တရုတ် အိုလံပစ်ကို သပိတ်မှောက်ရန် လိုသည်။

အို
လံပစ်ပွဲတော် လက်ခံကျင်းပသည့် နိုင်ငံတိုင်း ထိုပွဲတော်အတွက် ဂုဏ်ယူကြသည်။ နိုင်ငံတခုတိုးတက်ခြင်း တည်ငြိမ်မှုရှိခြင်းကို ပြသရာရောက်သည့်အတွက်လည်း ဖြစ်သည်။ အိမ်ရှင်နိုင်ငံသားတို့အဖို့လည်း ပျော်ရွှင်ဖွယ်၊ ကြည်နူးဖွယ် ဖြစ်သည်။ ထိုနိုင်ငံသားတို့၏ ပျော်ရွှင်ခြင်းသည် အခြားနိုင်ငံများမှ နိုင်ငံသားတို့ဆီသို့လည်း ကူးစက် သင့်သည်။ သို့သော် ၂၀၀၈ ခုနှစ် တရုတ်နိုင်ငံတွင် ကျင်းပမည့် ကမ္ဘာ့အိုလံပစ် အားကစားပွဲတော်ကို သပိတ် မှောက်ရန် လိုနေသည်။ တရုတ်နိုင်ငံသားတို့၏ ဂုဏ်ယူနိုင်ခြင်းနှင့် ပျော်ရွှင်မှုတို့ကို ဖျက်လိုဖျက်ဆီး လုပ်လို၍ မဟုတ်။ သူတို့ အစိုးရ၏ လုပ်ပုံကိုင်ပုံများကို ထိုပြည်သူတို့ ပိုမိုသဘောပေါက်နားလည်လာစေရန်အတွက် အိုလံပစ်ကို သပိတ်မှောက်ရန် ဆော်အောခြင်းသာ ဖြစ်သည်။
တရုတ်အစိုးရသည် သူ၏ နိုင်ငံဖွံ့ဖြိုးတိုးတက်ရေးအတွက် ဖွံ့ဖြိုးတိုးတက်မှုနိမ့်ကျနေသေးသော နိုင်ငံငယ်များ အပေါ်မှ အခွင့်အရေးယူ အမြတ်ထုတ်နေသည်။ သူ၏ဓနကြွယ်ဝလာမှုအတွက် တစိုက်မတ်မတ် ဆောင်ရွက် နေသော်လည်း လိုက်နာကျင့်သုံးအပ်သည့် ကျင့်ဝတ်များကို စောင့်စည်းခြင်းမပြု။ သူ့နိုင်ငံအတွက် လိုအပ်နေ သည့် ရေနံမှအစပြု၍ အခြားသဘာဝအရင်းအမြစ်များကို ဖြည့်ဆီးရန်အတွက် ဖွံ့ဖြိုးမှုနိမ့်ကျဆဲဖြစ်သော နိုင်ငံ များမှ တင်သွင်းသည်။ ထိုသို့တင်သွင်းရင်းဖြင့် အပြန်အလှန်အားဖြင့် ထိုနိုင်ငံများသို့ လက်နက်ပစ္စည်းများ ပြန် လည်ရောင်းချပေးသည်။ ဖွံ့ဖြိုးမှု နိမ့်ကျနေဆဲဖြစ်သော နိုင်ငံအတော်များများမှာ အာဏာရှင်များ အုပ်ချုပ်မှု အောက်တွင် ရှိနေဆဲဖြစ်သည်ကို သတိချပ်သင့်သည်။ ဖိနှိပ်သူအာဏာရှင်များအား တရုတ်အစိုးရမှ သက်ဇိုးရှည် အောင် ပံ့ပိုးပေးနေသလို ဖြစ်နေသည်။

မြန်မာ စစ်အာဏာရှင်တို့အား တရုတ်အစိုးရမှ စစ်လက်နက်ပစ္စည်းနှင့် နည်းပညာများ ပံ့ပိုးပေးနေသည်မှာ နှစ်ပေါင်း မနည်းတော့။ ထိုလက်နက်များကို အသုံးပြု၍ တိုင်းသူပြည်သားများအား အာဏာရှင်တို့က ဖိနှိပ် သတ်ဖြတ်နေကြသည်။ အပြန်အလှန်အားဖြင့် မြန်မာစစ်အစိုးရက တရုတ်စီးပွားရေးကုမ္ပဏီများအား မြန်မာပြည် ထဲတွင် လုပ်ချင်သလို လုပ်ဖို့ အခွင့်အရေးပေးထားသည်။ တရုပ်ကုမ္ပဏီများ စည်းကမ်းမရှိ ခုတ်ချင်သလို ခုတ်ယူ သွားသောကြောင့် မြန်မာပြည်မြောက်ပိုင်းနှင့် အရှေ့မြောက်ပိုင်းတင် သစ်တောတွေ ကုန်လုနီးပါးဖြစ်နေသည်။ တဖန် ရခိုင်ကမ်းလွန် ပင်လယ်ပြင်မှ ထွက်လာမည့် သဘာဝဓါတ်ငွေ့ကို ၀ယ်ယူရန်အတွက် ပိုက်လိုင်းတည် ဆောက်ရမည်။ ထို့အတွက် သစ်တောများ ထပ်မံခုတ်ယူခြင်း ခံနေရပြန်သည်။

