တိုင်း ရင်းသားပြည်သူအားလုံးက အနာဂတ်မှာ ဒီမိုကရက်တစ် ဖက်ဒရယ်ပြည်ထောင်စုတခု တည်ဆောက်မှာကို သဘောတူ ကြမယ် ဆိုတာ အထူးပြောစရာပါဘူး။ ဖက်ဒရယ်ပြည်ထောင်စုဆိုတာ မတူကွဲပြားတဲ့ တိုင်းရင်းသားများ အားလုံးကြားမှာ တန်းတူရည်တူ ဖြစ်စေဖို့အတွက် ရည်ရွယ်တာကြောင့် အထူးကောင်းမွန်တဲ့ စနစ်လည်း ဖြစ်ပါတယ်။ ဒါဟာ ဖြစ်သင့် ဖြစ်ထိုက်တဲ့ ကိစ္စပါ။ နိုင်ငံရေး၊ လူမှုရေး၊ စီးပွားရေး၊ ပညာရေး၊ ကျန်းမာရေး အစရှိတဲ့ အခွင့်အရေးတွေကို တတ်စွမ်းသမျှ အားလုံးသာတူညီမျှ ခံစားနိုင်ခွင့် ဆိုတာ အရေးကြီးပါတယ်။ ဒါပေမဲ့ ဖက်ဒရယ်ပြည်ထောင်စု တည်ထောင်မယ်လို့ ဆိုတဲ့အခါမှာ ညှိနှိုင်းရမယ့် အရာတွေက များပြားလှတယ်၊ တချို့နေရာတွေမှာ ထင်သလောက် မလွယ်ကူဘူး ဆိုတာကိုလည်း သတိချပ်ကြဖို့ လိုပါတယ်။
အခုရက်ပိုင်းမှာ အသံထွက်လာပါတယ်။ အဲတာကတော့ ဖက်ဒရယ်လို့ ဆိုလိုက်တဲ့အခါမှာ မြန်မာလူမျိုးတွေအတွက် ပြည်နယ် တခု သတ်မှတ်ရေးဆိုတဲ့ ကိစ္စရပ်ပါပဲ။ သက်ဆိုင်ရာ တိုင်းရင်းသားတွေမှာ ပြည်နယ်တခုစီပဲ ရှိသလို မြန်မာ တိုင်းရင်းသားများ အတွက်လည်း ပြည်နယ်တခု သတ်သတ်မှတ်မှတ် ရှိရေးဆိုတဲ့ အသံဖြစ်ပါတယ်။
ချင်းပြည်နယ်၊ ရှမ်းပြည်နယ်၊ ကရင်ပြည်နယ်၊ ကယားပြည်နယ်၊ မွန်ပြည်နယ်၊ ရခိုင်ပြည်နယ်၊ ကချင်ပြည်နယ် စသဖြင့် ရှိထားပေမယ့် ယေဘူယျအားဖြင့် ကြည်မယ်ဆိုရင် မြန်မာတိုင်းရင်းသားများကို ကိုယ်စားပြုတဲ့ ပြည်နယ်ဆိုတာ အတိအကျ မရှိပါဘူး။ မြန်မာတိုင်းရင်းသားများ အနေများတဲ့ ဒေသတွေကို စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ပဲခူးတိုင်း၊ ဧရာဝတီတိုင်း၊ ရန်ကုန်တိုင်း၊ တနင်္သာရီတိုင်း စသဖြင့် အနေနဲ့သာ တွေ့ရပါတယ်။ ဒီနေရာမှာ တင်ပြလိုတာက မြန်မာတိုင်းရင်းသားများ အတွက် ပြည်နယ်တခု သတ်မှတ်ရေးဆိုတာကို မူအနေနဲ့ မငြင်းလိုပါဘူး။ ဒါပေမဲ့ လက်တွေ့မှာ မြန်မာတိုင်းရင်းသားများ အားလုံးအတွက် နယ်မြေတခုကို တဆက်တစပ်ထဲ ပြည်နယ်တခုအနေနဲ့ သတ်မှတ်မယ်ဆိုရင် လွယ်ပါ့မလားဆိုတာ စဉ်းစားမိပါတယ်။ အထက်မှာ ပြောခဲ့တဲ့ မြန်မာတိုင်းရင်းသားတွေ အနေများတဲ့ တိုင်းတွေအားလုံးကို စုပေါင်းပြီး မြန်မာပြည်နယ် တခုထဲ အနေနဲ့ သတ်မှတ်မယ်ဆိုရင် ဖြစ်နိုင်ပါ့မလားဆိုတာ အားလုံး ဝိုင်းဝန်းစဉ်းစားဖို့ လိုပါတယ်။
ကျနော်တို့ မြန်မာပြည်မှာ ပထဝီအနေအထားနဲ့ ရှေးတုန်းကစလို့ အခုအထိ လက်ရှိတည်ရှိ နေတဲ့ လူမှုရေးနိုင်ငံရေး၊ ယဉ်ကျေးမှု၊ ပညာရေး၊ စီးပွားရေး အခြေအနေများအရ မြန်မာတိုင်းရင်းသားချင်းတူပေမယ့် အနိမ့်အမြင့် ကွဲပြားနေ တာတွေ အများကြီး ရှိနေပါသေးတယ်။ တခြားတိုင်းရင်းသားများကြားမှာလည်း အဲသလို မတူကွဲပြားတဲ့ အနိမ့်အမြင့်တွေ ရှိပါတယ်။ မြန်မာတွေက လူများစုဖြစ်နေပြီး ဆင်းရဲမွဲတေနေသူ အများအပြားရှိသလို တခြားတိုင်းရင်းသားအုပ်စုများထက် ကောင်းကျိုးကိုခံစားရတဲ့ လူဦးရေကလည်း ကိန်းဂဏန်းအရ ပိုများပါတယ်။
မြန်မာတိုင်းရင်းသားများအတွက် ပြည်နယ်တခု သတ်မှတ်ရေးဆိုတဲ့ အဆိုတင်သွင်း လာတာကို ကြားဖူးတဲ့ အချိန်က ရှစ်လေးလုံးလှုပ်ရှားမှုအပြီး ကျောင်းသားများ တောခိုစဉ်က စပြီးကြားဖူးတယ်လို့ ဆိုနိုင်ပါတယ်။ အနှစ်နှစ်ဆယ်ကျော် အစိတ် လောက်ရှိခဲ့ပါပြီ။ နယ်စပ်တောတွင်း စခန်းတွေဆီကို အဲဒီအဆိုကို ဦးဆောင်လာရောက်တင်ပြသူက ကနေဒါ နိုင်ငံမှာ အခြေစိုက်နေထိုင်တဲ့ ဦးဟန်ညောင်ရွှေ ဖြစ်တယ်လို့ မှတ်မိပါတယ်။ လွတ်လပ်ရေးရအပြီး မြန်မာနိုင်ငံရဲ့ ပထမဆုံး သမတကြီး စော်ဘွားကြီး စပ်ရွှေသိုက်ရဲ့ သားတဦး ဖြစ်ပါတယ်။ အဲဒီအချိန်တုန်းက မြန်မာတိုင်းရင်းသား တွေအနေနဲ့ တိုင်းတွေ အများအပြားမှာ တည်ရှိနေမယ့်အစား ပြည်နယ်တခုအနေနဲ့ သတ်သတ်မှတ်မှတ်ရှိဖို့ ဆိုတာကို သီအိုရီအရရော နိုင်ငံရေးမူအရရော တောခိုမြန်မာ ကျောင်းသားတွေနဲ့ တခြားသောတိုင်းရင်းသား အဖွဲ့အစည်းတွေပါ သဘောတူခဲ့ကြပါတယ်။ ဒါပေမဲ့ အသေးစိတ် ဆက်လက်ဆွေးနွေးကြဖို့ အထမမြောက်ခဲ့ပါဘူး။ ဘာကြောင့်လဲ ဆိုတော့ အဒီအချိန်တုန်းက လက်နက်ကိုင် အဖွဲ့အစည်း အတော်များများ မီခိုနေရတဲ့ ကေအန်ယူတို့ရဲ့ မာနယ်ပလောဌာနချုပ်ကို ၁၉၉၅ ခုနှစ်ထဲမှာ အစိုးရစစ်တပ်များ သိမ်းပိုက်သွားနိုင် တာကြောင့်ဖြစ်ပါတယ်။ အဲတာရဲ့ အကျိုးဆက်အဖြစ် ဘယ်လို ဖက်ဒရယ် ထူထောင်မလဲ၊ ပြည်နယ်များကို ဘယ်လိုဖွဲ့စည်းကြမလဲ ဆိုတဲ့ အသေးစိတ်ကိစ္စများဟာ နောက်ကိုရောက်သွား ရတာကြောင့် ဖြစ်ပါတယ်။ သို့သော်လည်း အခွင့်အလမ်းပေါ်ရင် ပေါ်သလို ကြိုကြားကြိုကြားဆိုသလိုတော့ ထိုင်းနိုင်ငံ အတွင်းမှာ ဆွေးနွေးပွဲတွေ ဖြစ်မြောက်ခဲ့ပါတယ်။ ဒါပေမယ့် ကျယ်ပြန့်တဲ့အသွင်ကို မဆောင်နိုင်တော့ပါဘူး။
အဖွဲ့တွေအားလုံး ပြန့်ကြဲသွားခဲ့ တာကြောင့်ပါ။ နောက်တချက်က တချို့လည်း အစိုးရနဲ့ အပစ်အခတ် ရပ်စဲသွားတာ ကြောင့်လည်း ပါပါတယ်။
မြန်မာတိုင်းရင်းသားတွေချည်းပဲ တပြည်နယ်သတ်သတ်မှတ်မှတ် ဖြစ်ရေးဆိုတာ အမြင်အရ၊ အတွေးအရ၊ အယူဆအရ၊ သီအိုရီအရ မှန်ပါတယ်။ ဒါပေမဲ့ လက်တွေ့မှာ ဘယ်လိုဖော်ဆောင်မလဲ။ အတော့်ကိုမလွယ်တဲ့ ကိစ္စဖြစ်ပါတယ်။ မြန်မာတွေချည်း တပြည်နယ်ထဲ ဖြစ်ရေးကို ဆွေးနွေးတဲ့အခါမှာ မြန်မာချင်းမှာတောင် ပြဿနာရှိလာတာကို တွေ့လိုက် ရပါတယ်။ အဲတာက ဘယ်လိုပြဿနာလဲဆိုတာ တင်ပြပါ့မယ်။ မြန်မာတွေချည်း တပြည်နယ်ထဲ သတ်မှတ်ရမယ်ဆိုတော့ အထက်သားတွေက "ဟာ ဒီလိုဆိုရင် အောက်သားတွေ အုပ်ချုပ်တဲ့အောက်မှာ ငါတို့ကနေရမှာလား" ဆိုတဲ့ မကျေနပ်တဲ့ အမြင်ကို စတွေ့လိုက်ရပါတယ်။ မြန်မာချင်းတွေ ဖြစ်ရဲ့သားနဲ့ ဘာဖြစ်လို့ အဲသလို ယူဆရတာလဲ။ ဆန်းစစ်ကြည့်ဖို့ လိုပါတယ်။
ပဒေသရာဇ်ခေတ်အပြီး အင်္ဂလိပ်ကိုလိုနီလက်ထက် တောက်လျှောက်ကာလများမှာ ရန်ကုန်အပါအဝင် အောက်ပြည် အောက်ရွာဟာ အထက်ပိုင်းဒေသ အညာဒေသတွေထက် ပိုဖွံ့ဖြိုးပါတယ်။ တိုင်းရင်းသားဒေသများကတော့ ပိုဆိုးပါတယ်။ ကိုလိုနီရုံးစိုက်တဲ့ အောက်ပြည်ဖြစ်တဲ့ ရန်ကုန်နဲ့ အနီးတဝှိုက်ဟာ နိုင်ငံတကာ ဆက်ဆံရေး၊ ကုန်သွယ်ကူးသန်း ရောင်းဝယ်ရေး၊ ခေတ်သစ်ပညာရေး စတာတွေမှာ ထိပ်ဆုံးက ရှိခဲ့ပါတယ်။ အဲတာကြောင့် အင်္ဂလိပ်ကိုလိုနီ လက်ထက်မှာ အာဏာရှိသူ၊ အရေးပါအရောက်သူ မြန်မာအတော်များများဟာ အောက်သားတွေဖြစ်ခဲ့ပါတယ်။ အထက်အညာက ပြောင်းရွှေ့သွားလို့ နောက်ပိုင်း အောက်သားဖြစ်သွား သူတွေလည်း အကြုံးဝင်နေပါတယ်။ ဆိုလိုတာက လူမျိုးချင်းတူ တာတောင်မှ ပိုသိပိုတတ် သူတွေကသာ သဘာဝအရ အုပ်ချုပ်ခွင့်ရခဲ့တာကို ထောက်ပြလိုရင်း ဖြစ်ပါတယ်။ မြန်မာ အချင်းချင်း အထက်သား အောက်သား စိတ်ဝမ်းကွဲအောင် ပြောတာမျိုး မဟုတ်ဘူးဆိုတာ တင်ပြလိုပါတယ်။
အောက်သားတွေ သို့မဟုတ် အောက်ပြည်ကို ပြောင်းရွှေ့အခြေစိုက်သူတွေ အဲသလို ပိုသိပိုတတ် ခဲ့တာကလည်း ရန်ကုန်က အင်္ဂလိပ်ကိုလိုနီအစိုးရရဲ့ မြို့တော်ဖြစ်ခဲ့တာကြောင့်ပါ။ တခြားဒေသကလူတွေ ဘယ်လောက်ပဲ ပညာတတ်တတ် အောက်ပြည်မှာ မနေဘူးဆိုရင် အထူးသဖြင့်နိုင်ငံရေးမှာ အောက်သားတွေကို မယှဉ်နိုင်ခဲ့ပါဘူး။ ပညာတတ်တာခြင်းအတူတူ အောက်သားများက အုပ်ချုပ်ရေးဗဟိုဖြစ်တဲ့ အောက်အရပ်မှာပဲ ဆက်လက်အခြေစိုက် အလုပ်လုပ်ကြတာကြောင့် နိုင်ငံတကာနဲ့ပိုပြီးထိတွေ့ရပါတယ်။ မျက်စေ့အမြင် ပိုကျယ်ပါတယ်။ သတင်းစာ အပါအဝင် စာပေနဲ့ တခြားသော အနုပညာ လုပ်ငန်းအများစုဟာလည်း သဘာဝအရ ရန်ကုန်မှာပဲ အခြေစိုက်ပါတယ်။ ပြောရရင် အောက်အရပ်ဟာ တခြားသောဒေသများနဲ့ နိုင်းယှဉ်မယ်ဆိုရင် အခုကာလအထိ အကောင်းတွေ အညွှန့်တွေ စုနေတဲ့နေရာလို့ ပြောလို့ ရပါသေးတယ်။ နိုင်ငံရေးအရ ပြောရရင် လူတော်တွေ ကျော်ကြားသူတွေ လူသိများသူတွေ စုဝေးနေတဲ့ ဒေသတခုလို့လည်း ဆိုနိုင်ပါသေးတယ်။
