တဂိုးနဲ့ဂန္ဒီ

ရာ
ဘင်ဒြာနတ် တဂိုးဟာ အများသိထားပြီးတဲ့အတိုင်း အိန္ဒိယနိုင်ငံသား ဘင်္ဂါလီစာပေပညာရှင်တဦးပါ။ ၁၉၁၃ ခုနှစ်မှာ တဂိုးဟာ သူရေးသားခဲ့တဲ့ ဂီတဉ္စလီ (Gitanjali) ကဗျာရှည်ကြီး အတွက် စာပေဆိုင်ရာနိုဘယ်ဆု ချီးမြှင့်ခြင်း ခံရပါတယ်။ သူဟာ ကဗျာများနဲ့ နာမည်ကြီးတယ် ဆိုပေမဲ့ ၀ထ္ထုရှည်၊ ၀ထ္ထုတို၊ အက်ဆေးများ၊ သီချင်းများလည်း အမြောက်အများ ရေးသားခဲ့သူ ဖြစ်ပါတယ်။ ပန်းချီပညာရှင်လည်း ဖြစ်ပါတယ်။ အဲဒါအပြင် တဂိုးဟာ တွေးခေါ်ပညာရှင်တဦး အနေနဲ့လည်း ထင်ရှားပါသေးတယ်။

၂၀ ရာစုအတွင်း ကမ္ဘာမှာထင်ရှားခဲ့တဲ့ တွေးခေါ်ပညာရှင်များအထဲမှာ တဂိုးနဲ့ မိုဟန်ဒက်စ် ဂန္ဒီ (မဟတ္တမ ဂန္ဒီ) တို့ လည်း ပါဝင်ပါတယ်။ သို့သော် ဂန္ဒီကြီးက နိုင်ငံရေး၊ လွတ်မြောက်ရေး ခေါင်းဆောင်အဖြစ် ပိုလို့လူသိ များပါတယ်။ သူ တို့နှစ်ဦးဟာ တဦးနဲ့တဦး အလွန်ရင်းနှီးတဲ့ သူများလည်း ဖြစ်ပါတယ်။ တဂိုးဟာ ဂန္ဒီကြီးကို အလွန် လေးစားသူဖြစ်ပေမဲ့ သူတို့နှစ်ဦးကြားမှာ အတွေးအခေါ်အရ အလွန်ကွဲပြား ခြားနားမှုတွေ ရှိနေပါတယ်။

အထူးသဖြင့် အမျိုးသားရေးဝါဒ၊ မျိုးချစ်စိတ်၊ ယဉ်ကျေးမှုခြင်း အပြန်အလှန် ကူးလူးဆက်ဆံခြင်း၊ ဆင်ခြင်တုံ တရားရဲ့ အခန်းကဏ္ဍနဲ့ သိပံ္ပပညာ၊ စီပွါးရေးစနစ်၏သဘောသဘာဝနှင့် လူမှုဖွံ့ဖြိုးတိုးတက်ရေး စတဲ့ကိစ္စရပ် တွေမှာ တဂိုးနဲ့ ဂန္ဒီ ဟာ ချဉ်းကပ်ပုံခြင်း တဦးနဲ့တဦး အလွန်ကွဲပြားပါတယ်။ သည်ကဏ္ဍတွေကို ချဉ်းကပ် တွေးခေါ်တဲ့ နေရာမှာ တဂိုးဟာ ရိုးရာအတိုင်း အခြေခံပြီး တွေးခေါ်စဉ်းစားခြင်းကနေ လျော့ချစဉ်းစားသူ ဖြစ်ပါတယ်။ လွယ်လွယ်ပြောရရင်တော့ စဉ်း စားတွေးခေါ် ပုံခေတ်မှီတယ်လို့ ဆိုရမှာပေါ့။ ဂန္ဒီကတော့ ဒုက္ခများမြောင်ကို ရင်ဆိုင်နေရတဲ့ တိုင်းသူပြည်သား အများ စုကို ရှေးခေတ်ဟိန္ဒူယဉ်ကျေးမှု ချဉ်းကပ်ပုံအရ ရင်ဝယ်သားများလို သဘောပိုက်ပါတယ်။ တဂိုးကတော့ သည်နေ ရာမှာ ဂန္ဒီနဲ့မတူပါဖူး။ သူကလူထုကို အရွယ် မရောက်သေးတဲ့ ကလေးများသဖွယ် သဘောမထားသင့်ဖူးလို့ ဆိုပါတယ်။