မြန်မာတနိုင်ငံတည်း ထိုအဖြစ်မျိုး ရင်ဆိုင်နေရသည်မဟုတ်ပါ။ အာဖရိကတိုက်တွင်လည်း နိုင်ငံတော်တော် များများ ဤနည်းနှင်နှင့် ရင်ဆိုင်နေရသည်။ ၁၈၈၃ ခုနှစ်က ကျင်းပခဲ့သော ဘာလင်ကွန်ဖရင့်တွင် ဘယ်လ်ဂျီယံ ဘုရင် လီယိုပိုး (၂) မှ သဘာဝ အရင်းမြစ်ပေါကြွယ်ဝသော အာဖရိကတိုက်ဆိုသည့် ကိတ်မုန့်ကြီးအား ဥရောပ ကိုလိုနီအရှင်သခင်များအကြား ခွဲဝေယူရန် အဆိုပြုခဲ့ကြသည်။ သည့်နောက် အမြတ်ထုတ်ခဲ့ကြသည်။ ၂၁ ရာစု တွင် ထိုအကြံအစည်ကို ပုံတူကူးဆောင်ရွက်နေသူကတော့ တရုပ်အစိုးရဖြစ်သည်။

ဆီနီဂေါနိုင်ငံသား စီးပွားရေးပညာရှင်တဦးဖြစ်သူ စနူး အမ်ဘာရီဆိုသူက တရုတ်အစိုးရသည် အာဖရိကနှင့် ဆက်ဆံရာတွင် အခြေခံမူ (၃) ချက်ထား၍ ဆောင်ရွက်နေကြောင်း တင်ပြထားသည်။ ပထမအချက်ကတော့ တရုတ်ပြည်အတွက် လိုအပ်နေသော လောင်စာစွမ်းအင်နှင့် သဘာဝအရင်းမြစ်များအတွက် စိတ်ချလက်ချ စုစည်းထားကာ တင်သွင်းနိုင်ရေး၊ ဒုတိယအချက်က ထိုင်ဝမ်နိုင်ငံ၏ စီးပွားရေးသြဇာအား အာဖရိကတိုက် အတွင်း လျှော့ချနိုင်ရေးနှင့် တတိယအချက်ကတော့ ကမ္ဘာနှင့်အ၀ှမ်း တိုးတက်လာနေသော တရာတ်သြဇာကို ဆက်လက်အားကောင်းစေရေး ဆိုသည့် အချက်များပင် ဖြစ်သည်။
နိုက်ဂျီးရီးယား၊ အင်ဂိုလာ၊ ဆူဒန် စသည့်နိုင်ငံများမှ ရေနံများကို တရုတ်ပြည်သို့ တင်သွင်းသည်။ အာဖရိက တိုက်ရှိ နိုင်ငံများသည် တရုတ်ပြည်၏ အကြီးဆုံးလက်နက်ဖောက်သည်များ ဖြစ်လာကြသည်။ ဒေသတခု အတွင်း ထိုသို့ လက်နက်များ အစုလိုက်၊ အပုံလိုက် ၀င်ရောက်လာခြင်းသည် ကောင်းသောလာခြင်းဖြစ်နိုင် ပါမည်လား ဆိုသည်ကိုလည်း ထည့်သွင်း စဉ်းစားရန်လိုသည်။

ဆူဒန်နိုင်ငံတောင်ပိုင်းတွင် ရေနံပိုက်လိုင်းလုံခြုံရေးအတွက်ဟုဆိုကာ တရုတ်စစ်သား (၄၀၀၀) ရောက်ရှိနေ သည်။ ဆူဒန်နိုင်ငံ၏ အုပ်ချုပ်သူလူတန်းစားသည် အာရပ်မျိုးနွယ်များဖြစ်၍ အုပ်ချုပ်ခံက အာဖရိကန်လူမည်းများ ကို ဖိနှိပ်နေသည်။ ဆူဒန်အစိုးရ စစ်တပ်နှင့် အစိုးရက ထောက်ခံအားပေးနေသော လက်နက်ကိုင်အဖွဲ့များသည် ဆူဒန်လူမည်း လူထုကြီးကို မျိုးတုန်းသတ်ဖြတ်နေသည်။ လက်ရှိဖြစ်နေသော ဒါဖောပဋိပက္ခကို ကြည့်၍သိနိုင် သည်။ နှစ်နှစ်-သုံးနှစ်အတွင်း ဒုက္ခသည်ပေါင်း နှစ်သန်း သူတို့ရပ်ရွာများမှ ထွက်ပြေးကြရသည်။ ဆူဒန်အစိုးရက တရုတ်စက်သေနတ်တင် ရဟတ်ယာဉ်များ အသုံးပြု၍ ဆူဒန်ပြည်သူများကို နှိပ်ကွပ်သည်။ ထိုရဟတ်ယာဉ်များ သည် တရုတ်ရေနံကုမ္ပဏီများ အခြေစိုက်သောနေရာများမှ ပျံသန်းလာကြသည်ဟုလည်း ဆိုသည်။ ဆူဒန်နိုင်ငံ၏ ပြည်တွင်းရေးကို တရုတ်အစိုးရမှ ၀င်ရောက်စွက်ဖက်မည်မဟုတ်ကြောင်း ကြေငြာထားသော်လည်း ရေနံအကျိုး အမြတ်လိုအပ်ချက်သည် ပြဿနာများကို သွယ်ဝိုင်၍ အားပေးသလို ဖြစ်နေသည်။

