ်းက ပညာရှင်အများစု လက်ခံလာတဲ့ အချက်တခု ရှိပါတယ်။ အဲတာကတော့ လွတ်လပ်မှုမရှိရင် ဖွံ့ဖြိုးတိုးတက်မှု မရှိနိုင်ဘူးဆိုတဲ့ ချဉ်းကပ်မှုပဲ ဖြစ်ပါတယ်။ ဒီအယူအဆ မှန်မမှန် ဆိုတာကို ပညာရှင်တွေ ကြားထဲမှာတောင် ၁၉၈ဝ ခုနှစ်များအလယ်လောက်အထိ အငြင်းပွားနေခဲ့ပါသေးတယ်။ ၁၉၉ဝ ခုနှစ်များကြမှ တစတစနဲ့ လက်ခံလာကြတာဖြစ်ပါတယ်။ လွတ်လပ်မှုမရှိရင် ဖွံ့ဖြိုးတိုးတက်မှု မရှိနိုင်ဘူးလို့ ဘာဖြစ်လို့ ဆိုပါသလဲ။ လွတ်လပ်မှု မရှိရတာ ဖိနှိပ်မှုတွေ အားကောင်းနေတာကြောင့် ဖြစ်တယ်လို့ ဆိုပါတယ်။ အဲဒီတော့ ဖိနှိပ်မှုဆိုတာ ဘာကို ခေါ်ပါသလဲ ဆိုတာ စူးစမ်းကြရပြန်ပါတယ်။
ဖိနှိပ်မှုလို့ ဆိုလိုက်တော့ ယေဘုယျအားဖြင့် အများက ဒီလိုမြင်ပါတယ်။ ဥပမာအားဖြင့် စစ်တပ် မတရားဖမ်းဆီး သတ်ဖြတ် နှိပ်စက်တာ၊ မြေယာတွေကို အတင်းအဓြွမသိမ်းယူတာ၊ ရဲတွေက တဖက်စီးနင်း အနိုင်ကျင့်တာ၊ အာဏာရှိသူက အာဏာ မဲ့သူကို ထင်သလို ပြုကျင့်တာ၊ တချိန်တုန်းကဆိုရင် အင်အားကောင်းတဲ့ နိုင်ငံက အင်အားနည်းတဲ့ နိုင်ငံကို ကိုလိုနီ လုပ်တာ စသဖြင့် မြင်လေ့ရှိပါတယ်။ ဖိနှိပ်မှုရှိခြင်းကြောင့် လွတ်လပ်မှုကင်းမဲ့ ရတယ်လို့ အထက်မှာ ဆိုခဲ့ပါတယ်။ အဲဒီတော့ လွတ်လပ်မှုကို ပြောတဲ့အခါ အဓိပ္ပါယ်ဖော်ဆောင်တဲ့ အခါမှာလည်း မတူကွဲပြားတဲ့ အမြင်တွေ၊ ချဉ်းကပ်မှုတွေ၊ အတက်အကျ အဆင့်တွေ ရှိနေသေးတာကို သတိထားဖို့ လိုလာပြန်ပါတယ်။

လူ့သမိုင်းမှာ လူသားတွေရဲ့ ယဉ်ကျေးမှုဆိုတာ တစတစပြောင်းလဲဖြစ်ထွန်း လာကထဲကစလို့ မလွတ်မြောက်နိုင်သေးတဲ့ အခြေအနေတွေ လူသားတွေရင်ဆိုင်လာခဲ့ရတာ အခုခေတ်အထိ ဖြစ်ပါတယ်။ ဒါဟာ လူသားတွေကြားမှာ ဖိနှိပ်မှု ပေါင်းစုံဟာ အသွင်သဏ္ဌာန်မျိုးစုံနဲ့ တည်ရှိနေဆဲဖြစ်တာကြောင့်ပါ။ ရှေးတုန်းကတော့ လူတွေဟာ မိမိရဲ့ ကြီးမြတ်လိုမှု၊ ဘုန်းတန်ခိုးနဲ့ သြဇာ ကြီးထွားလိုမှုတွေ အတွက်ကြောင့် စစ်ပွဲကြီးတွေကို ဆင်နွှဲပါတယ်။ ထုံးစံအတိုင်း အင်အားကြီးသူ အင်အားနည်းသူကို ဖိနှိပ် အနိုင်ယူခဲ့ပါတယ်။ တခါ စက်မှုဖွံ့ဖြိုးလာတဲ့ ကာလတွေ ရောက်လာတော့ ကြီးမြတ်လိုမှု တခုထဲအတွက် မဟုတ်တော့ဘဲ ဓနဥစ္စာ ကြွယ်ဝရေးဆိုတာပါ ကပ်ပါလာပါတယ်။ ကြီးပွားချမ်းသာဖို့ဆိုတာ လူသား တွေကြားမှာ အခုအထိ မပျောက်မပျက် သေးတဲ့ ရည်မှန်းချက်ပါ။ တရားတဲ့နည်းနဲ့ ချမ်းသာတာလား မတရားတဲ့နည်းလား ဆိုတာကတော့ နောက်တချက်ပေါ့။
အဲဒီတော့ အင်အားကြီးသူတွေက အင်အားနည်းသူတွေ အပေါ်မှာ အနိုင်ယူပြီး ဓနဥစ္စာ ကြွယ်ဝရေးအတွက် ခရီးနှင်ပြန် ပါတယ်။ အင်အားကြီးသူတွေ အချင်းချင်း ထိပ်တိုက်တွေ့တော့ စစ်ပွဲကြီးတွေ ဖြစ်ရပါတယ်။ အခု ၂၁ ရာစုဟာလည်း သူ့အရင် နောင်တော်ရာစုနှစ်များလိုပဲ ဓနဥစ္စာအတွက် လုယက်ဖိနှိပ်ရင်း လွတ်လပ်မှုကို ပိတ်ပင်ပါတယ်။ တချိန် ထဲမှာလည်း ဆင်းရဲ မွဲတေမှုကို နေရာအလိုက် ဒေသအလိုက် နိုင်ငံအလိုက် ဆက်လက်သက်ဆိုး ရှည်စေပြန်ပါတယ်။

အခု ၂၁ ရာစုမှာတော့ စစ်ပွဲတွေဟာ နေရာဒေသအလိုက် အကန့်အသတ်နဲ့သာ ဆင်နွှဲခွင့် ရပါတော့တယ်။ ဒါပေမဲ့ လက်နက်နဲ့ ဓနအင်အားကြီးသူ၊ နည်းပညာပိုင်ဆိုင်သူများက မတူကွဲပြားတဲ့ ဖိနှိပ်မှုစနစ်တွေကို ပါးနပ်တဲ့ နည်းနာများကို အသုံးပြုပြီး သူတို့ရဲ့ ဓန ကြွယ်ဝမှုအတွက် ဆက်ပြီးခရီးနှင်ပြန်ပါတယ်။ ငွေပင်ငွေရင်း အားကြီးသူတွေ လုပ်လိုတဲ့ ကိစ္စများကို ငွေမရှိသူတွေက ခုခံကာကွယ်ဖို့ ခက်ခဲလေ့ရှိပါတယ်။ နည်းပညာအင်အားကောင်းသူများရဲ့ အလိုဆန္ဒကို နည်းပညာမဲ့သူများ တွန်းလှန်ဖို့ မလွယ်ကူသေးတာကိုလည်း တွေ့ရပါတယ်။ ခြုံပြောရရင် ဒီလိုလုပ်ဆောင်နေတဲ့ လုပ်ရပ်တွေဟာ ဖိနှိပ်မှု အမျိုးအစား တွေထဲမှာ အကျုံးဝင်ပါတယ်။ ဖိနှိပ်မှုဆိုတာကလည်း နေရာမျိုးစုံမှာ အသွင်မျိုးစုံနဲ့ ဆက်လက်တည်ရှိ နေပါတယ်။ ချမ်းသာတဲ့ နိုင်ငံကြီးတွေ၊ ဓနကြွယ်ဝတဲ့ အဖွဲ့အစည်းကြီးတွေနဲ့ အုပ်ချုပ်သူ အာဏာရှင်တွေ၊ အစိုးရတွေကသာ ဖိနှိပ်မှုကို လုပ်ဆောင်တယ်ထင်ရင် မှားပါလိမ့်မယ်။

တခါတရံ အာဏာရှင်ကို တွန်းလှန်နေတယ် ဒီမိုကရေစီနဲ့ လွတ်လပ်ခြင်းအတွက် တိုက်ပွဲဝင်နေပါတယ်ဆိုတဲ့ အဖွဲ့အစည်းများ အတွင်းမှာတောင် မလွတ်လပ်မှုနဲ့ ဖိနှိပ်မှုတွေဟာ အသွင်မျိုးစုံနဲ့ ရှိနေသေးတာကို မြင်ရပါတယ်။ လူတွေကို သံသရာက လွတ်မြောက်အောင် တရားပြနေတယ်ဆိုတဲ့ ဘာသာရေးဆိုင်ရာ အဖွဲ့အစည်းများ အတွင်းမှာလည်း ဖိနှိပ်မှုတွေ ရှိနေတာကို တွေ့ရပါတယ်။ တခါ ဘာသာမတူသူတွေကို ချေမှုန်းနှိပ်ကွပ်ဖို့ တိုးတိုးတမျိုး ကျယ်ကျယ်တဖုံ လုပ်လေ့ရှိပါတယ်။ ယေဘုယျ အားဖြင့်တော့ ဥပဒေမဲ့ တရားလက်လွတ် သတ်ဖြတ်၊ ဖမ်းဆီး၊ ချုပ်ချယ်၊ နှိပ်စက်၊ ပိုင်ဆိုင်မှုတွေကို သိမ်းယူတာ မျိုးကိုသာ ဖိနှိပ်မှုလို့ လူတွေက သမရိုးကျ မြင်လေ့ရှိပါတယ်။

ဥပမာတခုလောက် ပြောရရင် အဖွဲ့အစည်း ခပ်သေးသေး တခုအတွင်းမှာလည်း ဖိနှိပ်မှုဆိုတာ ရှိနေနိုင်ပါတယ်။ အဖွဲ့အစည်း အတွင်းမှာ မိမိအုပ်စုနဲ့ အမြင်မတူတဲ့သူ အယူအဆမတူတဲ့သူကို မသိမသာ ပထုတ်ထားတာမျိုး၊ အရည်အချင်း ရှိရဲ့သားနဲ့ နေရာမပေးတာမျိုး၊ အလုပ်လုပ်လို့ မရအောင် ကပ်သပ်ထားတာမျိုး၊ အသိအမှတ်မပြုတာမျိုး၊ ထင်ပေါ်စေတဲ့ နေရာမျိုး အရောက်မခံဘဲ ချောင်ထိုးထားတာမျိုး၊ နောက်ဆုံး အဖွဲ့အစည်းကနေ လွှင့်ထွက်သွားအောင် ပါးပါးနပ်နပ် ဆောင်ရွက်တာမျိုး စတာတွေဟာလည်း ဖိနှိပ်မှုအမျိုးအစားထဲမှာ အကြုံးဝင်ပါတယ်။ ပြောရမယ်ဆိုရင် အောက်ခြေလူထုအတွက် ဆောင်ရွက်ပေး နေတယ်ဆိုတဲ့ လူမှုအဖွဲ့အစည်းတွေနဲ့ အန်ဂျီအိုတွေ ကြားထဲမှာတောင် ဖိနှိပ်မှုတွေ ရှိတတ်ပါတယ်။ ဖိနှိပ်မှုကို လက်တလုံးခြား ဖြစ်ပေါ်စေတဲ့ ခွဲခြားကန့်သတ်မှုတွေ ရှိနေတတ်ပြန်ပါတယ်။ ထောက်ပြလိုတာက ဖိနှိပ်မှုဆိုတာ အုပ်ချုပ်တဲ့ အာဏာပိုင်တွေ၊ ငွေကြေးတောင့်တင်းတဲ့ အဖွဲ့အစည်းကြီးတွေ ကသာ ပြုလုပ်တဲ့ ကိစ္စသက်သက် မဟုတ်ပါဘူး။ နေရာမျိုးစုံမှာ ပုံစံမျိုးစုံနဲ့ ရှိနေသေးတယ် ဆိုတာကို ထောက်ပြချင်တာပါ။ အခု ထိုင်းနိုင်ငံမှာ လူသတ်မှုနဲ့ စွပ်စွဲခံနေရတဲ့ မြန်မာလုပ်သား နှစ်ဦးကိစ္စကို ကြည့်မယ်ဆိုရင် သာမန်အားဖြင့် ထိုင်းရဲတွေ လူလည်ကျတယ်၊ ညစ်တယ်ဆိုတာ ဆိုတာမျိုးလောက်ပဲ ထင်ကောင်း ထင်နိုင် ပါတယ်။ အမှန်ကတော့ ဒါဟာလည်း ဖိနှိပ်မှုတမျိုးပါ။