အဲတာကြောင့် မြန်မာတွေကို တပြည်နယ်ထဲလုပ်မယ်လို့ ဆိုတော့ အထက်သားတွေဖက်က ချက်ခြင်းတုံ့ပြန်မှုက အထက်မှာ ပြောခဲ့သလို ဖြစ်သွားပါတယ်။ မြန်မာအချင်းချင်းတောင် အောက်သားအုပ်ချုပ်မှာကို အထက်သားက မကြိုက်နိုင်ဘူးဆိုတာ ဖုံးကွယ်ရမယ့် ကိစ္စမဟုတ်တာကို မြင်ရပါတယ်။ ဘာကြောင့်လဲဆိုတော့ အထက်သားကလည်း အထက်ဒေသရဲ့ ဝိသေသ လက္ခဏာနဲ့ နေလိုတာကြောင့်ပါ။ သူတို့ဒေသကို သူတို့ပဲ စီမံခန့်ခွဲအုပ်ချုပ်လိုပါတယ်။
ကျနော်တို့ လူလားမြောက်ခဲ့တဲ့ ကာလများအရ ယေဘူယျပြောရရင် မကွေးကနေ မန္တလေးကို ဖြတ်ပြီး မြစ်ကြီးနားအထိ အဲဒီတကြောကလူတွေဟာ သူတို့ကိုယ်သူတို့ အထက်သားလို့ သတ်မှတ်ကြပါတယ်။ မန္တလေးတိုင်းနဲ့ ကချင်ပြည်နယ် ဘောလုံးကန်ရင် သူ့ဖက်ကိုယ့်ဖက် သဲသဲမဲမဲ အပြိုင်အားပေးကြပေမယ့် မန္တလေးတိုင်းက ရန်ကုန်နဲ့ဖြစ်ဖြစ်၊ ပဲခူးတိုင်းနဲ့ဖြစ်ဖြစ်၊ ဧရာဝတီတိုင်းနဲ့ ဖြစ်ဖြစ် ကန်ကြပြီဆိုရင်တော့ စောစောက အထက်သားများအားလုံးဟာ မန္တလေးတိုင်း ဘောလုံးအသင်းရဲ့ လူတွေပရိတ်သတ်တွေ ဖြစ်ကုန်ပါတယ်။ ဘာဖြစ်လို့တုန်းဆိုတော့ မန္တလေးဆိုတာ ရိုးရာအစဉ်အလာ အရ၊ ကူးသန်းသွားလာ ဆက်ဆံမှုအရ အထက်ပိုင်းဒေသရဲ့ ထီးရိပ်ကြီးလို့ လူတွေက မှတ်ယူခဲ့တာကြောင့်လို့ ဆိုနိုင်ပါတယ်။ ချင်းပြည်နယ်နဲ့ ရှမ်းပြည်နယ်မြောက်ပိုင်းက လူတွေဆိုရင်လည်း အတော်များများဟာ သူတို့ကိုယ်သူတို့ အထက်သားလို့ မှတ်ယူကြပါတယ်။
မြန်မာတိုင်းရင်းသားများအတွက် တပြည်နယ်သတ်သတ်မှတ်မှတ် ထားမယ်ဆိုရင် ပထဝီအနေအထားအရ ဘယ်လို သတ်မှတ်မှာလဲ၊ သို့မဟုတ် ဒေသတခုကို မြန်မာပြည်နယ်ဆိုပြီး နာမည်တပ်လိုက်မှာလား။ အတော်ခက်ခဲပါတယ်။ နောက်တချက်က အထက်သားတွေက အောက်သားတွေ အုပ်ချုပ်မှာကို မကြိုက်သလို အထက်သားချင်း အတူတူတောင် စစ်ကိုင်းတိုင်းက မြန်မာက မန္တလေးတိုင်းကမြန်မာရဲ့ အုပ်ချုပ်ခံအဖြစ် မနေလိုပါဘူး။ ဒါတွေဟာ မြန်မာအပါအဝင် တိုင်းရင်းသား နိုင်ငံရေးခေါင်းဆောင် တချို့ ဂရုမစိုက်မိတဲ့ အချက်တွေပါ။ ဒါ့အပြင် စစ်ကိုင်းတိုင်း၊ မန္တလေးတိုင်း တွေအတွင်းမှာ မြန်မာလူမျိုးတွေချည်းပဲ နေထိုင်ကြတာ မဟုတ်ဘူး ဆိုတာကိုလည်း ထည့်သွင်းစဉ်းစားဖို့လိုပါတယ်။ နောက်ပြီး ထားဝယ်၊ မြိတ်စတဲ့ ဒေသတွေကို ဘယ်လိုသတ်မှတ်မှာလဲ။ မြန်မာအနွယ်လို့ သတ်မှတ်မှာလား၊ မတူကွဲပြားတဲ့ တိုင်းရင်းသား အုပ်စုများလို့ သတ်မှတ်မှာလား။ မြန်မာကို တပြည်နယ်ထဲ သတ်မှတ်မယ်ဆိုရင် ကရင်ပြည်နယ်နဲ့ မွန်ပြည်နယ်ကိုကျော်ပြီး အဲဒီ ထားဝယ်နဲ့မြိတ်ဒေသကို မြန်မာပြည်နယ်အတွင်း ဘယ်လို့ ပိုင်းစိတ်ပြီး ထည့်သွင်းမှာလဲ။ တခါ ထားဝယ်နဲ့မြိတ်ဒေသကို မြန်မာဒေသလို့ သတ်မှတ်ခဲ့ရင် အဲဒီဒေသမှာ ကရင်၊ မွန်စတဲ့ တိုင်းရင်းသားတွေလည်း အများအပြား နေထိုင်ကြတယ် ဆိုတာကို မေ့မထားဖို့ လိုလာပြန်ပါတယ်။
အခုတင်ပြနေတာက မတူတာတွေ ရှိနေတယ်ဆိုတာကို ထောက်ပြလိုရင်းပါ။ သွေးကွဲတဲ့စကား သွေးခွဲတဲ့စကားကို ပြောခြင်းမဟုတ်ပါ။ လက်တွေ့တည်ရှိနေတဲ့ မျက်မြင်အခြေအနေတွေကို ပစ်ပယ်ပြီး ဆောင်ရွက်လို့ ရနိုင်မရနိုင် ဆိုတာကို စဉ်းစားနိုင်ဖို့ ဖြစ်ပါတယ်။ မြန်မာကို တပြည်နယ်ထဲ သတ်မှတ်မယ်ဆိုရင် ဧရာဝတီတိုင်းလို မြန်မာ၊ ကရင်အပါအဝင် လူမျိုးပေါင်းစုံ ရောယှက်နေတဲ့ ဒေသမျိုးကိုကော ဘယ်လို စဉ်းစားကြမလဲ။ လူမျိုးနာမည်ကို အခြေခံတဲ့ ပြည်နယ် သက်သက်တွေပဲ သတ်မှတ်ကြမှာလား။ ပထဝီအနေအထားနဲ့ ဖြစ်တည်လာခဲ့တဲ့ ယဉ်ကျေးမှု လူမှုပေါင်းစည်းမှုအရ သတ်မှတ်ထားတဲ့ ပြည်နယ်မျိုးတွေကော အနာဂတ် ဖက်ဒရယ်ပြည်ထောင်စု အတွင်းမှာ မရှိထိုက်ဘူးလား။
