အပြစ်တွေပုံချနေယုံနဲ့မပြီး

ဧ
ရာဝတီအွန်လိုင်းမှ ဆောင်းပါးရှင် ကျော်စွာမိုးရဲ့ “မညီညွတ်မှုများကြောင့် ပေးဆပ်ရသည့် အဖိုးအခများ” ဆိုတဲ့ ဆောင်းပါးကို ဖတ်လိုက်ရပါတယ်။ အဲသည့် ဆောင်းပါးမှာ ဆောင်းပါးရှင်က ၁၉၈၈ ဒီမိုကရေစီလှုပ်ရှားမှုမှာ ပါဝင်ခဲ့သူ အချို့နဲ့ တွေ့ဆုံ မေးမြန်းပြီး မြန်မာ့ဒီမိုကရေစီ အရေးဟာ ဘာ့ကြောင့် အခုအထိ အောင်ပွဲမရသေးတာလဲ ဆိုတာကို တင်ပြထားပါတယ်။ မေးခွန်း အမေးခံရတဲ့ လူပုဂ္ဂိုလ်တွေရဲ့ တူညီတဲ့ အဖြေကတော့ ခေါင်းဆောင်များအကြား ညီညွတ်မှုကို မတည်ဆောက်နိုင်ခဲ့လို့ အောင်ပွဲမရခဲ့တာလို့ ဆိုပါတယ်။

မှန်ပါတယ်။ မမှားနိုင်တဲ့ အဖြေကို ပေးလိုက်ခြင်းဖြစ်တယ်လို့လည်း ဆိုရမှာပါ။ သို့သော် အဲသလောက် အဖြေပေးရုံနဲ့ လုံလောက်ပြီလား ဆိုတာကိုလည်း အဖြေပေးတဲ့သူတွေကို တဖက်မှာ ဂဃနဏ ပြန်မေးဖို့ လိုမယ်လို့ ယူဆမိပါတယ်။

နိုင်ငံရေးသမိုင်းမှာ ဖြစ်တည်ခဲ့တာတွေ၊ ပြောင်းလဲခဲ့တာတွေ၊ မပြောင်းလဲပဲ ရှိနေသေးတာတွေ၊ ကြန့်ကြာနေတဲ့ ကိစ္စ တွေကို အကဲခပ်တဲ့နေရာမှာ တတ်နိုင်သမျှ သင်ခန်းစာ ထုတ်နုတ်နိုင်အောင် တနည်းပြောရရင် အကျိုးရှိစေတဲ့ ချဉ်းကပ်မှုမျိုး တွေကနေတဆင့် ပြောဆို၊ ဝေဖန်၊ ထောက်ပြဖို့လိုပါတယ်။ သူတို့ကြောင့်၊ ဟိုလူတွေကြောင့်၊ ဒီခေါင်းဆောင် တွေကြောင့် ဆိုပြီး ခပ်လွယ်လွယ် အပြစ်ပုံချလိုက်ရုံနဲ့ မပြီးပါဖူး။ အဲတာအပြင် အဲသလို အပြစ်ပုံချလိုက်တာ ကိုက နောင်မှာ ထပ်ပြီး စိတ်ဝမ်း ကွဲဖို့ တွန်းအားကို ဖြစ်စေနိုင်ပါတယ်။

ဒေါ်အောင်ဆန်းစုကြည်၊ ဦးအောင်ကြီး၊ ဦးနုတို့သာ အဲသည့်အချိန်တုံးက ကိုယ့်လမ်းကိုယ်မသွားဘဲ ညီညွတ်ခဲ့ရင် မြန်မာပြည်ရဲ့ ဇတ်လမ်းက တမျိုးတဖုံ ဖြစ်သွားခဲ့နိုင်တယ်လို့ မြန်မာ့အရေးလေ့လာသုံးသပ်သူ ကိုအောင်နိုင်ဦးက ဆို ထားပါတယ်။ ဒါပေမဲ့ ဇတ်လမ်းက ဘယ်လို တမျိုးတဖုံ ဖြစ်သွားနိုင်တယ် ဆိုတာကိုတော့ သူအနေနဲ့ ဆက်ပြီးရှင်း လင်းပြောဆိုထားခြင်း မရှိပါဖူး။ ဥပမာ အနေနဲ့ပြန်မေးခွန်း ထုတ်ရမယ်ဆိုရင် ခေါင်းဆောင်သုံးဦးသာ ညီညွတ်ခဲ့ရင်၊