အစိုးရလုပ်သူက အရင်းအနှီးကြီးမားတဲ့ ပြည်တွင်း၊ ပြည်ပ ကုမ္ပဏီကြီးတွေနဲ့ ပေါင်းပြီး နိုင်ငံသားတွေ ပိုင်ဆိုင်တဲ့ သယံဇာတ တွေကို ကုန်ခမ်းလုမတတ် ထုတ်ယူသွားတာ ရောင်းချသွားတာ၊ လယ်သမားတွေရဲ့ မြေတွေကို သိမ်းယူတာ၊ အလုပ်သမား လက်ခစား လူတန်းစားအပေါ်မှာ မတော်မတရား အမြတ်ထုတ်တာ အစရှိတဲ့ ဖိနှိပ်မှုတွေဟာ ကမ္ဘာမှာကော မြန်မာမှာပါ ဖြစ်ပျက် နေဆဲပါ။ တောင်အမေရိကတိုက်ကနေ အာဖရိကတိုက်ကို ဖြတ်လို့ အာရှတိုက်အထိ ရှိနေဆဲ ဖိနှိပ်မှုတွေပါ။ တခါ ဖိနှိပ်မှုဆိုတာကို ဖိနှိပ်ခံရသူဖက်က မကြိုက်တာ သဘာဝကြပါတယ်။ ဒါကြောင့် ဖိနှိပ်မှုကို ပြန်လည် တွန်းလှန်တဲ့ ခုခံတဲ့ လှုပ်ရှားမှုတွေ ပေါ်ပေါက် လာရတာပဲ ဖြစ်ပါတယ်။ လူ့သမိုင်း စကထဲက ဖိနှိပ်မှုကို တွန်းလှန်လာခဲ့ကြ တာ အခုအချိန်အထိပါ။ စပါတာကပ်ရဲ့ တော်လှန်ရေးကနေ ဆရာစံ တောင်သူလယ်သမား အရေးတော်ပုံတွေ အပါအဝင် လက်ပံတောင်းလို လှုပ်ရှားမှုတွေအထိ ပါဝင်ပါတယ်။

ဖိနှိပ်မှုကို ဘာကြောင့်တွန်းလှန်ခုခံတာလဲ။ လွတ်မြောက်မှုကို လိုချင်လို့ပါ။ ဘာကြောင့် လွတ်မြောက်မှု၊ လွတ်လပ်မှုကို လိုချင်တာလဲ။ လွတ်လပ်မှုကနေတဆင့် ဒီထက်ဒီ ပိုပြီး ဖွံ့ဖြိုးတိုးတက်လိုတာကြောင့်ပါ။ ဒါကြောင့် အပြန်အလှန်အားဖြင့် ပြောရမယ်ဆိုရင် ဖွံ့ဖြိုးတိုးတက်လိုပါက လွတ်လပ်မှုက မရှိမဖြစ် လိုတာကြောင့် မိမိအပေါ်မှာ ပိနေတဲ့ ဖိနှိပ်မှုကို တွန်းလှန် ဖြိုဖျက်ဖို့ လိုပါတယ်။ လွတ်လပ်မှုမရှိဘူး ဆိုတာကလည်း မိမိအခွင့်အရေး ဆုံးရှုံးနေတယ်ဆိုတဲ့ သဘောကို ပြဆိုခြင်းလို့ ပြောနိုင်ပါတယ်။ အဲဒီတော့ ဖိနှိပ်မှုကို ဖြိုဖျက်တယ် တွန်းလှန်တယ်ဆိုတာ မိမိဆုံးရှုံးနေတဲ့ အခွင့်အရေးနဲ့ ပိုင်ဆိုင်မှုတွေကို တစတစ လက်ဝယ်ပြန်လည် ရရှိဖို့အတွက် ဆောင်ရွက်တဲ့ အရေးလို့ ဆိုနိုင်ပြန်ပါတယ်။

တဆက်ထဲဆိုသလို ဖိနှိပ်မှုကို ပြန်လည်ခုခံတဲ့ တွန်းလှန်တဲ့ အလုပ်တွေလုပ်ရင်း မိမိသွားနေတဲ့ ခရီးမှာ လေ့လာမှုတွေ၊ အကဲဖြတ်မှုတွေ၊ ဆန်းစစ်မှုတွေ၊ သုံးသပ်ချက်တွေ အစရှိတာတွေကိုလည်း ထုတ်နှုတ်ဆည်းပူးဖို့ကလည်း လိုလာပြန် ပါတယ်။ ခေါင်းဆောင်လုပ်သူများ အထူးသဖြင့် မမေ့အပ်တဲ့ အချက်တွေလို့ ပြောလိုပါတယ်။ တချိန်ထဲမှာလည်း မိမိကို ကူညီလိုတဲ့ ပံ့ပိုးလိုတဲ့ သူများကိုလည်း ဖိတ်ခေါ်လက်ကမ်းဖို့ လိုပါတယ်။ တခါ ကိုယ့်ကို ကူညီမယ်ဆိုပြီး အဲဒီအပေါ်ကနေ ပြန်အမြတ် ထုတ်တဲ့ သူတွေလည်း ပါနိုင်တာကြောင့် ဒါမျိုးကိုလည်း သတိထားဖို့ လိုပါတယ်။ သတိတမံ ဉာဏ်မြေ ကတုတ်လို့ ပြောရမှာပေါ့။

