ရေကြီးနေတဲ့ မြို့ပျက်ကြီးနှင့် ဧတဒဂ်ရ အစိုးရ

ရေ
ကြီးနေတဲ့ မြို့ပျက်ကြီးနှင့် ဧတဒဂ်ရ အစိုးရ
(၁)
ယခုတလော လောင်စာဆီ ဈေးတွေ တက်ပြီးနောက်ပိုင်း ဆန္ဒပြပွဲများ ဖြစ်လာခဲ့သည်။ ထိုမျှမက နောက်ဆုံး စစ်အစိုးရ၏ သံဃာများအပေါ် ရက်စက် ကြမ်းကြုတ်စွာ ဆက်ဆံ ပြုမူခဲ့သော လုပ်ရပ်များကြောင့် သံဃာများက "ပတ္တနိက္ကုဇ္ဇနကံ" ဆောင်ပွဲ၊ လမ်းလျှောက် ဆန္ဒပြပွဲများလည်း ဆက်တိုက် ဖြစ်လာနေခဲ့သည်။ မိမိလည်း အလုပ်ကောင်းကောင်း မလုပ်နိုင်။ အင်တာနက်တွင် သတင်းများ ကြည့်လိုက်၊ ဘလော့များ လျှောက်ကြည့်လိုက်၊ အခြားသူများက ချတ်တင်သတင်း ပေးလာ သည်များကို ဖြေ လိုက်နှင့် အလုပ်ရှုပ် နေခဲ့ရသည်။ မိမိက ဆန္ဒပြနေသူများ သံဃာများ နောက်ကွယ်က ပုံတွေကို ကြည့်ရင်း ရင်နာလာသည်။ အခြားသူများက ဤမျှ သတိထား၍ မြင်ချင်မှ မြင်ပါလိမ့်မည်။ သို့မဟုတ် ရိုးနေပြီလည်း ဖြစ်နိုင်ပါသည်။ အကြောင်းကတော့ ရန်ကုန်မြို့ကြီး စုတ်ပြတ် ပျက်စီးနေပုံကိုပါ ရင်နာဖွယ် မြင်နေရခြင်း ဖြစ်ပါသည်။ ရန်ကုန်မြို့တော် ခမ်းမကြီး ဆေးချောက်ကွာ မွဲညစ်နေသည်ကို မိမိ မြင်လိုက်ရသည်။ ရန်ကုန်မြို့ကြီး၏ နေရာများတွင် ရေလျှံနေသည်ကို မိမိမြင်ရသည်။ ဘတ်စကားများ ရေ လွှမ်းနေသော လမ်းမများပေါ်တွင် ပြေးနေကြသည်ကို မြင်ရသည်။ အချို့နေရာများ တွင် ၂ ပေ၊ ၃ ပေခန့်တိုင် ရေနစ်မြုပ် နေသည်ကို မြင်နေရသည်။ ထိုဓါတ်ပုံများထဲမှ လူထုအများ ခံစားနေကြရသော ဒုက္ခတွေကို မြင်လိုက်ရသည်။ ဆရာတော် သံဃာတော်များ ဘာကြောင့် သပိတ်မှောက် နေကြကြောင်းလည်း ပို၍ ထင်ထင်ရှားရှား ရှင်းလင်း လာသည်ဟု ထင်သည်။ အချို့သော မိတ်ဆွေများက ရန်ကုန်မြို့၏ (၈၀%) ရေလွှမ်းခံရသည်ဟု ပြောနေပါသည်။ ယနေ့တွင်ပင် ဝေဇယန္တာ၊ ကန်တော်လေး၊ သမိုင်းလမ်းဆုံ၊ ရွှေတိဂုံဘုရား လမ်း၌ ရေလွှမ်းနေသည်ဟု ဆိုကြပါသည်။ သမိုင်းလမ်းဆုံတွင် ရေလွှမ်းမှု အတော် ဆိုးနေသည်ဟု ဆိုပါသည်။ ဤသည်မှာ အတော်ကြီးကျယ်သော သဘာဝ ကပ်ဘေးဒုက္ခ အဖြစ် သတ်မှတ်ရတော့မည် ဖြစ်ပါသည်။


(၂)