နိုင်ငံတကာက ဖက်ဒရယ်စနစ်တွေ ဖက်ဒရယ်ပြည်နယ်တွေကိုလည်း လေ့လာဖို့ လိုအပ်တယ်လို့ အကြံပေးလိုပါတယ်။ ဥပမာ အမေရိကန် ပြည်ထောင်စုမှာ လူမျိုးနာမည်ကို အခြေခံတဲ့ ပြည်နယ်တခုမှ မရှိပါ။ အဲသလို ဆိုလိုက်လို့ မြန်မာပြည်မှာလည်း မရှိရဘူးလို့ ဆိုလိုတာ မဟုတ်ပါ။ အလျှော့အတင်းတွေ၊ အလိုအပိုတွေကို သင်ခန်းစာယူနိုင်အောင် ဖြစ်ပါတယ်။ ခေတ်အဆက်ဆက်က တိုင်းနဲ့ပြည်နယ်ဆိုပြီး ခွဲထုတ်ထားတာကြောင့် တိုင်းအဆင့်က ပြည်နယ်ဆိုတဲ့ အဆင့်ထက် မြင့်သယောင်ယောင် ဖြစ်အောင် လုပ်ထားခဲ့ပါတယ်။ အမှန်ဖြစ်သင့်တာက ပြည်နယ်ဆိုရင်လည်း အားလုံးပြည်နယ်ပေါ့။ တိုင်းဆိုရင်လည်း အားလုံးတိုင်းပေါ့။ အမေရိကန်မှာလည်း ဒေသအားလုံးကို ပြည်နယ် သို့မဟုတ် State လို့သတ်မှတ်ထားတာ အားလုံးအသိပါ။ တိုင်းနဲ့ပြည်နယ်လို့ ခွဲခြားမထားပါ။ တရုတ်မှာ ဆိုရင်လည်း ပြည်နယ်တွေကို Province ဆိုပြီး တသမတ်ထဲ သတ်မှတ်ပါတယ်။ သူ့မှာလည်း တိုင်းနဲ့ပြည်နယ် ခွဲခြားတာမျိုး မရှိပါ။
မြန်မာတိုင်းရင်းသားများအတွက် မြန်မာပြည်နယ် တခုထဲပဲ ရှိရမယ်လို့ သတ်မှတ်မယ်ဆိုရင် လက်တွေ့အခြေအနေနဲ့ ကိုက်ညီပါ့မလား ဆိုတာကို အရင်ဆုံး အားလုံးဝိုင်းပြီး ဆွေးနွေးကြဖို့ လိုပါတယ်။ မြန်မာပြည်မှာ ဖြစ်တည်ခဲ့တဲ့ နိုင်ငံရေး ပြဿနာတွေကြောင့် တိုင်းရင်းသားများဖက်က မြန်မာတွေအပေါ်မှာ မယုံကြည်တဲ့ အပိုင်းတွေ ရှိနေတာဟာ လက်တွေ့ကိစ္စပါ။ ဒါကို မျက်ကွယ်ပြုလို့မရပါဘူး။ အဲသလို အခြေအနေမှာ မြန်မာတွေက တိုင်းခုနှစ်တိုင်းမှာ ရှိတယ်ဆိုတော့ နိုင်ငံတော်အတွက် အရေးကြီးတဲ့ ဆုံးဖြတ်ချက်တွေကို ချမှတ်မယ်ဆိုရင် တိုင်းရင်းသားတစုစီက တမဲပဲ ပေးနိုင်ပေမယ့် မြန်မာတွေဖက်က မဲအားဖြင့် ခုနှစ်မဲ ဖြစ်နေလိမ့်မယ်။ ဒါဆိုရင် တိုင်းပြည်ကို စီမံအုပ်ချုပ်တဲ့နေရာမှာ မြန်မာတွေဖက်က အမြဲတန်းအသာစီးရနေလိမ့်မယ် ဆိုတဲ့ စိုးရိမ်ချက်တွေ ရှိပါတယ်။ ဒီစိုးရိမ်ချက်ကြောင့် မြန်မာဆိုတဲ့ တိုင်းရင်းသားတွေလည်း တပြည်နယ်ပဲ ရှိသင့်တယ်ဆိုတဲ့ အမြင်အယူအဆ ပေါ်ပေါက်လာရပါတယ်။
မြန်မာတိုင်းရင်းသားတွေ တပြည်နယ်ထဲသာ ရှိသင့်တယ် မရှိသင့်ဘူး ဆိုတာကို ငြင်းခုန်နေတာနဲ့ ၂ဝဝ၈ ဖွဲ့စည်းပုံ ပြင်ဆင်ဖို့ ကိစ္စတွေ နောက်ရောက်သွားမှာကို စိုးရိမ်မိပါတယ်။ ၂ဝဝ၈ ဖွဲ့စည်းပုံကို မပြင်ဆင်နိုင်သေးဘူးဆိုရင် ဒီမိုကရက်တစ် ဖက်ဒရယ် နိုင်ငံဖြစ်လာဖို့ ဝေးနေဦးမှာပါ။ နိုင်ငံတခုအတွင်းမှာ လူမျိုးအုပ်စုတွေရဲ့ အစုအဝေးလိုက် အခွင့်အရေးတည်ရှိဖို့ အရေးကြီး ပါတယ်။ သို့သော် ဘယ်လူမျိုးဖြစ်ဖြစ် ဘယ်ဘာသာပဲ ကိုးကွယ်သူဖြစ်ဖြစ် နိုင်ငံသားတဦးချင်းရဲ့ အခြေခံ ရပိုင်ခွင့်တွေကို အာမမခံနိုင် သေးဘူးဆိုရင် ရှေ့ဆက်ဖို့ ခက်ပါလိမ့်မယ်။ ပိုဆိုးတာက ၂ဝဝ၈ ဖွဲ့စည်းပုံကို မပြင်ဆင်နိုင်သရွေ့ ရွေးချယ်ခံအရပ်သား အစိုးရဟာ ပြည်ထောင်စု (ဗဟို) အဆင့်မှာပဲ ဖြစ်ဖြစ် ပြည်နယ်နဲ့တိုင်းအဆင့်မှာပဲ ဖြစ်ဖြစ် တပ်မတော်အပါအဝင် လက်နက်ကိုင်ထားတဲ့ အုပ်စုတွေရဲ့ မျက်နှာကိုကြည့်ပြီးမှ အလုပ်လုပ်ရတဲ့ ဘဝကိုရောက်နေပါလိမ့်မယ်။ အဲသလိုသာ ဖြစ်လာခဲ့ရင် မြန်မာပြည်ဟာ စစ်ဘုရင်ဝါဒနဲ့ အရပ်သား အစိုးရနှစ်ရပ်အုပ်ချုပ်နေတဲ့ အခြေအနေကို ဆိုက်ရောက်သွားမှာပါ။ ဒီမိုကရေစီလို့ဆိုပေမယ့် One country Two syatems စနစ်နှစ်မျိုးနဲ့အုပ်ချုပ်နေတဲ့နိုင်ငံတခု သဖွယ် ဖြစ်သွားနိုင်ပါတယ်။ အချုပ်ပြောရရင် မြန်မာတိုင်းရင်းသားများ အတွက် မြန်မာပြည်နယ်တခုသာ တည်ရှိဖို့ ဆိုတဲ့ ကိစ္စကို အားလုံးအနေနဲ့ စိတ်မဆိုးအမျက်မသိုဘဲ ကျယ်ကျယ်ပြန့်ပြန့် ပွင့်ပွင့်လင်းလင်း ဆွေးနွေးကြဖို့ အကြံပြုလိုပါကြောင်း။