၁။ နိုင်ငံစုံ (သို့မဟုတ်) အမေရိကန်တပ်တွေ ဝင်လာပြီးကူညီမှာကို ရည်စူးပြောတာလား။ အဲသည့်ကာလတုံးက မြန်မာ့ ရေပိုင် နက် အနီးအနားမှာ အမှတ် (၇) အမေရိကန်ရေတပ် ရောက်နေတယ်လို့ သတင်းများကလည်း ဖြစ်နေခဲ့ပါတယ်။
၂။ မြန်မာ့တပ်မတော်ကြီး တခုလုံးက ခေါင်းဆောင်သုံးဦး နောက်ကို အလုံးအရင်းလိုက် ပြိုဆင်းပြီးပါလာမှာကို ဆိုလို တာလား။
၃။ သို့မဟုတ် စစ်တပ်က ဦးနေဝင်းအပါအဝင် မဆလခေါင်းဆောင်များရဲ့ ဦးဆောင်မှုကို လစ်လျှူရှု့လိုက်ပြီး ကြားနေ ပေါ်လစီ ကိုကိုင်စွဲကာ ဒီမိုကရေစီ ဖေါ်ဆောင်မှုကို မနှောက်ယှက်ဘဲ နေပေးမှာကို ဆိုလိုတာလား။

တဖက်က ကြည့်ပြန်ရင်လည်း ညီညွတ်ရေး ဆိုတာကို အဲသည့်တုံးက ရှစ်လေးလုံးကို ဦးဆောင်ခဲ့တဲ့ ကျောင်းသား ခေါင်းဆောင်များနဲ့ ကျောင်းသားလူငယ်ထု အကြားမှာကော သဘောပေါက်ကြရဲ့လား ဆိုတာ ပြန်ငဲ့စောင်းကြည့်ဖို့လည်း လိုပါတယ်။ အင်တာဗျူးခံရတဲ့ လူပုဂ္ဂိုလ်များလည်း အဲသည့်အချိန်တုံးက ကျောင်းသားတွေပါ။ ကျောင်းသားများလည်း အုပ်စုတွေ ကွဲနေခဲ့တာ အထင်အရှားပါ။ နောက်တချက်ကလည်း အဲသည့် ကျောင်းသားခေါင်းဆောင်များ နိုင်ငံရေးကို အဲသည်တုံးက ဘယ်လိုနားလည်သလဲဆိုတာ ပြန်သုံးသပ်ဖို့ လိုပါတယ်။ ထိုစဉ် ကာလက ဒေါ်စု၊ ဦးနု၊ ဦးအောင်ကြီးတို့နဲ့ တန်းတူအရေးပါတဲ့ သူများကလည်း တခြားသူများ မဟုတ်ပါ။ တိုင်းပြည်အနှံ့အပြားက ကျောင်းသားခေါင်းဆောင်များနဲ့ သူတို့ရဲ့ ကျောင်းသားအဖွဲ့အစည်းများ ဖြစ်ကြပါတယ်။

ဦးနုက ကျွန်ုပ်သာလျှင် တရားဝင် ဝန်ကြီးချုပ်ဖြစ်တယ်လို့ ကြေငြာတော့ အဲသည့်ကျောင်းသားခေါင်းဆောင် အများစု နဲ့ ကျောင်းသားအဖွဲ့အစည်းများက ဦးနုဟာ အသက်ကြီးမှ အာဏာရူးတယ်။ ကျောင်းသားတွေက လှုပ်ရှားမှုကို အသက် စွန့်ပြီး လုပ်ခဲ့တာအပေါ်မှာ အမြတ်ထုတ်တယ်။ ကျောင်းသားတွေရဲ့ အရိုးပုံပေါ်မှာ တက်ထိုင်တယ်လို့ ကက်ကက်လန် အောင် စွပ်စွဲခဲ့တာကိုလည်း အဲသည့်တုံးက ကျောင်းသားဖြစ်ခဲ့သူတိုင်း မမေ့ဖို့လိုပါတယ်။ ဥပဒေကြောင်းအရ ပြောရရင် ဦးနုလုပ်တာ မှားတယ်လို့ ပြောလို့မရပါ။ ဗိုလ်ချုပ်နေဝင်းက သေနတ်ထောက်ပြီး လူထုက ရွေးကောက် တင်မြှောက် ထားတဲ့ အစိုးရကို ဖြုတ်ချခဲ့တာ ဖြစ်ပါတယ်။ ပြောရမယ်ဆိုရင် ဦးနုမှာ တရားဝင်မှု ရှိနေပါသေးတယ်။