ဖွံ့ဖြိုးတိုးတက်ရေးနဲ့ ပတ်သက်လို့ ပါမောက္ခ အမာတရာစန်က ဝေဖန်ထောက်ပြဖူးပါတယ်။ အဲတာကတော့ ငွေကြေး အရင်းအနှီးတွေ အပုံအပင်ရှိနေခြင်း၊ သဘာဝသယံဇာတတွေ ကြွယ်ဝခြင်း၊ နိုင်ငံတွင်းမှာ ဈေးကွက်ကို ဖွင့်လှစ်လိုက်ခြင်း၊ လှလှပပ ရေးထားတဲ့ စီးပွားရေးစီမံကိန်းတွေ ရှိထားခြင်းဆိုတဲ့ အချက်တွေ ပြည့်စုံနေတာတောင် လွတ်လပ်မှုကင်းမဲ့ပြီး ဖိနှိပ်မှုတွေ အသက်ရှင်နေရင် တိုင်းပြည်တခုဟာ တိုးတက်ဖို့ ဖွံ့ဖြိုးဖို့ မလွယ်ကူပါဘူးတဲ့။ အဲသလို ဖော်မြူလာမျိုးကို ဟုတ်လှပြီ မထင်ပါနဲ့လို့ သတိပေးတာပါ။ တိုင်းပြည်အဆင့်၊ အဖွဲအစည်းအသင်းအပင်း ကြီးငယ်လိုက် အဆင့်ဆင့် အတွင်းမှာ လွတ်လပ်မှု ကပ်ပါနေမှသာ လုပ်ငန်းတွေ ပေါက်မြောက်လိမ့်လို့ ပြောလိုရင်းဖြစ်ပါတယ်။

နောက်တခုကတော့ ဖွံ့ဖြိုးတိုးတက်ဖို့တော့ လုပ်လိုက်တာပဲ ဒါပေမဲ့ ရေရှည်မှာ ထိခိုက်ဆုံးရှုံးတဲ့ ဝန်တာကို ပြန်ထမ်းနေရ တာက များနေတယ်ဆိုရင် ဒါဟာ ဖွံ့ဖြိုးတာလို့ မခေါ်နိုင်ပါဘူး။ တိုးတက်လာတယ်လို့ မသတ်မှတ်နိုင်ပါဘူး။ ဒါကြောင့် သူများတိုင်းပြည်တွေမှာ ဖွံ့ဖြိုးရေးအတွက် လုပ်ကိုင်ရင်း မှားခဲ့တာတွေကို သင်ခန်းစာယူဖို့ လိုပါတယ်။ သင်ခန်းယူလိုတဲ့ စိတ်ထားမျိုးလည်း ရှိဖို့လိုပါလိမ့်မယ်။ ဒါကိုတော့ အစိုးရများ ကိုယ့်ကိုကိုယ် ပြန်မေးဖို့လိုပါတယ်။ ဒီမိုကရေစီ လမ်းစဉ် ကိုလည်း ကျင့်သုံး ဖွံ့ဖြိုးတိုးတက်မှုလည်း ကောင်းမွန်တဲ့ နိုင်ငံတွေကို ပြန်လေ့လာရင် နိုင်ငံသားတို့ရဲ့ လွတ်လပ်မှုကို မပိတ်ပင်ဘူး ဆိုတာ မြင်ရပါတယ်။ လွတ်လပ်မှုကို မပိတ်ပင်တာဟာ ဖိနှိပ်မှုလျှော့ကြသွားပြီလို့ ပြောတာနဲ့ အတူတူပါပဲ။ မြန်မာနိုင်ငံသားအားလုံး ဖိနှိပ်မျိုးစုံကနေ ကင်းလွတ်ဖို့ ကိုယ့်အားကိုယ်ကိုးဖို့သာ ရှိတယ်ဆိုတာ ပြောလိုပါကြောင်း။

ဇော်မင်း
၉ ရက်၊ အောက်တိုဘာလ၊ ၂ဝ၁၄ ခုနှစ်

ဆက်လက်ဖတ်ရှုရန်...

Saturday, October 18, 2014

သူတို့ ဂူးလပ်နဲ့ မြန်မာဂူးလပ်

ရု
ရှားနိုင်ငံမှာ ဇာဘုရင်အုပ်ချုပ်နေတဲ့ ကာလမှာ အလုပ်ကြမ်းစခန်းတွေ ပေါ်ပေါက်ခဲ့ပါတယ်။ ဘုရင်စနစ်ကို ဆန့်ကျင်တဲ့ သူများ၊ ဘုရင်ကအမျက်သိုသူများ အဖမ်းဆီးခံရပြီး သူတို့ကို အလုပ်ကြမ်းစခန်းတွေဆီ ပို့ခဲ့ပါတယ်။ အခြား ရာဇဝတ်သား များလည်း ပါပါတယ်။ အလုပ်ကြမ်းစခန်းတွေ တည်ရှိတဲ့ နေရာတွေက ရာသီဥတုကြမ်းတမ်း ပြင်းထန်ပြီး စားရေရိက္ခာ ချို့တဲ့တာကြောင့် အလုပ်ကြမ်းစခန်းကို အပို့ခံရတယ်ဆိုတာ သေဒဏ် ကျတာနဲ့ သဘောခြင်း အတူတူလို့တောင် ဆိုခဲ့ ပါတယ်။ ဆောင်းတွင်းဆိုရင် အေးလွန်းတာရယ် အာဟာရ ပြတ်တာရယ်ကြောင့် အကျဉ်းသားများ သေဆုံးလေ့ရှိပါတယ်။ ဘယ်လောက်အထိ အေးသလဲဆိုရင် အနုတ်၂ဝ ဒီဂရီအထိ အေးတယ်လို့ ဆိုပါတယ်။ ၁၉ဝ၆ မှာ အလုပ်ကြမ်းစခန်း တွေကို အပို့ခံရတဲ့ အကျဉ်းသားက ခြောက်ထောင်လောက် ရှိခဲ့ပြီး ဇာဘုရင်ပြုတ်မကျခင်တနှစ်အလို ၁၉၁၆ ခုနှစ်မှာတော့ အကျဉ်းသား နှစ်သောင်းလေးထောင်အထိ ရှိလာခဲ့ပါတယ်။