ကမ္ဘာကြီး ပူနွေးလာမှုနှင့် ရာသီဥတု ဖောက်ပြန်မှု အကြောင်းပြောလျှင် တကမ္ဘာလုံး ဖြစ်နေတာပဲဟု ဆိုကြမည်။ သည်လိုမျိုး ရောချနေသည့် ဆင်ခြေမျိုးက မိမိတို့ လူငယ်ဘ၀၊ မဆလ အစိုးရ ခေတ်ထဲက ကြုံခဲ့ဖူးသည်။ ကမ္ဘာမှာ လောင်စာဈေးတက် လို့ မြန်မာနိုင်ငံမှာ ဈေးတက်ရသည် ဆိုမည်။ ကမ္ဘာမှာ ကုန်ပစ္စည်းတွေ ဈေးတက်လို့ မြန်မာနိုင်ငံတွင်လည်း ဈေးတက်ရသည် ဟု လွယ်လွယ် ဆင်ခြေပေးပါလိမ့်မည်။ မဟုတ်ပါ။ စစ်အစိုးရက မြန်မာ ပြည်သူလူထုကို ဆင်းရဲ ဒုက္ခတွင်းထဲ ပစ်ထားခြင်း၊ နှစ်ထားခြင်းသာ ဖြစ်ပါသည်။ အချို့မိတ်ဆွေများက ပြောကြသည်။ "ရန်ကုန်မြို့ကြီးဟာ စွန့်ပစ်ခံရတဲ့ မြို့ပျက် တစပြင်ကြီးလို ဖြစ်သွားပါပြီ" ဟု ဆိုကြပါသည်။ နေပြည်တော် ကြပ်ပြေးတွင် ဒုစရိုက်မှု ကင်းသော၊ သဘာ၀၀န်းကျင် ညစ်ညမ်းမှု ကင်းသော၊ သန့်ရှင်းလှပသော မြို့ကြီး တည်နေစဉ်တွင် ရန်ကုန် မြို့တော်ကို မြို့တော် အဖြစ်မှ အဆင့်ချ၍ ခွာသွားကြပါသည်။ မှုခင်း မဂ္ဂဇင်းများကို ကြည့်လိုက်ပါ။ စိတ်မချမ်းသာဖွယ် မှုခင်းများ ရန်ကုန်တွင် ဖြစ်ပွားနေပါသည်။ ရေကြီးသည်။ မီးပျက်သည်။ မီးလောင်သည်။ အမှိုက်များ တောင်လို ပုံနေသည်။ နောက်ဆုံး ဘတ်စ်ကားရှားပါးမှုက အစ၊ ကုန်ဈေးနှုန်း အဆုံး ဒုက္ခ အလုံးစုံကို ခံစား နေကြရပါသည်။
မြန်မာနိုင်ငံရှိ ပြည်သူများအတွက် အစိုးရက လျစ်လျူရှုထားပုံက သိသာလှပါသည်။ ကျန်းမာရေးနှင့် ပညာရေးအတွက် အစိုးရက ဘဏ္ဍာငွေမှ အနည်းငယ်မျှကိုသာ ကျခံ သုံးစွဲနေသည့် အချိန်တွင် စစ်တပ်နှင့် ကာကွယ်ရေး ကိစ္စများအတွက် အမြောက်အများ အကုန်ကျ ခံနေပါသည်။ ကိန်းဂဏန်းများ အတိအကျယူရန် ခက်ခဲသော်လည်း အချို့သော ပညာရှင်များ က မြန်မာနိုင်ငံ၏ စစ်အသုံးစရိတ်သည် ဘဏ္ဍာရေး ဘတ်ဂျက်၏ (၆၀%) မျှ ရှိမည်ဟု တွက်ချက်နေကြပါသည်။ အဏုမြူ ဓါတ်ပေါင်းဖို ဆောက်ရန်၊ မစ် တိုက်လေယာဉ်များ ၀ယ်ရန် စိတ်ကူးယဉ် နေပါသည်။ နေပြည်တော် နန်းတော် တည်ဆောက်ပြီး သာယာနေပါသည်။ မြန်မာနိုင်ငံတွင် ထုတ်ဝေသည့် စီးပွားရေး မဂ္ဂဇင်းတခု၏ ဖော်ပြချက်တွင် ယခု ပျဉ်းမနား နေပြည်တော် တည်ဆောက်ရေး အတွက် လုပ်သား တနေ့လျှင် ပျမ်းမျှ (၈၀, ၀၀၀) ခန့် သုံးနေပြီး၊ လုပ်အားခ ကုန်ကျစရိတ် တစ်လလျှင် ကျပ်သန်း (၄,၀၀၀) ခန့် ကုန်ကျမည်ဟု ခန့်မှန်း တွက်ချက် ထားပါသည်။ ထို့အပြင် စုစုပေါင်း နေပြည်တော် တည်ဆောက်ရေး စရိတ်သည် တိုင်းပြည်၏ စုစုပေါင်း ထုတ်ကုန်တန်ဖိုး ဂျီဒီပီ၏ (၁-၂%) ခန့် ရှိမည်ဟု ပညာရှင်များ တွက်ချက်ကြပါသည်။