ဦးနု အဲသလို နိုင်ငံရေးကျားကွက်ရွှေ့တာကို ကျောင်းသားလူငယ်အများစုက နားမလည်သလို လက်လည်းမခံ ခဲ့ကြပါဘူး။ ကျောင်းသားက ခေတ်ကောင်းပြီး တန်ခိုးကြီးနေတော့ ကျောင်းသားခေါင်းဆောင်တွေ လက်မခံတဲ့ ကိစ္စကို ကျန်တဲ့ နိုင်ငံရေးသမားကြီး အတော်များများကလည်း လက်ခံသဘောတူဖို့ အဆင်သင့် မဖြစ်ဖူးလို့ ယူဆနိုင်ပါတယ်။ သို့မဟုတ် ပါကလည်း ဦးနုအပေါ်မှာ အရင်ကရှိခဲ့တဲ့ နိုင်ငံရေးကျောင်းတော်က ရန်စတွေကြောင့် သဘောမတူတာလည်း ဖြစ်ကောင်း ဖြစ်နိုင်ပါတယ်။

သို့သော်လည်း အခုလို အနှစ်(၂ဝ) ကြာမှ ဦးနု အဲသည်တုံးက လုပ်ခဲ့တဲ့ နိုင်ငံရေးကစားကွက်ဟာ လုပ်သင့်တဲ့ က စားကွက်လို့ ၁၉၈၈ ကျောင်းသားမျိုးဆက်တွေနဲ့ ကျောင်းသားခေါင်းဆောင်ဟောင်း အတော်များများက အပြင်စကားဝိုင်း တွေမှာ ဝန်ခံကြပါတယ်။ နေရာ အဆင့်ဆင့်မှာ လူငယ်ကျောင်းသားခေါင်းဆောင် ဖြစ်ခဲ့တဲ့သူများ အနေနဲ့ ကိုယ်ကိုယ်တိုင် အားနည်း ခဲ့တာကိုလည်း ပြန်ဆင်ခြင်သုံးသပ်ဖို့ လိုပါတယ်။ တဦးနဲ့တဦး အပြစ်တင် လက်ညှိုး ထိုးတာတွေကို ရပ်ဆိုင်းသင့်ပါပြီ။ လူတိုင်း အမှားနဲ့မကင်းကြပါ။

အင်္ဂလိပ်ဝန်ကြီးချုပ်ဖြစ်ခဲ့တဲ့ ဝင်စတန်ချာချီက သူရဲ့ Road to Victory ဆိုတဲ့ စာအုပ်ထဲမှာ အခုလို ပြောခဲ့ဖူးပါတယ်။ “အောင်ပွဲဆိုတာ လွယ်လွယ်နဲ့ရလေ့မရှိတာ သဘာဝပါ။ မတော်တဆဖြစ်မှု တွေကလည်းရှိ။ ဒီကြားထဲ အမှားမှား အယွင်းယွင်း လုပ်မိတာတွေလည်း ရှိပါတယ်။ တခါတရံမှာလည်း အရင်ကအမှန်လို့ သတ်မှတ်ထားတာတွေက အခုမှားနေတတ်ပြီး၊ အရင်က မှားတယ်လို့ ထင်နေတာတွေက အခုမှန်နေတတ်တဲ့ အခြေအနေ မျိုးတွေကိုလည်း ကြုံရလေ့ရှိပါတယ်။ စစ်တပွဲနွှဲ ရတယ် ဆိုတာ အလွန်ခက်ခဲပါတယ်။ အထူးသဖြင့် တိုက်ပွဲထဲမှာ ကိုယ်တိုင်ဆင် နွှဲနေရတဲ့ သူတွေအဖို့ ပိုလို့အခက်အခဲတွေနဲ့ ရင်ဆိုင်ရပါတယ်။ ”