မြန်မာပြည်သူများ၊ ဆူဒန်ပြည်သူများနှင့် တရုတ်အစိုးရမှ လက်နက်ရောင်းပေးထားသော အခြားအာဖရိကနိုင်ငံ များမှ ပြည်သူများသည် လူသားဆန်စွာ ရပ်တည်နေထိုင်ခွင့်ဆိုသည့် အရသာကို မည်သူမျှ မခံစားကြရပါ။ အုပ်ချုပ်သူ အိမ်ခံ အာဏာရှင်များက သူတို့၏နိုင်ငံသားများကို ဆက်လက်ဖိနှိပ်နိုင်စေရန်အတွက် တရုတ်အစိုးရ က ကျားကန်ပေးနေသည်။ ၁၈ ရာစု၊ ၁၉ ရာစုတုန်းက ဥရောပကိုလိုနီသမားများ၏ ဖိနှိပ်သွေးစုတ်မှုကို ခံခဲ့ကြရ သည်။ ၂၀ ရာစုတွင် အမေရိကန်နှင့် ဆိုဗီယက်တို့၏ စစ်အေးတိုက်ပွဲများကြား မြေဇာပင်များ ဖြစ်ခဲ့ကြရသည်။ အခု ၂၁ ရာစုတွင် တရုတ်အစိုးရ၏ စီးပွားရေးဖွံ့ဖြိုးတိုးတက်ရေးဆိုသည့် ကြွေးကြော်သံအောက်၌ အမြတ်ထုတ်ခံ နေကြရပြန်သည်။ လူပေါင်းများစွာသေကြေကြ၍ အိုးမဲ့အိမ်မဲ့ဖြစ်ကြရသည်။ လူသားတို့၏ အခြေခံလွတ်လပ်ခွင့် များ ဆုံးရှုံးကြရသည်။

လူမှုတရားမျှတခြင်း ကင်းမဲ့သော စီးပွားရေးဖွံ့ဖြိုးတိုးတက်မှုသည် အာဖရိကလူများစုကြီးကို လူလိုသူလို မနေရ အောင် တားမြစ်ထားသလို ဖြစ်နေပြီး၊ လက်တဆုပ်စာလူတစုကိုသာ ကြွယ်ဝချမ်းသာစေသည်ဟု စနူး အမ်ဘာရီ က ထောက်ပြထားသည်။ မြန်မာပြည်မှာကော ဘာများထူးပါသနည်း။ စစ်အစိုးရသည် တရုတ်အစိုးရနှင့် လက်ဝါး ချင်းရိုက်ပြီး ပြည်သူတို့ကို အမှောင်တိုက်အတွင်းမှာ ဆက်လက်ချုပ်နှောင်ထားဆဲ ဖြစ်သည်။ တရုတ်အစိုးရ၏ အကာအကွယ်ပေးမှုကြောင့် မြန်မာစစ်အာဏာရှင်တို့ ပို၍ သက်ဇိုးရှည်ရှည်နေနိုင်ခြင်း ဖြစ်သည်။

ခြုံ၍ဆိုရပါမူ အထက်ပါအကြောင်းအချက် အများကို သာဓကထား၍ လူသားဆန်မှုကို လျစ်လျူရှုထားသော တရုတ်အစိုးရ၏ လုပ်ရပ်များအပေါ် ထောက်ပြရန် လိုအပ်လာသည်။ ထို့ကြောင့် နိုင်ငံတကာမှ အားကစား သမားများကို ကျနုပ်တို့အနေဖြင့် ထိုအခြေအနေများအား တင်ပြဖို့လည်း လိုလာသည်။ နိုင်ငံငယ်များရှိ ရက်စက် သော အာဏာရှင်များကို ကျားကန်ပေးနေသော တရုတ်အစိုးရကို ဆန့်ကျင်သောအားဖြင့် ၂၀၀၈ ခုနှစ်တွင် ကျင်းပမည့် တရုတ်ကမ္ဘာ့အိုလံပစ် ပွဲတော်သို့ ၀င်ရောက်မဆင်နွှဲကြပါရန် အနိုင်နိုင်ငံမှ အားကစားသမားများအား ရှင်းလင်းပြောကြား မေတ္တာရပ်ခံဖို့ပင် ဖြစ်ပေသည်။

ဇော်မင်း (လူ့ဘောင်သစ်)
၇ ရက်၊ မတ်လ ၂၀၀၇ ခုနှစ်။