ဇော်မင်း
၂ဝ ရက်၊ ဇန်နဝါရီလ၊ ၂ဝ၁၆ ခုနှစ်
အခုရက်ပိုင်းမှာ အသံထွက်လာပါတယ်။ အဲတာကတော့ ဖက်ဒရယ်လို့ ဆိုလိုက်တဲ့အခါမှာ မြန်မာလူမျိုးတွေအတွက် ပြည်နယ် တခု သတ်မှတ်ရေးဆိုတဲ့ ကိစ္စရပ်ပါပဲ။ သက်ဆိုင်ရာ တိုင်းရင်းသားတွေမှာ ပြည်နယ်တခုစီပဲ ရှိသလို မြန်မာ တိုင်းရင်းသားများ အတွက်လည်း ပြည်နယ်တခု သတ်သတ်မှတ်မှတ် ရှိရေးဆိုတဲ့ အသံဖြစ်ပါတယ်။
ချင်းပြည်နယ်၊ ရှမ်းပြည်နယ်၊ ကရင်ပြည်နယ်၊ ကယားပြည်နယ်၊ မွန်ပြည်နယ်၊ ရခိုင်ပြည်နယ်၊ ကချင်ပြည်နယ် စသဖြင့် ရှိထားပေမယ့် ယေဘူယျအားဖြင့် ကြည်မယ်ဆိုရင် မြန်မာတိုင်းရင်းသားများကို ကိုယ်စားပြုတဲ့ ပြည်နယ်ဆိုတာ အတိအကျ မရှိပါဘူး။ မြန်မာတိုင်းရင်းသားများ အနေများတဲ့ ဒေသတွေကို စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ပဲခူးတိုင်း၊ ဧရာဝတီတိုင်း၊ ရန်ကုန်တိုင်း၊ တနင်္သာရီတိုင်း စသဖြင့် အနေနဲ့သာ တွေ့ရပါတယ်။ ဒီနေရာမှာ တင်ပြလိုတာက မြန်မာတိုင်းရင်းသားများ အတွက် ပြည်နယ်တခု သတ်မှတ်ရေးဆိုတာကို မူအနေနဲ့ မငြင်းလိုပါဘူး။ ဒါပေမဲ့ လက်တွေ့မှာ မြန်မာတိုင်းရင်းသားများ အားလုံးအတွက် နယ်မြေတခုကို တဆက်တစပ်ထဲ ပြည်နယ်တခုအနေနဲ့ သတ်မှတ်မယ်ဆိုရင် လွယ်ပါ့မလားဆိုတာ စဉ်းစားမိပါတယ်။ အထက်မှာ ပြောခဲ့တဲ့ မြန်မာတိုင်းရင်းသားတွေ အနေများတဲ့ တိုင်းတွေအားလုံးကို စုပေါင်းပြီး မြန်မာပြည်နယ် တခုထဲ အနေနဲ့ သတ်မှတ်မယ်ဆိုရင် ဖြစ်နိုင်ပါ့မလားဆိုတာ အားလုံး ဝိုင်းဝန်းစဉ်းစားဖို့ လိုပါတယ်။
ကျနော်တို့ မြန်မာပြည်မှာ ပထဝီအနေအထားနဲ့ ရှေးတုန်းကစလို့ အခုအထိ လက်ရှိတည်ရှိ နေတဲ့ လူမှုရေးနိုင်ငံရေး၊ ယဉ်ကျေးမှု၊ ပညာရေး၊ စီးပွားရေး အခြေအနေများအရ မြန်မာတိုင်းရင်းသားချင်းတူပေမယ့် အနိမ့်အမြင့် ကွဲပြားနေ တာတွေ အများကြီး ရှိနေပါသေးတယ်။ တခြားတိုင်းရင်းသားများကြားမှာလည်း အဲသလို မတူကွဲပြားတဲ့ အနိမ့်အမြင့်တွေ ရှိပါတယ်။ မြန်မာတွေက လူများစုဖြစ်နေပြီး ဆင်းရဲမွဲတေနေသူ အများအပြားရှိသလို တခြားတိုင်းရင်းသားအုပ်စုများထက် ကောင်းကျိုးကိုခံစားရတဲ့ လူဦးရေကလည်း ကိန်းဂဏန်းအရ ပိုများပါတယ်။
မြန်မာတိုင်းရင်းသားများအတွက် ပြည်နယ်တခု သတ်မှတ်ရေးဆိုတဲ့ အဆိုတင်သွင်း လာတာကို ကြားဖူးတဲ့ အချိန်က ရှစ်လေးလုံးလှုပ်ရှားမှုအပြီး ကျောင်းသားများ တောခိုစဉ်က စပြီးကြားဖူးတယ်လို့ ဆိုနိုင်ပါတယ်။ အနှစ်နှစ်ဆယ်ကျော် အစိတ် လောက်ရှိခဲ့ပါပြီ။ နယ်စပ်တောတွင်း စခန်းတွေဆီကို အဲဒီအဆိုကို ဦးဆောင်လာရောက်တင်ပြသူက ကနေဒါ နိုင်ငံမှာ အခြေစိုက်နေထိုင်တဲ့ ဦးဟန်ညောင်ရွှေ ဖြစ်တယ်လို့ မှတ်မိပါတယ်။ လွတ်လပ်ရေးရအပြီး မြန်မာနိုင်ငံရဲ့ ပထမဆုံး သမတကြီး စော်ဘွားကြီး စပ်ရွှေသိုက်ရဲ့ သားတဦး ဖြစ်ပါတယ်။ အဲဒီအချိန်တုန်းက မြန်မာတိုင်းရင်းသား တွေအနေနဲ့ တိုင်းတွေ အများအပြားမှာ တည်ရှိနေမယ့်အစား ပြည်နယ်တခုအနေနဲ့ သတ်သတ်မှတ်မှတ်ရှိဖို့ ဆိုတာကို သီအိုရီအရရော နိုင်ငံရေးမူအရရော တောခိုမြန်မာ ကျောင်းသားတွေနဲ့ တခြားသောတိုင်းရင်းသား အဖွဲ့အစည်းတွေပါ သဘောတူခဲ့ကြပါတယ်။ ဒါပေမဲ့ အသေးစိတ် ဆက်လက်ဆွေးနွေးကြဖို့ အထမမြောက်ခဲ့ပါဘူး။ ဘာကြောင့်လဲ ဆိုတော့ အဒီအချိန်တုန်းက လက်နက်ကိုင် အဖွဲ့အစည်း အတော်များများ မီခိုနေရတဲ့ ကေအန်ယူတို့ရဲ့ မာနယ်ပလောဌာနချုပ်ကို ၁၉၉၅ ခုနှစ်ထဲမှာ အစိုးရစစ်တပ်များ သိမ်းပိုက်သွားနိုင် တာကြောင့်ဖြစ်ပါတယ်။ အဲတာရဲ့ အကျိုးဆက်အဖြစ် ဘယ်လို ဖက်ဒရယ် ထူထောင်မလဲ၊ ပြည်နယ်များကို ဘယ်လိုဖွဲ့စည်းကြမလဲ ဆိုတဲ့ အသေးစိတ်ကိစ္စများဟာ နောက်ကိုရောက်သွား ရတာကြောင့် ဖြစ်ပါတယ်။ သို့သော်လည်း အခွင့်အလမ်းပေါ်ရင် ပေါ်သလို ကြိုကြားကြိုကြားဆိုသလိုတော့ ထိုင်းနိုင်ငံ အတွင်းမှာ ဆွေးနွေးပွဲတွေ ဖြစ်မြောက်ခဲ့ပါတယ်။ ဒါပေမယ့် ကျယ်ပြန့်တဲ့အသွင်ကို မဆောင်နိုင်တော့ပါဘူး။
အဖွဲ့တွေအားလုံး ပြန့်ကြဲသွားခဲ့ တာကြောင့်ပါ။ နောက်တချက်က တချို့လည်း အစိုးရနဲ့ အပစ်အခတ် ရပ်စဲသွားတာ ကြောင့်လည်း ပါပါတယ်။
မြန်မာတိုင်းရင်းသားတွေချည်းပဲ တပြည်နယ်သတ်သတ်မှတ်မှတ် ဖြစ်ရေးဆိုတာ အမြင်အရ၊ အတွေးအရ၊ အယူဆအရ၊ သီအိုရီအရ မှန်ပါတယ်။ ဒါပေမဲ့ လက်တွေ့မှာ ဘယ်လိုဖော်ဆောင်မလဲ။ အတော့်ကိုမလွယ်တဲ့ ကိစ္စဖြစ်ပါတယ်။ မြန်မာတွေချည်း တပြည်နယ်ထဲ ဖြစ်ရေးကို ဆွေးနွေးတဲ့အခါမှာ မြန်မာချင်းမှာတောင် ပြဿနာရှိလာတာကို တွေ့လိုက် ရပါတယ်။ အဲတာက ဘယ်လိုပြဿနာလဲဆိုတာ တင်ပြပါ့မယ်။ မြန်မာတွေချည်း တပြည်နယ်ထဲ သတ်မှတ်ရမယ်ဆိုတော့ အထက်သားတွေက "ဟာ ဒီလိုဆိုရင် အောက်သားတွေ အုပ်ချုပ်တဲ့အောက်မှာ ငါတို့ကနေရမှာလား" ဆိုတဲ့ မကျေနပ်တဲ့ အမြင်ကို စတွေ့လိုက်ရပါတယ်။ မြန်မာချင်းတွေ ဖြစ်ရဲ့သားနဲ့ ဘာဖြစ်လို့ အဲသလို ယူဆရတာလဲ။ ဆန်းစစ်ကြည့်ဖို့ လိုပါတယ်။
ပဒေသရာဇ်ခေတ်အပြီး အင်္ဂလိပ်ကိုလိုနီလက်ထက် တောက်လျှောက်ကာလများမှာ ရန်ကုန်အပါအဝင် အောက်ပြည် အောက်ရွာဟာ အထက်ပိုင်းဒေသ အညာဒေသတွေထက် ပိုဖွံ့ဖြိုးပါတယ်။ တိုင်းရင်းသားဒေသများကတော့ ပိုဆိုးပါတယ်။ ကိုလိုနီရုံးစိုက်တဲ့ အောက်ပြည်ဖြစ်တဲ့ ရန်ကုန်နဲ့ အနီးတဝှိုက်ဟာ နိုင်ငံတကာ ဆက်ဆံရေး၊ ကုန်သွယ်ကူးသန်း ရောင်းဝယ်ရေး၊ ခေတ်သစ်ပညာရေး စတာတွေမှာ ထိပ်ဆုံးက ရှိခဲ့ပါတယ်။ အဲတာကြောင့် အင်္ဂလိပ်ကိုလိုနီ လက်ထက်မှာ အာဏာရှိသူ၊ အရေးပါအရောက်သူ မြန်မာအတော်များများဟာ အောက်သားတွေဖြစ်ခဲ့ပါတယ်။ အထက်အညာက ပြောင်းရွှေ့သွားလို့ နောက်ပိုင်း အောက်သားဖြစ်သွား သူတွေလည်း အကြုံးဝင်နေပါတယ်။ ဆိုလိုတာက လူမျိုးချင်းတူ တာတောင်မှ ပိုသိပိုတတ် သူတွေကသာ သဘာဝအရ အုပ်ချုပ်ခွင့်ရခဲ့တာကို ထောက်ပြလိုရင်း ဖြစ်ပါတယ်။ မြန်မာ အချင်းချင်း အထက်သား အောက်သား စိတ်ဝမ်းကွဲအောင် ပြောတာမျိုး မဟုတ်ဘူးဆိုတာ တင်ပြလိုပါတယ်။
အောက်သားတွေ သို့မဟုတ် အောက်ပြည်ကို ပြောင်းရွှေ့အခြေစိုက်သူတွေ အဲသလို ပိုသိပိုတတ် ခဲ့တာကလည်း ရန်ကုန်က အင်္ဂလိပ်ကိုလိုနီအစိုးရရဲ့ မြို့တော်ဖြစ်ခဲ့တာကြောင့်ပါ။ တခြားဒေသကလူတွေ ဘယ်လောက်ပဲ ပညာတတ်တတ် အောက်ပြည်မှာ မနေဘူးဆိုရင် အထူးသဖြင့်နိုင်ငံရေးမှာ အောက်သားတွေကို မယှဉ်နိုင်ခဲ့ပါဘူး။ ပညာတတ်တာခြင်းအတူတူ အောက်သားများက အုပ်ချုပ်ရေးဗဟိုဖြစ်တဲ့ အောက်အရပ်မှာပဲ ဆက်လက်အခြေစိုက် အလုပ်လုပ်ကြတာကြောင့် နိုင်ငံတကာနဲ့ပိုပြီးထိတွေ့ရပါတယ်။ မျက်စေ့အမြင် ပိုကျယ်ပါတယ်။ သတင်းစာ အပါအဝင် စာပေနဲ့ တခြားသော အနုပညာ လုပ်ငန်းအများစုဟာလည်း သဘာဝအရ ရန်ကုန်မှာပဲ အခြေစိုက်ပါတယ်။ ပြောရရင် အောက်အရပ်ဟာ တခြားသောဒေသများနဲ့ နိုင်းယှဉ်မယ်ဆိုရင် အခုကာလအထိ အကောင်းတွေ အညွှန့်တွေ စုနေတဲ့နေရာလို့ ပြောလို့ ရပါသေးတယ်။ နိုင်ငံရေးအရ ပြောရရင် လူတော်တွေ ကျော်ကြားသူတွေ လူသိများသူတွေ စုဝေးနေတဲ့ ဒေသတခုလို့လည်း ဆိုနိုင်ပါသေးတယ်။