ဆိုလိုတာကတော့ ကိုယ်ဖြစ်ချင်တဲ့တိုင်း ကိုယ်လိုချင်တဲ့အတိုင်း ကိုယ်တွက်ထားတဲ့အတိုင်း အောင်ပွဲလမ်းကြောင်း ပေါ်ရောက် ချင်မှ ရောက်ပါလိမ့်မယ်။ ကိုယ်မထင်ထားတဲ့ ကိုယ်တွက်ချက်မထားတဲ့ အခြေအနေနဲ့ အောင်ပွဲလမ်း ကြောင်းပေါ်ကို ရောက် သွားတာလည်း ရှိတတ်ပါတယ်လို့ ဆိုလိုခြင်တာဖြစ်ပါတယ်။ Win-Win Situation “သူလည်း မနာ ကိုယ်လည်းမနာဆိုတဲ့ အခြေအနေမျိုး”၊ End Game လို့ပြောနေကြတဲ့ အဆုံးသတ်အဖြေ ရောက်ဖို့ တွက်ချက်မှုတို့ဆိုတာ ဖြစ်စေချင်တဲ့သူတွေဖက်က တွက်ချက်တာပါ။ ဒါပေမဲ့ ကိုယ်တွက်သလို ဖြစ်ချင်မှလည်း ဖြစ်လိမ့်မယ်ဆိုတာကိုလည်း တဖက်မှာ ကြိုနားလည်ထားဖို့ လိုပါတယ်။

လွတ်မြောက်ရေးအတွက် တိုက်ပွဲဝင်ခဲ့ရတဲ့ နိုင်ငံတွေမှာ အောင်ပွဲရတဲ့ အခါကျမှသာ ဘာကြောင့် အောင်ပွဲရခဲ့တယ် ဆိုတာကို ပြန်တွက်ချက်ကြရပါတယ်။ နိုင်ငံတခု ဖိနှိပ်အုပ်စိုးသူအောက်က လွတ်ဖို့ (သို့မဟုတ်) ရလဒ်ကောင်းတဲ့ အသွင်ကူးပြောင်းမှု တခုဆီသို့ ဦးတည်နိုင်မှုတို့အတွက် ဘယ်ဖော်မြူလာကိုသုံးရင် အောင်မြင်မယ်လို့ အတိအကျ ကြိုပြီး တွက်ဖို့ အလွန်ခက်ပါ တယ်။ စနစ်တကျ ဝေဖန်ထောက်ရှုပြတာမျိုးကို ကြိုဆိုရမှာပါ။ သို့သော် အောင်ပွဲမရ သေးခင် (သို့မဟုတ်) အောင်ပွဲမရသေးလို့ အပြစ်တင်တာကတော့ တဖက်သတ် ဆန်လွန်းပါတယ်။