ဇာဘုရင် ကျဆုံးခဲ့ရတဲ့ အထဲမှာ ပြည်သူတွေကို အဲသလို ဖိနှိပ်ခဲ့တာကလည်း အချက်တချက်လို့ ဆိုနိုင်ပါတယ်။ ၁၉၁၇ မှာတော့ လီနင်ဦးဆောင်တဲ့ ကွန်မြူနစ်တွေက ဇာဘုရင်စနစ်ကို ဖြုတ်ချဖျက်သိမ်းခဲ့ပါတယ်။ ဒါပေမဲ့ ကွန်မြူနစ်တပါတီ စနစ်အောက်မှာ အလုပ်ကြမ်းစခန်းဆိုတဲ့ ဖိနှိပ်တဲ့ယန္တရားတရပ်ဟာ ဖျက်သိမ်းသွားခြင်းမရှိဘဲ ပိုလို့တောင် ဆိုးလာခဲ့ ပါတယ်။ ဒီတခါ အလုပ်ကြမ်းစခန်းတွေကို အပို့ခံရသူတွေကတော့ ကွန်မြူနစ်စနစ်ကို ဆန့်ကျင်သူတွေ၊ ဇာဘုရင်ခေတ်က သူကောင်း မျိုးရိုးတွေနဲ့ သူတို့အဆက်အနွယ်တွေ၊ ကွန်မြူနစ်စနစ်နဲ့ ခေါင်းဆောင်တွေကို ဝေဖန်သူတွေ၊ အဆုံးစွန် ပြောရရင် ရပ်ထဲ ရွာထဲမှာ ကွန်မြူနစ်စနစ်ကို သရော်တဲ့၊ ဟာသလိုပြောတဲ့ သူများတောင် အပို့ခံခဲ့ရပါတယ်။ စတာလင် ဦးဆောင်ခဲ့တဲ့ ဆိုဗီယက် ရုရှားနိုင်ငံမှာ တချိန်တုန်းက အလုပ်ကြမ်းစခန်းတွေ အမြောက်အများ ရှိခဲ့ပါတယ်။
၁၉၂၉ ကနေ ၁၉၅၃ ခုနှစ်အတွင်း ဆိုဗီယက်ယူနီယံမှာ အလုပ်ကြမ်းစခန်းပေါင်း သုံးသောင်းကျော် ရှိခဲ့တယ်လို့ သုတေသီ များက ဆိုပါတယ်။ ဆိုဗီယက်ခေါင်းဆောင်တွေက အလုပ်ကြမ်းစခန်းလို့ မခေါ်ပါဘူး။ ပြုပြင်ရေးစခန်းလို့ အမည်တပ် ပါတယ်။ ဒီအလုပ်ကြမ်း စခန်းအများစုဟာ ရာသီဥတု ပြင်းထန်ပြီး အစားအသောက် ဆေးဝါးရှားပါးလှတဲ့ ဆိုက်ဗေးရီးယား ဒေသမှာ တည်ရှိပါတယ်။ အလုပ်ကြမ်းစခန်းထဲက အကျဉ်းသားများဟာ များသောအားဖြင့် ကားလမ်း ရထားလမ်း ဖောက်တာ၊ မိုင်းတွင်းတွေမှာနဲ့ သစ်ထုတ်လုပ်ရေး စတဲ့အလုပ်တွေကို လုပ်ကိုင်ရပါတယ်။ အလုပ်ကြမ်းစခန်းတခုဟာ ယေဘုယျအားဖြင့် အကျဉ်းသား ငါးထောင် ဝန်းကျင်ရှိပါတယ်။ စခန်းကြီးတွေဆိုရင် အကျဉ်းသားပေါင်း နှစ်သောင်း ငါးထောင်အထိ ရှိပါတယ်။ အလုပ်ကြမ်းစခန်းက ထွက်ပြေးဖို့ ကြိုးစားသူ၊ စခန်းအာဏာပိုင်တွေကို အာခံသူတွေဟာ အမေးအမြန်းမရှိ ပစ်သတ်ခံရ ပါတယ်။