(ဂန္ဒီပုံ)




(ရာဘင်ဒြာ နတ်တဂိုး)

တဂိုးရဲ့ ထူးခြားချက်တွေ ရှိပါသေးတယ်။ တဂိုးဟာ မျိုးချစ်စိတ်ဆိုတာထက် လူသားဆန်မှုဆိုတာကို ပိုမိုဦးစားပေး သူဖြစ်ပါတယ်။ သည်လိုတွေးပုံ ခေါ်ပုံတွေဟာ သူရဲ့ဖခင်ဆီက အမွေရခဲ့တယ်လို့ ဆိုနိုင်ကြောင်း အချို့ကထောက် ပြပါတယ်။ သူရဲ့ဖခင် ဒီဘန်ဒြာနတ် တဂိုးဟာ သူ့တို့ခေတ်သူတို့အခါက “ဘရာမိုစမတ်” လို့ခေါ်တဲ့ ဘာသာရေးအ ယူအဆများ ပြန်လည်ပြုပြင်ရေး အဖွဲ့ဝင်ဖြစ်ပါတယ်။ အဲသည့်အဖွဲ့ဟာ ဟိန္ဒူ ရှေးဟောင်း ကျမ်းစာများကတဆင့် ပြဌာန်းထားတဲ့ ခေတ်ပြိုင်ဟိန္ဒိူဓလေ့စရိုက် အကျင့်အကြံများကို မှားယွင်းနေတဲ့ အယူအဆများအဖြစ် သတ်မှတ်ပြီး လက်မခံကြပါဖူး။

၁၉၀၈ ခုနှစ်က တဂိုးရေးခဲ့တဲ့ ပုဂ္ဂိုလ်ရေးစာတစောင်မှာ သည်လိုဖော်ပြခဲ့ပါတယ်။ “မျိုးချစ်စိတ်ဆိုတာ ကျနော်တို့ နောက်ဆုံး ကွန်းခိုရမဲ့ ၀ိညာဉ်အဆောက်အအုံ မဟုတ်ပါ။ ကျနော် ခိုလှုံရာကတော့ လူသားဆန်မှု ဆိုတာပဲ ဖြစ်ပါ တယ်။ ဖန်ကွဲတစကို စိန်တတုံးရဲ့ တန်ဖိုးနဲ့တော့ ကျနော်ပေးဝယ်မည် မဟုတ်ပါ။ ကျနော်အသက်ရှင်သန် ရှိနေသမျ ကာလပတ်လုံး မှာတော့ မျိုးချစ်စိတ်ဝါဒက လူသားဆန်မှုအပေါ် အနိုင်ယူမည့် ဘယ်လိုအရာမျိုးကိုမှ ကျနော်ခွင့်ပြု လိမ့်မည်မဟုတ်။”