အရှေ့ဥရောပ နိုင်ငံတွေမှာ ဒီမိုကရေစီအသွင် ကူးပြောင်းခဲ့တာ ဘာလင်တံတိုင်းကြီး ပြိုခဲ့တဲ့ ၁၉၈၉ ကာလကစရမှာ ဖြစ်ပါ တယ်။ ဘာလင်တံတိုင်းကြီး ပြိုခဲ့တာမှာလည်း အရှေ့အနောက်ဂျာမန်ပြည်သူတွေရဲ့ လှုပ်ရှားမှုတွေကြောင့် ဖြစ် သလို ဆိုဗီယက်ခေါင်းဆောင် ဂေါ်ဘာချော့ ကိုယ်တိုင် ပွင့်လင်းလွတ်လပ်တဲ့ လမ်းကြောင်းတံခါးကို ဖွင့်ပေးခဲ့လို့ဆို တာ မမေ့ဖို့ လိုပါတယ်။ သူတို့ဆီမှာ ဖြစ်ပျက်ကြုံတွေ့ရတာတွေနဲ့ ကျနော်တို့ မြန်မာနိုင်ငံရဲ့ အခြေအနေတွေ ဟာ ဘယ်လိုမှ မတူနိုင်ပါဖူး။ သူတို့ဆီမှာ ဖြစ်ပျက်ခဲ့တဲ့Win-Win Situation သူလည်းမနာကိုယ်လည်းမနာ ဆိုတဲ့ အခြေအနေမျိုးက နှစ်ဖက်စလုံး သဘောတူညီတဲ့ အခါမျိုးမှာသာ အလုပ်ဖြစ်ပါတယ်။ တဖက်ဖက်က ဆန္ဒမရှိသေးဘူး ဆိုရင် “ဝင်းဝင်း” အခြေအနေရောက်ဖို့ ခက်ခဲနေဆဲပါ။

ကိုညိုအုန်းမြင့်ရဲ့ တင်ပြချက်တခုဖြစ်တဲ့ “ မြန်မာလူမျိုးအများစုက ရပ်တည်ချက် ပြင်းထန်တာမျိုးကို သဘောကျခဲ့ပြီး အပေး အယူလုပ်ရန် မလိုလားခဲ့ဟု ” ဆိုသော ကောက်ချက်ကို ဆွေးနွေးခြင်ပါတယ်။ ယနေ့ခေတ်ကြီးတွင် မိမိထင် မြင်ချက် တခုတည်းနှင့် ပြဿနာများကို မချဉ်းကပ်သင့်ပါ။ ကိုညိုအုန်းမြင့်အနေဖြင့် ရပ်တည်ချက်ပြင်းထန်သည့် လူအချို့နှင့် တွေ့ဆုံ ဘူး၍ ဤသို့ပြောဟန်ရှိသည်ဟု ယူဆပါတယ်။ မြန်မာလူမျိုးတွေက ရပ်တည်ချက်ပြင်းထန်တာကို သဘောကျ သည်ဟုဆိုလျှင် ဘယ်လိုရပ်တည်ချက် ပြင်းထန်ကြောင်း စစ်တမ်းကောက်သုတေသန လုပ်ထားသည့်အ ချက်များဖြင့် ကိုးကားပြောဖို့ လိုပါတယ်။

ဗိုလ်ချုပ်အောင်ဆန်းဟာ မြန်မာနိုင်ငံလွတ်လပ်ရေးအတွက် အင်္ဂလိပ်အစိုးရကို နည်းနာပေါင်းစုံသုံး၍ တိုက်ပွဲဝင်ခဲ့ တာ မမေ့ဖို့လိုပါတယ်။ အင်္ဂလိပ်များနှင့် တဖက်မှာဆွေးနွေးသလို တဖက်တွင်လည်း မရခဲ့ပါက ပြန်ချရန်အတွက် ပြင်ဆင် ထားခဲ့ တာလည်း ရှိနေပါတယ်။ နောက်ဆုံး ဆွေးနွေးခြင်းဖြင့် လွတ်လပ်ရေးကို ရယူခဲ့ခြင်းဖြစ်ပါတယ်။ ဗိုလ်ချုပ် အောင်ဆန်းသာ စစ်သွေးကြွနေခဲ့ပါက စစ်လက်ကျန်လက်နက်များကို အသုံးပြု၍ စစ်အတွေ့အကြုံ ရှိလာခဲ့ပြီဖြစ် သော ရဲဘော်များနှင့် အင်္ဂလိပ်ကို ပြန်၍တိုက်ခိုက်နိုင်ပါတယ်။ အင်္ဂလိပ်များနှင့် လေကုန်ခံ၍ ဆွေးနွေးရန်မလိုပါ။ အောင်ဆန်း အက်တလီ စာချုပ် ဆိုတာလည်း ပေါ်လာခဲ့မည်မဟုတ်ပါ။ အင်္ဂလိပ်များ အားထားသော အိန္ဒိယတပ် များလည်း ထိုအချိန်က ဝန်ကြီးချုပ်နေရူး၏ သဘောတူညီချက် မပါဘဲ မြန်မာပြည်စစ် မျက်နှာအတွက် အသုံးပြု၍ မရတော့ပါ။