ဤသို့ လူထုများ၏ အခွန်၊ ဘဏ္ဍာငွေများ တရကြမ်း သုံးစွဲနေချိန်တွင် ရန်ကုန်မြို့တော်ရှိ ပြင်ဆင်ရေး လုပ်ငန်းများကို လျစ်လျူရှု ပစ်ထားခဲ့ပါသည်။ သတင်းများအရ ယခု ရန်ကုန်မြို့တော်ဝန် ဖြစ်နေသူ အောင်သိန်းလင်းကလည်း ဘဏ္ဍာ ငွေ ထိထိရောက်ရောက် မရှာရဲ၊ မသုံးရဲ ဖြစ်နေသည်ဟု ကြားရပါသည်။ ထို့အပြင် ဤသို့ မြန်မာနိုင်ငံရှိ သဘာဝ ပတ်ဝန်းကျင် ပျက်စီးလာမှုများ အတွက် တရားခံမှာ သဘာဝ ပတ်ဝန်းကျင်ကို စိတ်ထင်တိုင်း ဖျက်ဆီး၊ စီးပွားရေး အကျိုးအမြတ်အ တွက် လက်လွတ်စပယ် ပြုခဲ့သော စစ်ဗိုလ်ချုပ်များနှင့် လက်တဆုပ်စာ စီးပွားရေး လုပ်ငန်းရှင်များတွင်လည်း တာဝန် ရှိနေပါသည်။
(၃)
ဧတဒဂ်ရ
"ဒီအစိုးရကတော့ဗျာ။ လွယ်တာကို ခက်အောင်လုပ်တဲ့နေရာမှာ ဧတဒဂ်ရ ဘွဲ့ပေးသင့်တယ်။ ကြံဖန်တော်ပြီး လွယ်တာကို ခက်အောင် လုပ်နိုင်လွန်းတယ်" ဟု မိတ်ဆွေတဦးက မိမိကို ပြောပြ ပါသည်။
ရန်ကုန်ရှိ ဘတ်စ်ကားများနှင့် မော်တော်ယာဉ်များကို CNG ဓါတ်ငွေ့သုံး ယာဉ်များအဖြစ် ပြောင်းရန် ညွှန်ကြားခဲ့သည်။ ဓါတ်ငွေ့ သုံးနိုင်သည့် ယာဉ်ဖြစ်စေရန် အတွက် ယာဉ်ပိုင်ရှင်များက ကျပ် ၃ သန်းခန့် အထိ အကုန်အကျ ခံကြရသည်။ ထို့ အပြင် ဓါတ်ငွေ့ဖြည့်ရန် ယာဉ်တစ်စီးကို မိနစ် ၂၀ မှ ၃၀ ကြာစောင့်ရသည်။ မီးမလာလျှင် ဖြည့်မရ။ မဂ္ဂဇင်း တခုတွင် ဖော်ပြထားချက် အရ ၂၀၀၆ နိုဝင်ဘာလအထိ ပြောင်းပြီးသား ယာဉ် ၈,၅၀၀ ကျော် ရှိနေသည်။ ဓါတ်ငွေ့ဆိုင်က ၁၉ ဆိုင်ပဲ ရှိသည်။ ဤသို့ဖြင့် ယာဉ်များတန်းစီ အိပ်စောင့်ကြရသည်။ ယာဉ်များ၊ ဘတ်စကားများက ဓါတ်ငွေ့ဆိုင်တွင် တန်းစီနေချိန်တွင် ဘတ်စ်ကားစီးမည့် ပြည်သူများက ကားဂိတ်များတွင် စောင့်နေကြရသည်။ တလွဲ။