အဲတာကြောင့် မြန်မာတွေကို တပြည်နယ်ထဲလုပ်မယ်လို့ ဆိုတော့ အထက်သားတွေဖက်က ချက်ခြင်းတုံ့ပြန်မှုက အထက်မှာ ပြောခဲ့သလို ဖြစ်သွားပါတယ်။ မြန်မာအချင်းချင်းတောင် အောက်သားအုပ်ချုပ်မှာကို အထက်သားက မကြိုက်နိုင်ဘူးဆိုတာ ဖုံးကွယ်ရမယ့် ကိစ္စမဟုတ်တာကို မြင်ရပါတယ်။ ဘာကြောင့်လဲဆိုတော့ အထက်သားကလည်း အထက်ဒေသရဲ့ ဝိသေသ လက္ခဏာနဲ့ နေလိုတာကြောင့်ပါ။ သူတို့ဒေသကို သူတို့ပဲ စီမံခန့်ခွဲအုပ်ချုပ်လိုပါတယ်။
ကျနော်တို့ လူလားမြောက်ခဲ့တဲ့ ကာလများအရ ယေဘူယျပြောရရင် မကွေးကနေ မန္တလေးကို ဖြတ်ပြီး မြစ်ကြီးနားအထိ အဲဒီတကြောကလူတွေဟာ သူတို့ကိုယ်သူတို့ အထက်သားလို့ သတ်မှတ်ကြပါတယ်။ မန္တလေးတိုင်းနဲ့ ကချင်ပြည်နယ် ဘောလုံးကန်ရင် သူ့ဖက်ကိုယ့်ဖက် သဲသဲမဲမဲ အပြိုင်အားပေးကြပေမယ့် မန္တလေးတိုင်းက ရန်ကုန်နဲ့ဖြစ်ဖြစ်၊ ပဲခူးတိုင်းနဲ့ဖြစ်ဖြစ်၊ ဧရာဝတီတိုင်းနဲ့ ဖြစ်ဖြစ် ကန်ကြပြီဆိုရင်တော့ စောစောက အထက်သားများအားလုံးဟာ မန္တလေးတိုင်း ဘောလုံးအသင်းရဲ့ လူတွေပရိတ်သတ်တွေ ဖြစ်ကုန်ပါတယ်။ ဘာဖြစ်လို့တုန်းဆိုတော့ မန္တလေးဆိုတာ ရိုးရာအစဉ်အလာ အရ၊ ကူးသန်းသွားလာ ဆက်ဆံမှုအရ အထက်ပိုင်းဒေသရဲ့ ထီးရိပ်ကြီးလို့ လူတွေက မှတ်ယူခဲ့တာကြောင့်လို့ ဆိုနိုင်ပါတယ်။ ချင်းပြည်နယ်နဲ့ ရှမ်းပြည်နယ်မြောက်ပိုင်းက လူတွေဆိုရင်လည်း အတော်များများဟာ သူတို့ကိုယ်သူတို့ အထက်သားလို့ မှတ်ယူကြပါတယ်။
မြန်မာတိုင်းရင်းသားများအတွက် တပြည်နယ်သတ်သတ်မှတ်မှတ် ထားမယ်ဆိုရင် ပထဝီအနေအထားအရ ဘယ်လို သတ်မှတ်မှာလဲ၊ သို့မဟုတ် ဒေသတခုကို မြန်မာပြည်နယ်ဆိုပြီး နာမည်တပ်လိုက်မှာလား။ အတော်ခက်ခဲပါတယ်။ နောက်တချက်က အထက်သားတွေက အောက်သားတွေ အုပ်ချုပ်မှာကို မကြိုက်သလို အထက်သားချင်း အတူတူတောင် စစ်ကိုင်းတိုင်းက မြန်မာက မန္တလေးတိုင်းကမြန်မာရဲ့ အုပ်ချုပ်ခံအဖြစ် မနေလိုပါဘူး။ ဒါတွေဟာ မြန်မာအပါအဝင် တိုင်းရင်းသား နိုင်ငံရေးခေါင်းဆောင် တချို့ ဂရုမစိုက်မိတဲ့ အချက်တွေပါ။ ဒါ့အပြင် စစ်ကိုင်းတိုင်း၊ မန္တလေးတိုင်း တွေအတွင်းမှာ မြန်မာလူမျိုးတွေချည်းပဲ နေထိုင်ကြတာ မဟုတ်ဘူး ဆိုတာကိုလည်း ထည့်သွင်းစဉ်းစားဖို့လိုပါတယ်။ နောက်ပြီး ထားဝယ်၊ မြိတ်စတဲ့ ဒေသတွေကို ဘယ်လိုသတ်မှတ်မှာလဲ။ မြန်မာအနွယ်လို့ သတ်မှတ်မှာလား၊ မတူကွဲပြားတဲ့ တိုင်းရင်းသား အုပ်စုများလို့ သတ်မှတ်မှာလား။ မြန်မာကို တပြည်နယ်ထဲ သတ်မှတ်မယ်ဆိုရင် ကရင်ပြည်နယ်နဲ့ မွန်ပြည်နယ်ကိုကျော်ပြီး အဲဒီ ထားဝယ်နဲ့မြိတ်ဒေသကို မြန်မာပြည်နယ်အတွင်း ဘယ်လို့ ပိုင်းစိတ်ပြီး ထည့်သွင်းမှာလဲ။ တခါ ထားဝယ်နဲ့မြိတ်ဒေသကို မြန်မာဒေသလို့ သတ်မှတ်ခဲ့ရင် အဲဒီဒေသမှာ ကရင်၊ မွန်စတဲ့ တိုင်းရင်းသားတွေလည်း အများအပြား နေထိုင်ကြတယ် ဆိုတာကို မေ့မထားဖို့ လိုလာပြန်ပါတယ်။
အခုတင်ပြနေတာက မတူတာတွေ ရှိနေတယ်ဆိုတာကို ထောက်ပြလိုရင်းပါ။ သွေးကွဲတဲ့စကား သွေးခွဲတဲ့စကားကို ပြောခြင်းမဟုတ်ပါ။ လက်တွေ့တည်ရှိနေတဲ့ မျက်မြင်အခြေအနေတွေကို ပစ်ပယ်ပြီး ဆောင်ရွက်လို့ ရနိုင်မရနိုင် ဆိုတာကို စဉ်းစားနိုင်ဖို့ ဖြစ်ပါတယ်။ မြန်မာကို တပြည်နယ်ထဲ သတ်မှတ်မယ်ဆိုရင် ဧရာဝတီတိုင်းလို မြန်မာ၊ ကရင်အပါအဝင် လူမျိုးပေါင်းစုံ ရောယှက်နေတဲ့ ဒေသမျိုးကိုကော ဘယ်လို စဉ်းစားကြမလဲ။ လူမျိုးနာမည်ကို အခြေခံတဲ့ ပြည်နယ် သက်သက်တွေပဲ သတ်မှတ်ကြမှာလား။ ပထဝီအနေအထားနဲ့ ဖြစ်တည်လာခဲ့တဲ့ ယဉ်ကျေးမှု လူမှုပေါင်းစည်းမှုအရ သတ်မှတ်ထားတဲ့ ပြည်နယ်မျိုးတွေကော အနာဂတ် ဖက်ဒရယ်ပြည်ထောင်စု အတွင်းမှာ မရှိထိုက်ဘူးလား။
