ရွက်မွန်စာမျက်နှာ

Thursday, October 4, 2007

လူသားမျိုးနွယ်တို့အပေါ်ကျူးလွန်ဖောက်ဖျက်ခဲ့သည့် ရာဇ၀တ်သားကြီးများ

က
မ္ဘာ့သမိုင်း တလျှောက်၌ လူသားဆန်မှုကိုမျက်ကွယ်ပြုသည့်အပြင် လူသားမျိုးနွယ်တို့အား ရက်ရက်စက်စက် သုတ်သင် ကွပ်မျက်ခဲ့သည့် အာဏာရှင်လူဆိုး ရာဇ၀တ်သားကြီးများ ရှိခဲ့သည်။ မိမိအာဏာပိုင်စိုးလိုမှု၊ အနိုင်ရ လိုမှု၊ မိမိ မျိုးနွယ်နှင့်မိမိအုပ်စု တခုသာ လွှမ်းမိုးထားလိုမှု အစရှိသည့်လောဘများကြောင့် လူသားအချင်းချင်း လူသားမဆန်စွာ ရက်ရက် စက်သတ်ဖြတ်ခံခဲ့ရသည့် အဖြစ်အပျက်များကား များပြားလှသည်။

ဖက်ဆစ်အာဏာရှင် ဟစ်တလာကတော့ လူသားတို့သမိုင်းတွင် လူတိုင်းသိနေသည့် လူဆိုးကြီး ရာဇ၀တ်ကောင်ကြီး ဖြစ်နေသည့်အတွက် ထပ်မံ၍အကျယ်တင်ပြခြင်း မပြုလိုပါ။ ဟစ်တလာ၏ အမိန့်အာဏာ စက်ကြောင့် ဂျူးလူမျိုး (၆)သန်းကျော် ရက်ရက်စက်စက် သတ်ဖြတ်ခံခဲ့ရတာ အားလုံးအသိပင် ဖြစ်သည်။

ရူမေးနီးယားမှ ချောင်စက်စကူးသည်လည်း သူ၏နိုင်ငံသားပေါင်းများစွာကို ရက်စက်စွာသတ်ဖြတ်ခဲ့သည်။ ထို့အတူ ယူဂန္ဒာနိုင်ငံမှာ အာဏာရှင် ဗိုလ်ချုပ်ကြီး အီဒီအာမင်သည်လည်း သူ၏နိုင်ငံသားပေါင်း သိန်းနှင့်ချီ၍ သုတ်သင်သတ် ဖြတ်ခဲ့သည်။ အလားတူပင် စလိုဗက်နိုင်ငံတွင် အာဏာရှင် မီလိုရှဗစ်၏ လက်ချက်ဖြင့် လူအမြောက်အများ သတ်ဖြတ်ခံခဲ့ရသည်။

မြန်မာနိုင်ငံမှ စစ်အာဏာရှင်များသတ်ဖြတ်ခဲ့သည့် မြန်မာပြည်သူပြည်သား အရေအတွက်သည် သန်းဂဏန်းမရှိ သော်လည်း ရက်စက်မှုဒီဂရီကတော့ အထက်တွင်တင်ပြထားခဲ့သည် အာဏာရှင်ကြီးများနှင့် တန်းတူရှိနေသည် ဟု ဆိုပါက လွန်မယ်မထင်ပါ။ ယခုသက်ရှိထင်ရှား မရှိတော့သည့် ဗိုလ်ချုပ်နေ၀င်း လက်ထက်ကျူးလွန်ခဲ့သည့် လူသတ်မှုများ ကို ဗိုလ်ချုပ်သန်းရွှေက ခြေရာနင်း၍လိုက်ကာ ဆက်လက်သတ်ဖြတ်နေဆဲဖြစ်သည်။

ငြိမ်းချမ်းစွာ ဆန္ဒပြသူသံဃာတော်များနှင့်ပြည်သူများကို ရက်စက်စွာဖြိုခွင်းရာတွင် တာဝန်ရှိသည့် ခေါင်းဆောင်များအား လူသတ်မှုဖြင့်တရားစွဲဆိုရပေလိမ့်မည်။ ထို့အပြင် ဆန္ဒပြနေသည့်အချိန်မဟုတ်ဘဲ သာမန်အချိန်တွင် ဘုန်းတော် ကြီးကျောင်းများသို့ ၀င်ရောက်စီးနင်းပြီး သံဃာတော်များအား ရိုက်နှက်ခြင်း၊ ဖမ်းဆီးခြင်း ၎င်းနောက် ဖမ်းဆီးခေါ် ဆောင်သွားသော သံဃာတော်များအား ဖျောက်ဖျက်သုတ်သင်ခြင်းတို့သည် လူသားမဆန်သော လုပ်ရပ်ဖြစ်သည်။ ဒါတွင်သာမကသေးပဲ မသင်္ကာသည်ဟု သူတို့ယူဆသော အရပ်သူ အရပ်သားများကို ဖမ်းဆီးချုပ်နှောင်ခြင်း၊ သူတို့ ဘယ်မှာဖမ်းဆီးခံထားရသည်၊ သေသလား ရှင်သလား ဆိုတာကိုလည်း မိသားစုဝင်များအနေဖြင့် မသိရခြင်းတို့သည်လည်း ရာဇ၀တ်မှုများပင်ဖြစ်သည်။

ထိုကဲ့သို့ ထင်သလိုဖမ်းဆီး၊ နှိပ်စက်၊ သုတ်သင်ကွပ်မျက်နေခြင်းသည် လူဦးရေသန်းဂဏန်းမရှိသော်လည်း လူသား မျိုးနွယ်တို့အပေါ် ဖေါက်ဖျက်ကျူးလွန်သည့် ရာဇ၀တ်မှုကြီးများပင်ဖြစ်သည်။ ထို့အတွက် နိုင်ငံတကာတွင် ရှိသည့် လူ့အခွင့်အရေး အဖွဲ့အစည်းများအား တိုက်တွန်းလိုသည်မှာ တာဝန်အရှိဆုံးဖြစ်သည့် ဗိုလ်ချုပ်မှူးကြီး သန်းရွှေအား နိုင်ငံတကာခုံရုံးတင်၍ လူသားမျိုးနွယ်တို့အပေါ် ကျူးလွန်ဖေါက်ဖျက်ခဲ့သည့် ရာဇ၀တ်မှုကြီးများအတွက် အရေးယူ ရန်အချိန်တန်ပြီဟု တိုက်တွန်းလိုက်ရသည်။

ဇော်မင်း (လူ့ဘောင်သစ်)
၎ ရက် အောက်တိုဘာလ၊ ၂၀၀၇ ခုနှစ်

1 comment:

maung said...

ဒင်းကိုလည်းနိုင်ငံတကာခုံရုံးတင်ဖြို UN ကိုစာတင်ကြရအောင်လေ...
အဲဒါက ပိုထိရောက်မယ်ထင်တယ်
အခု UN ကိုအကူအညီတောင်းသလိုရယ်.. ဘုန်းဘုန်းတို့
အတွက်နုဘယ်လ်ဆုရဖို့လုပ်သလို..ဒင်းကိုလည်းနိုင်ငံတကာ
စစ်ခုံရုံးတင်ဖို့လုပ်ရအောင်လေ

 
 
©2007 Fine-Leaves.blogspot.com, Powered by Blogger.