ထိုမျှမက မီးမလာ။ လာလျှင် ညပိုင်းလာသည်။ တခါတလေ မီးအား ဆောင့်တက်သည်။ မိမိ လျှပ်စစ် ပစ္စည်းများ မပျက်စေလိုလျှင် မိမိဘာသာ မီးအားထိန်းစက် ဝယ်ဖို့လိုသည်။ မိတ်ဆွေက ပြောပြသည်မှာ သူတို့ လင်မယားက ညဆိုလျှင် မအိပ်ရ။ မီးလာချိန်တွင် မိန်းမက မီးပူတိုက်၊ ထမင်းဟင်းချက် ရသည်။ သူက ရေတင်ဖို့ စောင့်ရသည်။ ၀န်ထမ်းများ ဘယ်လိုလုပ်မလဲ မေးတော့ ရုံးတွင် နေ့လယ်ပိုင်း သွားအိပ်ကြသည်ဟု ဆိုသည်။
ရန်ကုန်တွင် အမှိုက်များ ပုံနေသည်။ ပုဂ္ဂလိကက တပိုင်တနိုင် ရှင်းသူများကို ပေးမလုပ်။ ပုဂ္ဂလိကက လုပ်မည့် အမှိုက်သိမ်း စနစ်ကို မလွှဲ။ သူတို့လည်း မသိမ်း။ ဤသို့ဖြင့် ရန်ကုန်မြို့နောက်ဖေး လမ်းကြားများနှင့် လမ်းမများတွင် အမှိုက်များ ပုံနေတော့သည်။ "ရွံစရာကြီးပါဗျာ။ ရန်ကုန်မှာ မိုးနည်းနည်း မရွာလိုက်နဲ့။ ရေတွေက ခြေမျက်စေ့၊ ဒူးလောက် တက်လာတယ်။ တက်လာတဲ့ ရေတွေက အညစ်အကြေး အဖတ်အဖတ်တွေနဲ့။ အတော့်ကို ကျန်းမာရေးနဲ့ မညီညွတ်ဖူး" မိတ်ဆွေက ပြောပြသည်။ ဤသည်ကိုလည်း စစ်အစိုးရ အာဏာပိုင်များ ရှင်းပုံက သင်းသည်။ ဇူလိုင်လ Living Color မဂ္ဂဇင်းတွင် ဤသို့ ဖော်ပြထားသည်။ ရန်ကုန် စည်ပင်ရှိ ရပ်ကွက် အချို့တွင် ကိုယ်ထူကိုယ်ထ မြောင်းဖော်ရန် ညွှန်ကြားထားသည်။ ရယကများမှ တဆင့် ညွှန်ကြားထားပြီး၊ မိမိအိမ်ရှေ့တွင် ကိုယ်ထူကိုယ်ထ မြောင်းမရှင်းပါက ဒဏ်ငွေ (၁၀,၀၀၀) ရိုက်မည် ဟု ဆိုသည်။ ရန်ကုန် အခြေအနေက ကိုယ်ထူကိုယ်ထဖြင့် ပြီးနိုင်မည့်၊ ဖြေရှင်းနိုင်မည့် အခြေအနေ မဟုတ်တော့။ စက် ယန္တယားကြီးများဖြင့် ဖြေရှင်း လုပ်ဆောင်ရတော့မည့် အခြေ ဖြစ်သည်။
စိတ်ကလည်း ပုတ်သေးသည်။ အခြားသူများ သြဇာတက်မည်ကိုလည်း မလိုလား။ အရှင်ဆေကိန္ဒက ကလေးများကို တရားဟောသည်။ ကလေးများနှင့် အတူ အမှိုက်ကောက်သည်။ ကလေးများက ဆရာတော်နောက်မှ ထောင်နှင့်ချီကာ လိုက်၍ အမှိုက် ကောက်နေပုံကို မြင်ရသူများက သဒ္ဒါကြည်နူး၊ နှစ်ထောင်းအားရ ဖြစ်ကြသည်။ ဤသို့ အမှိုက်ကောက်သည့် သာဓုခေါ်ရမည့် လုပ်ငန်းကိုလည်း စစ်အာဏာပိုင်များက ပိတ်ပင်ခဲ့ပြန်သည်။
(၄)