နိုင်ငံတကာက ဖက်ဒရယ်စနစ်တွေ ဖက်ဒရယ်ပြည်နယ်တွေကိုလည်း လေ့လာဖို့ လိုအပ်တယ်လို့ အကြံပေးလိုပါတယ်။ ဥပမာ အမေရိကန် ပြည်ထောင်စုမှာ လူမျိုးနာမည်ကို အခြေခံတဲ့ ပြည်နယ်တခုမှ မရှိပါ။ အဲသလို ဆိုလိုက်လို့ မြန်မာပြည်မှာလည်း မရှိရဘူးလို့ ဆိုလိုတာ မဟုတ်ပါ။ အလျှော့အတင်းတွေ၊ အလိုအပိုတွေကို သင်ခန်းစာယူနိုင်အောင် ဖြစ်ပါတယ်။ ခေတ်အဆက်ဆက်က တိုင်းနဲ့ပြည်နယ်ဆိုပြီး ခွဲထုတ်ထားတာကြောင့် တိုင်းအဆင့်က ပြည်နယ်ဆိုတဲ့ အဆင့်ထက် မြင့်သယောင်ယောင် ဖြစ်အောင် လုပ်ထားခဲ့ပါတယ်။ အမှန်ဖြစ်သင့်တာက ပြည်နယ်ဆိုရင်လည်း အားလုံးပြည်နယ်ပေါ့။ တိုင်းဆိုရင်လည်း အားလုံးတိုင်းပေါ့။ အမေရိကန်မှာလည်း ဒေသအားလုံးကို ပြည်နယ် သို့မဟုတ် State လို့သတ်မှတ်ထားတာ အားလုံးအသိပါ။ တိုင်းနဲ့ပြည်နယ်လို့ ခွဲခြားမထားပါ။ တရုတ်မှာ ဆိုရင်လည်း ပြည်နယ်တွေကို Province ဆိုပြီး တသမတ်ထဲ သတ်မှတ်ပါတယ်။ သူ့မှာလည်း တိုင်းနဲ့ပြည်နယ် ခွဲခြားတာမျိုး မရှိပါ။
မြန်မာတိုင်းရင်းသားများအတွက် မြန်မာပြည်နယ် တခုထဲပဲ ရှိရမယ်လို့ သတ်မှတ်မယ်ဆိုရင် လက်တွေ့အခြေအနေနဲ့ ကိုက်ညီပါ့မလား ဆိုတာကို အရင်ဆုံး အားလုံးဝိုင်းပြီး ဆွေးနွေးကြဖို့ လိုပါတယ်။ မြန်မာပြည်မှာ ဖြစ်တည်ခဲ့တဲ့ နိုင်ငံရေး ပြဿနာတွေကြောင့် တိုင်းရင်းသားများဖက်က မြန်မာတွေအပေါ်မှာ မယုံကြည်တဲ့ အပိုင်းတွေ ရှိနေတာဟာ လက်တွေ့ကိစ္စပါ။ ဒါကို မျက်ကွယ်ပြုလို့မရပါဘူး။ အဲသလို အခြေအနေမှာ မြန်မာတွေက တိုင်းခုနှစ်တိုင်းမှာ ရှိတယ်ဆိုတော့ နိုင်ငံတော်အတွက် အရေးကြီးတဲ့ ဆုံးဖြတ်ချက်တွေကို ချမှတ်မယ်ဆိုရင် တိုင်းရင်းသားတစုစီက တမဲပဲ ပေးနိုင်ပေမယ့် မြန်မာတွေဖက်က မဲအားဖြင့် ခုနှစ်မဲ ဖြစ်နေလိမ့်မယ်။ ဒါဆိုရင် တိုင်းပြည်ကို စီမံအုပ်ချုပ်တဲ့နေရာမှာ မြန်မာတွေဖက်က အမြဲတန်းအသာစီးရနေလိမ့်မယ် ဆိုတဲ့ စိုးရိမ်ချက်တွေ ရှိပါတယ်။ ဒီစိုးရိမ်ချက်ကြောင့် မြန်မာဆိုတဲ့ တိုင်းရင်းသားတွေလည်း တပြည်နယ်ပဲ ရှိသင့်တယ်ဆိုတဲ့ အမြင်အယူအဆ ပေါ်ပေါက်လာရပါတယ်။
မြန်မာတိုင်းရင်းသားတွေ တပြည်နယ်ထဲသာ ရှိသင့်တယ် မရှိသင့်ဘူး ဆိုတာကို ငြင်းခုန်နေတာနဲ့ ၂ဝဝ၈ ဖွဲ့စည်းပုံ ပြင်ဆင်ဖို့ ကိစ္စတွေ နောက်ရောက်သွားမှာကို စိုးရိမ်မိပါတယ်။ ၂ဝဝ၈ ဖွဲ့စည်းပုံကို မပြင်ဆင်နိုင်သေးဘူးဆိုရင် ဒီမိုကရက်တစ် ဖက်ဒရယ် နိုင်ငံဖြစ်လာဖို့ ဝေးနေဦးမှာပါ။ နိုင်ငံတခုအတွင်းမှာ လူမျိုးအုပ်စုတွေရဲ့ အစုအဝေးလိုက် အခွင့်အရေးတည်ရှိဖို့ အရေးကြီး ပါတယ်။ သို့သော် ဘယ်လူမျိုးဖြစ်ဖြစ် ဘယ်ဘာသာပဲ ကိုးကွယ်သူဖြစ်ဖြစ် နိုင်ငံသားတဦးချင်းရဲ့ အခြေခံ ရပိုင်ခွင့်တွေကို အာမမခံနိုင် သေးဘူးဆိုရင် ရှေ့ဆက်ဖို့ ခက်ပါလိမ့်မယ်။ ပိုဆိုးတာက ၂ဝဝ၈ ဖွဲ့စည်းပုံကို မပြင်ဆင်နိုင်သရွေ့ ရွေးချယ်ခံအရပ်သား အစိုးရဟာ ပြည်ထောင်စု (ဗဟို) အဆင့်မှာပဲ ဖြစ်ဖြစ် ပြည်နယ်နဲ့တိုင်းအဆင့်မှာပဲ ဖြစ်ဖြစ် တပ်မတော်အပါအဝင် လက်နက်ကိုင်ထားတဲ့ အုပ်စုတွေရဲ့ မျက်နှာကိုကြည့်ပြီးမှ အလုပ်လုပ်ရတဲ့ ဘဝကိုရောက်နေပါလိမ့်မယ်။ အဲသလိုသာ ဖြစ်လာခဲ့ရင် မြန်မာပြည်ဟာ စစ်ဘုရင်ဝါဒနဲ့ အရပ်သား အစိုးရနှစ်ရပ်အုပ်ချုပ်နေတဲ့ အခြေအနေကို ဆိုက်ရောက်သွားမှာပါ။ ဒီမိုကရေစီလို့ဆိုပေမယ့် One country Two syatems စနစ်နှစ်မျိုးနဲ့အုပ်ချုပ်နေတဲ့နိုင်ငံတခု သဖွယ် ဖြစ်သွားနိုင်ပါတယ်။ အချုပ်ပြောရရင် မြန်မာတိုင်းရင်းသားများ အတွက် မြန်မာပြည်နယ်တခုသာ တည်ရှိဖို့ ဆိုတဲ့ ကိစ္စကို အားလုံးအနေနဲ့ စိတ်မဆိုးအမျက်မသိုဘဲ ကျယ်ကျယ်ပြန့်ပြန့် ပွင့်ပွင့်လင်းလင်း ဆွေးနွေးကြဖို့ အကြံပြုလိုပါကြောင်း။
ဇော်မင်း
၂ဝ ရက်၊ ဇန်နဝါရီလ၊ ၂ဝ၁၆ ခုနှစ်
No comments:
Post a Comment