တကယ်တန်းဆိုရပါက ရပ်တည်ချက်ပြင်းထန်သူများမှာ မြန်မာပြည်သူများမဟုတ်။ စစ်အစိုးရ ခေါင်းဆောင်ပိုင်းသာ ဖြစ်တယ် ဆိုတာ အခုအထိ ကွက်ကွက်ကွင်းကွင်း မြင်နေရဆဲပါ။ သက်သေတခု ထုတ်ပြချင်ပါတယ်။

ပြီးခဲ့သည့် ရက်ပိုင်းအတွင်းက နအဖဝန်ကြီး အောင်သောင်း၏ မိန့်ခွန်းထဲတွင် “ဘဏ္ဍာရေးလုပ်ငန်းဆိုတာ လေးတန်း အောင်လည်း လုပ်လို့ရတယ်။ မြန်မာနိုင်ငံမှာ ဆည်တွေတည်ဆောက်သွားခဲ့တဲ့ အနော်ရထာဘုရင်ဟာ ဘယ် တက္ကသိုလ်မှ မတက်ဖူးဘူး ” ဆိုသည့် စကားကို ပြန်လေ့လာကြည့်ပါ။ အဲသလို လူမျိုးတွေသာလျှင် ရပ်တည်ချက် ပြင်းထန်သူများ ဖြစ်ပါတယ်။ မြန်မာလူမျိုး တစုံလုံးနှင့် မဆိုင်ပါ။ ထိုလူစားမျိုးများသည် ဘယ်လိုလုပ်၍ “ ဝင်းဝင်း ” အခြေအနေကို လက်ခံပါ့မည်နည်း။ Winer takes all। နိုင်သူအကုန်ယူစတမ်း ဆိုသည့် စစ်တပ်နောက်ခံ ထားသည့် လူစားမျိုးတွေ ဖြစ်နေတာကို မမေ့အပ်ပါ။

တဖန် ကိုအောင်နိုင်ဦး အဆိုပြုထားသည့် အချက်တချက် ရှိပါတယ်။ အမျိုးသားဒီမိုကရေစီအဖွဲ့ချုပ်ဟာ တွေ့ဆုံဆွေး နွေးရေး ဆိုတာတွေကို အခုအချိန်မှာ ပြောမနေတော့ဘဲ အာဏာကို ဘယ်လိုခွဲဝေယူမလဲဆိုတာ ပြတ်ပြတ်သားသား ကမ်းလှမ်းဖို့ လိုပါတယ်ဟု ဆိုသည့် ကိစ္စဖြစ်ပါတယ်။ အကယ်၍ အဖွဲ့ချုပ်က အာဏာအတွက် သူတို့အနိမ့်ဖက်က နေ၍ ကမ်းလှမ်းဦးတော့ စစ်အစိုးရက သဘောတူမည်ဟု ထင်ပါသလား။ ပြောတာတော့ အကြံပေးတာကတော့ လွယ်ပါတယ်။ အကြံပေးသူက သူ့အကြံ အလုပ်မဖြစ်၍ အလျှော်ပြန်ပေးရတယ် ဆိုတာမျိုး မရှိပါ။

နောက်တချက်ကလည်း စစ်အစိုးရအနေနဲ့ သူတို့ရဲ့ ဖွဲ့စည်းပုံအခြေခံဥပဒေကြီးကို ဇွတ်အတင်း အတည်ပြုထားပြီး ဖြစ်တယ် ဆိုတာကို မမေ့ဖို့လိုပါတယ်။ ဘယ်သူနဲ့မှ အပေးအယူ မလုပ်ခြင်လို့ ဒီလမ်းကြောင်းကို သွားနေတာဖြစ် ပါတယ်။