၁၉၂၉ ကနေ ၁၉၅၃ ခုနှစ်အထိ အလုပ်ကြမ်းစခန်းတွေမှာ အလုပ်လုပ်ခဲ့ရတဲ့ အကျဉ်းသားဦးရေ စုစုပေါင်းဟာ တဆယ့် ရှစ်သန်း ရှိခဲ့ပါတယ်။ အဲဒီ ဆယ့်ရှစ်သန်းဟာ ရုရှားလူမျိုးတွေချည်း မဟုတ်ပါ။ ပိုလန်လူမျိုးတွေလည်း ပါပါတယ်။ ၁၉၄၅ ဒုတိယကမ္ဘာစစ်ကြီး အပြီး ဂျာမန်စစ်သုံ့ပန်းတွေ ပါပါတယ်။ ရုရှားဂျူးတွေလည်း ပါပါတယ်။ ဂျစ်ပစီတွေလည်း ပါပါတယ်။ ဆိုဗီယက်ဖက်ဒရေးရှင်း လက်အောက်ခံ နိုင်ငံငယ်လေးတွေက လူမျိုးပေါင်း များစွာလည်း ပါဝင်ခဲ့ပါတယ်။ အဲဒီနှစ်များ အတွင်း အငတ်ဘေး၊ ရောဂါဘယဘေး စတာတွေနဲ့ သေဆုံးခဲ့ရတဲ့ အကျဉ်းသားဦးရေဟာ ၁. ၆ သန်းရှိခဲ့တယ်လို့ ရုရှားအစိုးရရဲ့ တရားဝင် အချက်အလက်များက ဆိုပါတယ်။ ဒါပေမဲ့ သုတေသီ တွေရဲ့ တွက်ချက်မှုအရ နှစ်ပေါင်း ၂၅ နှစ်အတွင်း သေဆုံးခဲ့ ရတဲ့ အကျဉ်းသားပေါင်းဟာ ဆယ်သန်းအထိ ရှိခဲ့တယ်လို့ ထောက်ပြပါတယ်။ ရုရှားအစိုးရ ထုတ်ပြန်ခဲ့တဲ့ စာရင်းဟာ မဖြစ်နိုင်ဘူး ဒီထက်များတယ်လို့ ပြောကြပါတယ်။ ဘာကြောင့်လဲ့ဆိုတော့ ၁၉၄၁ ခုနှစ် ဆောင်းတွင်းကာလ တခုထဲမှာပဲ အလုပ်ကြမ်း စခန်းများမှာ သေဆုံးခဲ့သူ စုစုပေါင်းဟာ ငါးသိန်း တသောင်းကျော် ရှိခဲ့တာကြောင့် ဖြစ်ပါတယ်။

အဲဒီပြုပြင်ရေးစခန်းခေါ် အလုပ်ကြမ်းစခန်းတွေကို ရုရှားတွေက "ဂူးလပ်" အလုပ်ကြမ်းစခန်းလို့ ခေါ်ခဲ့ပါတယ်။ ဂူးလပ် ဆိုတဲ အမည်ဟာ ကမ္ဘာပေါ်မှာ နာမည်ဆိုးနဲ့ ကျော်ကြားခဲ့ပါတယ်။ ဂူးလပ်ကို အပို့ခံရတယ်ဆိုတာ မြန်မာလို ဆိုရင်တော့ မဲဇာကို အပို့ခံရသလို သဘောမျိုးနဲ့ ဆင်ပါတယ်။ ဒါပေမဲ့ မြန်မာဘုရင်လက်ထက်က မဲဇာမှာတော့ အလုပ်ကြမ်းစခန်း မရှိပါဘူး။ ဘုရင့် နေပြည်တော်ကနေ အဝေးကို နှင်ထားတဲ့ သဘောမျှသာလို့ ဆိုနိုင်ပါတယ်။ ငှက်ဖျားကြီးပြီး ရာသီဥတု အေးလွန်းတာကြောင့် မဲဇာဆိုတဲ့ နာမည်ကိုကြားရင် တချိန်က မြန်မာတွေအတွက်တော့ ကျောစိမ့်စရာပါ။

ဆိုဗီယက်ရုရှားက အဲဒီ အလုပ်ကြမ်းစခန်းတွေကို နမူနာယူပြီး မြန်မာပြည်က အာဏာရှင် ဗိုလ်ချုပ်ကြီးနေဝင်းကလည်း အလုပ်ကြမ်း စခန်းများကို ၁၉၇ဝ ခုနှစ်များမှာ စတင်တည်ထောင်ပါတယ်။ ဒါပေမဲ့ အလုပ်ကြမ်း စခန်းလို့ မခေါ်ခဲ့ပါဘူး။ ရဲဘက် စခန်းများလို့ အမည်တွင်ခဲ့ပါတယ်။ အလုပ်ကြမ်းစခန်းခေါ် ရဲဘက်စခန်းတွေကို ဘယ်အကျဉ်းသားကမှ မသွားလိုပါဘူး။ အင်မတန် ပင်ပန်းပြင်းထန်လှတဲ့ ဘဝဖြစ်တာကြောင့်ပါ။ ရဲဘက်စခန်းတွေနဲ့ ပတ်သက်လို့ မှတ်တမ်း ရုပ်ရှင်တွေကို ဆိုရှယ်လစ် အစိုးရက ရိုက်ကူးပြီး ဝါဒဖြန့်တဲ့ အနေနဲ့ တောရောမြို့ပါမကျန် ပြသခဲ့ဖူးပါတယ်။ အခုခေတ် လူငယ်များ မသိမမီလိုက်တဲ့ အဖြစ်တွေ ဖြစ်တာကြောင့် အဲဒီရဲဘက်စခန်းနဲ့ ပတ်သက်တာတွေကို ပြောပြပါဦးမယ်။
အဲဒီ မှတ်တမ်းရုပ်ရှင်တွေထဲမှာတော့ ရဲဘက်စခန်းရဲ့ အဝင်ဝမှာ ဆိုင်းပုဒ်ကြီးတခု ရှိပါတယ်။ ဆိုင်းပုဒ်အပေါ်မှာတော့ ပြစ်မှုကြွေး ချွေးဖြင့်ဆပ်မည် ဆိုတဲ့ စာသားကို တွေ့နိုင်ပါတယ်။ ရဲဘက်အကျဉ်းသားတွေဟာ ကင်းဗတ်ဖိနပ်လိုမျိုးတွေကို စီးထားပြီး အပြာရင့်ရောင် ဘောင်းဘီနဲ့ အင်္ကျီလက်ရှည်တွေကို ယူနီဖောင်းသဖွယ် ဝတ်ဆင်ထားလို့ အားကျိုးမာန်တက် အလုပ် လုပ်နေတာကို မြင်ရပါတယ်။ ဒီလို ရဲဘက်စခန်းကို ရောက်လာမှ ဘဝမှာ အမှန်ကိုမြင်လာကြောင်း မှားခဲ့တာတွေ ကျူးလွန်ခဲ့တဲ့ ရာဇဝတ်မှု တွေအတွက် နောင်တရကြောင်း၊ နိုင်ငံတော်အစိုးရရဲ့ စေတနာကို အမှန်အတိုင်း သိမြင်လာကြောင်း အကျဉ်းသားတွေကို အင်တာဗျူးထားတဲ့ အခန်းတွေလည်း ပါပါတယ်။ ရဲဘက်စခန်းမှာ အလုပ်လုပ်ရင်း လုပ်အားခငွေ ရရှိတာတွေကို စုဆောင်းပြီး အိမ်ကိုပြန်ပို့ နိုင်တယ် ဆိုတာမျိုးကလည်း ပါပါသေးတယ်။