၂၀၀၇ မေလက ရန်ကုန်မြို့တွင် နေရာ အတော်များများ ရေလွှမ်းခဲ့သည်။ ပြောရမည် ဆိုလျှင် သဘာဝ ကပ်ဘေးဒုက္ခ အဖြစ် သတ်မှတ်ကာ ကူညီရတော့မည့် ကာလ ဖြစ်သည်။ ထို့အပြင် လေဆင်နှာမောင်း တိုက်ခံရ၍ အိမ်များ ပျက်ခဲ့သည်။ မကြုံစဖူး ရန်ကုန် နေရာ အတော်များများလည်း ရေမြုပ်ခဲ့သည်။ အပျက်အစီးများအတွက် လျှော်ကြေး၊ ထောက်ပံ့ကြေး မဆိုထားနှင့်၊ ဤသတင်းများကိုပင် ဖုံးဖိ ပိတ်ပင်ခဲ့သည်။ သတင်းတခုအရ မေလ ရန်ကုန် ရေကြီးစဉ်က အရှင်ဆေကိန္ဒ ဆရာတော်က ထမင်း၊ ဟင်းများချက်ကာ ရေဘေး ဒုက္ခသည်များကို ကူညီရန် ကြိုးစားခဲ့သည်။ အာဏာပိုင်များက ခွင့်မပြုခဲ့။ အကြောင်းပြချက်မှာ ဤကိစ္စကို သဘာဝ ကပ်ဘေးဒုက္ခဟု မသတ်မှတ်ဟု ဆိုသည်။ အခြား နိုင်ငံများတွင် ရေလွှမ်း၊ မုန်တိုင်းကျ ကပ်ဘေးဒုက္ခများ ကျနေစဉ် ကူညီမည့် သူတို့နိုင်ငံက လုံခြုံရေး တပ်ဖွဲ့၊ တပ်မတော်သားများကို တွေ့ရသည်။ အစိုးရက ရဟတ်ယာဉ်များဖြင့် လူအများ အသက်ကယ်ရန် ကြိုးပမ်းကြသည်ကို တွေ့ရသည်။ မြန်မာနိုင်ငံတွင်တော့ ပြောင်းပြန် ဖြစ်သည်။ ဒေသခံ တိုင်းမှူးများက အလုပ်ရှုပ်ခံ၍ အထက် လူကြီးများထံ အစီရင်ခံစာများ တင်နေရမည့် အရေးကို မလိုလား။ ဖုံးဖိထားလိုက်ခြင်းက သက်သာသည်။ သူတို့အတွက်လည်း တာဝန်ကင်းသည်။ ဤသို့ဖြင့် လူအများ ပို၍ ဆင်းရဲဒုက္ခ ရောက်ကြရပြန်သည်။ နိုင်ငံတကာ အဖွဲ့အစည်းများလည်း ကူခွင့်မရ။ သူတို့ သိက္ခာကျမည်ကိုလည်း စိုးပြန်သေးသည်။
(၅)
တကယ်တော့ ပြဿနာကို ပြဿနာအဖြစ် အသိအမှတ် မပြုဘဲ ဖုံးဖိထားလိုခြင်းသာ ဖြစ်သည်။ ဆင်းရဲခြင်းသည် ပြဿနာ မဟုတ်။ ချမ်းသာ ဖွံ့ဖြိုးနေသည် ဆိုသော အမေရိကန်လို နိုင်ငံကြီးမျိုး၊ ဥရောပ နိုင်ငံများတွင်ပင် အိမ်မဲ့များ၊ ဆင်းရဲသူများ ရှိနေသည်။ ပြဿနာအဖြစ် အသိအမှတ်ပြုပြီး ဖြေရှင်းရန်သာ လိုပါသည်။
ယခုလည်း မိမိတွက်ထားလျှင် လွဲမည်။ ဤရေကြီးမှုသည် နအဖ စစ်အစိုးရ သတင်းစာတွင် သတင်း မဟုတ်ပါ။ သံဃာများ ဆန္ဒပြနေသည်မှာလည်း သံဃာတုတစု၊ လူနည်းစုဟုသာ ဖော်ပြနေပါဦးမည်။ တိုင်းပြည်ကြီး တိုးတက် ဖွံ့ဖြိုး၍ ဂျီဒီပီ (၁၀) ရာခိုင်နှုန်းကျော် တိုးတက်နေသည်ဟု လိမ်နေပါဦးမည်။ ရန်ကုန်မြို့တွင်လည်း ရေဘေး ဒုက္ခသည်များ မရှိပါ။ ဤသို့ ပြဿနာကို ပြဿနာအဖြစ် အသိအမှတ် မပြုလျှင်ဖြင့် ဖြေရှင်းနိုင်လိမ့်မည် မဟုတ်ပါ။ ပို၍ ဆိုးရွားလာဖွယ်သာ ရှိပါတော့သည်။

အောင်သူငြိမ်း
စက်တင်ဘာ ၂၁ ရက်၊ ၂ဝဝ၇ ခုနှစ်