ညီညွတ်ရေးဆိုတာ လိုတာအမှန်ပါပဲ။ အာဖရိကစကားပုံ တခုရှိပါတယ်။ ပင့်ကူလေးများ ညီညွတ်သောအခါ ပင့်ကူ အိမ် အမြောက်အများ ထုနှင့်ထည်နှင့် ရက်လုပ်ပြီး ခြင်္သေ့ကြီးကို ပင့်ကူအိမ်အတွင်း လှဲချထောင်ဖမ်းနိုင်လိုက်တယ် ဆိုတဲ့ အကြောင်းဖြစ်ပါတယ်။ ဒီလိုအဆို ဒီလိုစကားမျိုးတွေဟာ လူတွေကို စိတ်ခွန်အားဖြစ်ဖို့ အတုယူစေလိုတဲ့ သဘောနဲ့ ရှေးလူများ ထားခဲ့တာ ဖြစ်ပါတယ်။ လက်တွေ့မှာ ညီညွတ်ရေးရဖို့ ဆောင်ရွက်ရတာ တကယ်မလွယ်ပါဖူး။

အခြားတိုင်းပြည်တွေမှာတော့ ဘယ်လိုရှိမလဲမသိပါ။ မြန်မာ့နိုင်ငံရေးသမိုင်း ဖြစ်စဉ်မှာတော့ လူတွေရဲ့ အသဲနှလုံးကို အောင်မြင်ထားတဲ့ ခေါင်းဆောင်များ ဦးဆောင်မှ ညီညွတ်ရေးကို ဆောင်ရွက်ရတာ ပိုမိုချောမွေ့စေပါတယ်။ သူလို ကိုယ်လို လူမျိုးက ဝင်ပြောတဲ့ ညီညွတ်ရေးဟာ လက်တွေ့မှာ အရာထင်ဖို့ အလွန့်အလွန် အခွင့် အရေးနည်းပါး ပါတယ်။ ဗိုလ်ချုပ် အောင်ဆန်းလို လူမျိုးက ညီညွတ်ရေးကို အတိုင်းအတာတခုအထိ တည်ဆောက်နိုင်ခဲ့ တာဟာ သူက အောင်ဆန်းဖြစ်နေလို့ပါ။ အောင်ဆန်းကို လူတွေကယုံကြည်ကိုးစားလို့ ဖြစ်ပါတယ်။

အဲတာကိုလည်း စစ်ဗိုလ်ချုပ်တွေက ကောင်းကောင်းသိနေတော့ အခုခေတ်မှာ ဒေါ်စုကိုထိန်းသိမ်းထားတယ်။ ဒါ့အပြင် အဆင့် အလိုက် နေရာအလိုက် အရေးပါတဲ့ လူကြည်ညိုတဲ့ ခေါင်းဆောင်များကိုလည်း ဖမ်းဆီးထားလိုက်ပါတယ်။ ညီညွတ်ရေး တည် ဆောက်ဖို့ အခွင့်အလမ်း နည်းသွားအောင် ပိတ်ဆို့လိုက်တာပါ။ တချိန်တည်းမှာလည်း နိုင်ငံရေး လုပ်ငန်းတွေ အားနည်းသွား အောင် ခြေမှုန်းတဲ့ သဘောလည်း သက်ရောက်သွားပါတယ်။

နောက်တချက်ကတော့ ညီညွတ်ရေးတခုထဲ သာမက အခြားလိုအပ်ချက်များကိုလည်း ဖြည့်တင်းနိုင်ဖို့လိုပါတယ်။
ထို့အတွက် လိုအပ်တဲ့ အရေအတွက်၊ လိုအပ်တဲ့ အရည်အချင်းများကို ဖြည့်တင်းနေဖို့ မပြတ်လိုပါတယ်။ အဲသလို ဖြည့်တင်း နိုင်တာတောင်မှ တပြိုင်တည်းမှာ လိုအပ်တဲ့အချိန်ကာလမှာ လိုအပ်သလို ဆောင်ရွက်နိုင်ဖို့ အခြေအနေ ပေးမပေး ဆိုတာ မျိုးကိုလည်း မေ့ထားလို့ မရပါဖူး။ ကိုယ့်ပြည်တွင်း အခြေအနေ၊ ဒေသတွင်း အခြေအနေနဲ့ ကမ္ဘာ့ အခြေအနေများ အားလုံး အကျုံးဝင်ပါတယ်။