အဲတာအပြင် ရဲဖက်စခန်းမှာ နောက်ထပ် ဘာပြစ်မှုမှ မချိုးဖောက်ဘဲ ကောင်းကောင်းမွန်မွန် နေထိုင်ပြီး တာဝန်ကျေတဲ့ ရဲဘက်တွေကို တနှစ်မှာ တခါ ဆိုသလို မိသားစုတွေဆီ အလည်အပတ် ပြန်ခွင့်ပေးတာမျိုးတွေကိုလည်း ပြပါသေးတယ်။ ကြည့်ရတာကတော့ ချောနေပါတယ်။ ရည်ရွယ်ချက်ကတော့ ရဲဘက်စခန်း ဆိုတာ ဗိုလ်ချုပ်နေဝင်းဦးဆောင်တဲ့ ဆိုရှယ်လစ် အစိုးရ လက်အောက်မှာ ဖိနှိပ်တဲ့ ယန္တရားမျိုး မဟုတ်ဘူးလို့ လူတွေကို မြင်စေချင်တာ ဖြစ်ပါတယ်။ ဒါပေမဲ့ ဒါက ဝါဒဖြန့် မှတ်တမ်းရုပ်ရှင်ကားသာ ဖြစ်ပါတယ်။ တကယ့် အပြင်မှာ ဖြစ်နေတဲ့ အဖြစ်အပျက်က သတင်း မှတ်တမ်း ကားနဲ့ လွဲချင်တိုင်း လွဲပါတယ်။

လက်တွေ့မှာတော့ ရဲဖက်စခန်းဆိုတာ ငရဲခန်းလိုပါပဲ။ ဘာအပြာရောင် ယူနီဖောင်းမှ ဝတ်ဆင်ခွင့်လည်း မရှိပါ။ ကင်းဗတ်ဖိနပ် စီးထားလည်း မရှိပါ။ အဖြူရောင်ကနေ မဲညစ်နေတဲ့ အင်္ကျီနဲ့ ပုဆိုးကိုသာ အကျဉ်းသားတိုင်း ဝတ်ရပါတယ်။ အကျဉ်းသား တော်တော်များများမှာ ဖိနပ်မရှိပါ။ ထွက်ပြေးမယ်လို့ ယူဆရတဲ့ အကျဉ်းသားမျိုးနဲ့ အမှုကြီး အကျဉ်းသားတွေဆိုရင် ခြေထောက်မှာ သံချေကျင်းခတ်ထားပါသေးတယ်။ ကျောက်ထုစခန်းတွေ၊ လမ်းဖောက်တဲ့ စခန်းတွေမှာ ဆေးဝါး မလုံလောက်လို့၊ အာဟာရ ချို့တဲ့လို့ သေဆုံးခဲ့ရတဲ့ အကျဉ်းသားတွေ ဘယ်လောက် ရှိမယ်ဆိုတာ ဘုရားမှပဲ သိပါလိမ့်မယ်။ အစိုးရ ထုတ်ပြန်ချက်အရ ၁၉၇၈ ကနေ ၂ဝဝ၄ ခုနှစ်အတွင်း ရဲဘက်စခန်းတွေမှာ သေဆုံးခဲ့ရတဲ့ အကျဉ်းသားဦးရေက ၄၂ဝဝ လို့ ဆိုပါတယ်။ ၂ဝဝ၄ ကနေ ၂ဝ၁၄ အထိမှာတော့ သေဆုံးခဲ့တဲ့ ရဲဘက်အကျဉ်းသား ဦးရေဟာ ၁ဝဝဝ ရှိတယ်လို့ ပြောပါတယ်။ ဆိုဗီယက်ရုရှားအစိုးရ မှတ်တမ်းများမှာလည်း ဒီလိုပဲ လျှော့ပြောခဲ့တာ သတိချပ် စေချင်ပါတယ်။

ကနေ့ခေတ်မှာတော့ ရာဇဝတ်အကျဉ်းသားတင် မဟုတ်ဘဲ နိုင်ငံရေးအကျဉ်းသားတွေကိုပါ ရဲဘက်စခန်း ပို့တာမျိုးတွေ ဖြစ်လာပါတယ်။ ပန်းချီပြပွဲတခုမှာ နိုင်ငံရေးအကျဉ်းသားဟောင်း ဖြစ်ခဲ့တဲ့ ပန်းချီထိန်လင်းရဲ့ ပန်းချီကားတချပ်မှာ ဝေဒနာနဲ့ ညီးညူနေတဲ့ လက်ချောင်းကလေးများ ပြတ်နေတဲ့ အကျဉ်းသားတွေရဲ့ ပုံကိုတွေ့ဖူးပါတယ်။ ဘာဖြစ်လို့ အဲဒီအကျဉ်းသား တွေရဲ့ လက်ချောင်းကလေးတွေ ပြတ်နေတာလည်းလို့ မေးမိပါတယ်။ ပန်းချီထိန်လင်း ရှင်းပြတာကဒီလိုပါ။ အဲသလို လက်ချောင်း တခုခု ပြတ်နေတဲ့သူဆိုရင် အင်္ဂါမစုံတာကြောင့် အလုပ်ကြမ်းလုပ်လို့ မတွင်ကျယ်တာကြောင့် ရဲဘက်စခန်းကို မပို့ဘူးလို့ ဆိုပါတယ်။ အဲတာကြောင့် ရဲဘက်စခန်း လိုက်ရမယ့် အကျဉ်းသားက မလိုက်ရမယ့်အရေး ငွေလည်း မပေးနိုင်တော့ သူ့လက်ချောင်းကိုသူ ဖြတ်ပစ်လိုက်တာလို့ ရှင်းပြပါတယ်။ ရဲဘက်စခန်းရောက်ရင် အနှေးနဲ့အမြန် သေဘေးကို ရင်ဆိုင်ရမှာ စိုးရိမ်တာကြောင့် ဖြစ်တယ်လို့ သိရပါတယ်။
ရာဇဝတ်အကျဉ်းသားဆိုတာလည်း လူသားတွေပါ။ သူတို့ ကျူးလွန်ခဲ့တဲ့ ပြစ်မှုတွေအတွက် ကျသင့်ကျထိုက်တဲ့ ထောင်ဒဏ်ကို ကျခံနေရသူတွေပါ။ ပြင်ပလူမှုဝန်းကျင်နဲ့ မထိတွေ့ရတော့ပဲ ထောင်ဆိုတဲ့ အထဲမှာ ရောက်နေသူတွေပါ။ ဒါကိုက ပြစ်ဒဏ်ကို ပေးဆပ်နေရတယ်ဆိုတဲ့ သဘောပါပဲ။ အဲသလို အပြစ်ဒဏ်ကို ထောင်ကျခံရင်း ပြန်ပေးဆပ်နေရတဲ့ အထဲ အလုပ်ကြမ်းစခန်းတွေ ကို ပို့ပြီး ကျေးကျွန်တွေလို ခိုင်းတယ်ဆိုတာဟာ မတရားပါ။ အဲသလို ရဲဘက်စခန်းတွေ၊ တချို့စခန်းတွေကို နောက်ပိုင်းမှာ စိုက်ပျိုးရေးမွေးမြူရေးနဲ့ ကုန်ထုတ်လုပ်ငန်း စခန်းတွေဆိုပြီး နာမည်ပြောင်းပါတယ်။ ထောင်အကျခံနေရတဲ့အထဲ တပြားတချပ်မှ မရတဲ့အပြင် နောက်ထပ်အလုပ်တခုကို ကျန်းမာရေးအထိခိုက်ခံ၊ အာဟာရ အပြတ်ခံပြီး လုပ်ပေးရသေးတယ်ဆိုတာ ဘယ်လိုမှ တရားတယ်လို့ မပြောနိုင်ပါ။
ယဉ်ကျေးတဲ့ လူအဖွဲ့အစည်းတခုအတွင်းမှာ အလုပ်ကြမ်းစခန်းတို့၊ ရဲဘက်စခန်းတို့၊ စိုက်ပျိုးမွေးမြူရေးစခန်းတို့ ဆိုတာ မရှိသင့်တော့ပါ။ လုံးလုံးဖျက်သိမ်းသင့်ပြီလို့ ပြောလိုပါတယ်။ ထောင်ဆိုတာ ရှိထားပြီးမှတော့ ဘာကြောင့် အလုပ်ကြမ်းစခန်း ဆိုတာ ရှိရဦးမှာလဲ။ ထောင်ထဲမှာ နှစ်ရှည်ကျလို့ ပြန်ပေးဆပ်နေရတာကိုက လုံလောက်နေပြီလို့ ထောက်ပြလိုပါတယ်။ ဘာအကြောင်းနဲ့ဖြစ်ဖြစ် အကျဉ်းသားများအပေါ်က လူမဆန်စွာ အမြတ်ထုတ်တဲ့ ကိစ္စတွေကို ကန့်ကွက်ကြောင်း ပြောလို ပါတယ်။

အခုလက်ရှိအစိုးရ တာဝန်ရှိသူများက ရဲဘက်စခန်းတွေကို ဖျက်သိမ်းဦးမှာ မဟုတ်ဘူးလို့ ပြောတာကို ကြားလိုက်ရတော့ လူဆန်တဲ့ စိတ်ဓာတ် ကင်းလိုက်လေခြင်းလို့ ဖြစ်မိပါတယ်။ စိုက်ပျိုးမွေးမြူရေးတွေ ကုန်ထုတ်လုပ်ငန်းတွေ လုပ်ချင်ရင် အကျဉ်းသား မဟုတ်တဲ့ အလုပ်သမားတွေကို တန်ရာတန်ကြေးပေးပြီး ငှားရမ်းသင့်တာပေါ့။ အကျဉ်းသားတွေဆီက လုပ်အားကို တန်ရာတန်ဖိုး မပေးဘဲ ခိုင်းနေတာဟာ နောက်ထပ်ပုံစံတခုနဲ့ တည်ရှိနေတဲ့ ကျေးကျွန်စနစ်လို့သာ ပြောပါစေ။ အကျဉ်းသားမှန်သမျှ ထောင်ထဲမှာပဲ နေခွင့်ရှိရပါ့မယ်။ အလုပ်ကြမ်းစခန်း ရဲဘက်စခန်းဆိုတာ အင်မတန် ရိုင်းစိုင်းတဲ့ စနစ် ဖြစ်တယ်ဆိုတာကို နားလည်ဖို့ လိုပါတယ်။ ဒါကြောင့် မြန်မာနိုင်ငံက ဂူးလပ်စခန်းများ ဖျက်သိမ်းဖို့ အဆိုပြု ပါကြောင်း။

ဇော်မင်း
၁၇ ရက်၊ အောက်တိုဘာလ၊ ၂ဝ၁၄ ခုနှစ်

ဆက်လက်ဖတ်ရှုရန်...

 
 
©2007 Fine-Leaves.blogspot.com, Powered by Blogger.