ကိုအောင်နိုင်ဦးနဲ့ ကိုညိုအုန်းမြင့်တို့ နှစ်ဦးစလုံး တင်ပြကြတဲ့အခါမှာ တိုင်းပြည်ကောင်းစေချင်တဲ့ စိတ်စေတနာမျိုးနဲ့ ပြောတယ် ဆိုတာ ခန့်မှန်းလို့ ရပါတယ်။ သို့သော် သူတို့ကိုယ်တိုင်လည်း လွန်ခဲ့တဲ့ အနှစ် (၂ဝ) ကာလလောက်တုံးက အဲသလိုသိခဲ့ရင် နားလည်ခဲ့ရင် ခေါင်းဆောင်များကို အကြံကောင်းများ ပေးနိုင်ခဲ့မှာပါ။ ဒါတောင် ကာလအခြေအနေက သူတို့သိတဲ့အတိုင်း အကြံပေးဖို့ တင်ပြဖို့ အခွင့်သာဖို့လည်း လိုပါတယ်။ ဆိုလိုတာက အဲသည့်အချိန်မှာ ကိုယ်ပြောတဲ့ အတိုင်း ခေါင်းဆောင်တွေ လိုက်ပါဆောင်ရွက်မှာလား (သို့မဟုတ်) ကိုယ့်အကြံပေးမှုဟာ ခေါင်းဆောင်တွေအထိ ပေါက်ရောက်ဖို့ အခြေအနေက ပေးရဲ့လား ဆိုတာလည်း ထည့်တွက်ဖို့လိုပါတယ်။ ကိုယ်ပေးတဲ့ အကြံဟာ အဲ့သည့် အချိန်မှာ ဖြစ်ပေါ်နေတဲ့ အခြေအနေနဲ့ရော ကိုက်ရဲ့လား ဆိုတာလည်း သိဖို့လိုပါတယ်။

ဒါ့ကြောင့် အခုအချိန်ကြမှ အာဏာကိုခွဲ ဝေယူဖို့ ပြောရင် စစ်အစိုးရကိုယ်၌ကကော လက်ခံပါ့မလား ဆိုတာလည်း အလေး အနက် စဉ်းစားစရာပါ။

နောက်ဆုံးတချက်အနေနဲ့ အကြံပေးလိုတာက ကျနော်တို့ မြန်မာပြည်သား အားလုံးမှာ တိုင်းပြည်ကောင်းကျိုးအတွက် တာဝန် ရှိပါတယ်။ ငါက နိုင်ငံရေးအဖွဲ့အစည်းက မဟုတ်ဖူး။ ဒါ့ကြောင့် အနေသာကြီးလို့ မစဉ်းစားသင့်ပါဖူး။ ငါက လေ့လာသူသာ ဖြစ်တယ်၊ ငါကတော့ ဂျာနယ်လစ်ဖြစ်သာတယ်၊ ငါကတော့ အဲန်ဂျီအိုသာဖြစ်တယ်။ ဒါကြောင့် ငါတို့ ပြောသမျှ သင်းတို့ နားထောင် ပေရော့ ဆိုတဲ့ စိတ်ထားမျိုး မထားအပ်ပါ။

တကယ့်ညီညွတ်ရေးကို လိုလားတယ်ဆိုရင် ဘယ်တော့မှ အချိန်နှောင်းတယ် မရှိပါ။ ညီညွတ်ရေးကို အားဖြစ်စေတဲ့ ဝေဖန် သုံးသပ်မှုတွေ၊ အကြံပေးမှုတွေ၊ ခွဲခြမ်းစိတ်ဖြာမှုတွေကို စနစ်တကျနဲ့ မန်မာနကင်းကင်းနဲ့ ဆောင်ရွက်ပေးမယ် ဆိုရင် ကိုယ့်အသံကို လူတွေကတလေးတစားနဲ့ နားထောင်ကြမှာ ဖြစ်ပါတယ်။

ဇော်မင်း (လူ့ဘောင်သစ်)
၂၇၊ သြဂုတ်လ၊ ၂ဝဝ၈ ခုနှစ်