၁၉၁၆ ခုနှစ်မှာ တဂိုး ဂျပန်နိုင်ငံသို့ သွားရောက်ပြီး ဟောပြောပွဲတွေ၊ ပို့ချချက်တွေ နေရာအနှံ့ လုပ်ခဲ့ပါတယ်။ ဂျပန်တို့ ရဲ့ အနောက်နိုင်ငံများနဲ့ ယှဉ်ဘောင်တန်းပြီး စီးပွါးရေးနဲ့ စက်မှုလက်မှု တိုးတက်ဖွံ့ဖြိုးလာတာကို တဂိုးက အလွန်ချီး ကြူးပါတယ်။ ဂျပန်နိုင်ငံဟာ ကျိန်စာသင့်နေတဲ့ ဘ၀က လွတ်မြောက်သွားခဲ့ပြီ ဆိုပြီးတော့ တင်စားခဲ့ပါတယ်။ သို့ သော်လည်း အဲသည့်အချိန် ဂျပန်နိုင်ငံမှာ တွန်းတင်နေတဲ့ အမျိုးသားရေးဝါဒနဲ့ မျိုးချစ်စိတ် ဆိုတဲ့ကိစ္စကိုတော့ တဂိုး က အနာဂတ်မှာ ပေါ်ပေါက်လာမဲ့ ပြဿနာတခု အဖြစ်ရှုမြင်ပါတယ်။ အဲသည့်အချက်ကို ဂျပန်လူမျိုးတို့ သတိထားဖို့ လိုကြောင်း ရောက်လေရာ နေရာတိုင်းမှာ ဟောပြောတိုင်း ထည့်သွင်းပြောကြား တဲ့အတွက် သူ့ကိုဖိတ်ကြားတဲ့ ဂျပန်များ စိတ်အနှောက်အယှက် ဖြစ်ကြရပါတယ်။ နောက်ပိုင်းမှာ ဂျပန်တွေ တဂိုးအပေါ်မှာ နွေးနွေးထွေးထွေး မရှိတော့ဘဲ အေးစက်စက် ဖြစ်လာခဲ့ပါတယ်။

၁၉၃၇ ခုနှစ် တရုပ်ပြည် နန်ကင်းမြို့ကို ဂျပန်တွေဝင်သိမ်းတုံးက တရုပ်လူမျိုး ကလေးလူကြီး အမျိုးသမီးမကျန် သိန်းနဲ့ ချီပြီး ရက်ရက်စက်စက် သတ်ဖြတ်ခံရတာတွေ ပြန်ကြားရတဲ့အခါမှာ အသတ်ခံရတဲ့ တရုပ်ပြည်သူများ အတွက် တဂိုး အနေနဲ့ ရင်ထုမနာဖြစ်ခဲ့ရပါတယ်။

တဂိုးရဲ့ လူသားဆန်တဲ့ တွေးခေါ် ဖန်တီးမှုတွေဟာ အိန္ဒိယတိုက်ငယ်ထဲက ပြည်သူတွေကို အများကြီး လမ်းကြောင်း ပေးနိုင်ခဲ့သူလည်းတဦး လည်းဖြစ်ပါ တယ်။ သူဟာ ဟိန္ဒိူမိသားစု ကနေပေါက်ဖွား ကြီးပြင်း လာသူပါ။ သို့သော် မွတ်စလင်အများစု နေထိုင်တဲ့ ဘင်္ဂလားဒက်ရ်ှနိုင်ငံ လွတ်လပ်ရေးရတော့ ရွေးချယ်လိုက်တဲ့ နိုင်ငံတော်သီချင်းဟာ တဂိုးရေးခဲ့တဲ့ “ရွှေရောင်လွှမ်းတဲ့ ကျနော့်ရဲ့ ဘင်္ဂေါ”ဆိုတဲ့သီချင်းပဲ ဖြစ်ပါတယ်။

ပြန်ကောက်ရရင် တဂိုးနဲ့ ဂန္ဒီဟာ ခေတ်ပြိုင်တွေးခေါ် ပညာရှင်များ ဖြစ်ပါတယ်။ တဦးကခေတ်မှီတယ်၊ တဦးကရှေးရိုး ဆန်တယ်။ သို့သော် တချိန်တည်းမှာလည်း တဂိုးက ပညာရှင်ဆိုပေမဲ့ သူ့ကိုယ်သူနားလည်တဲ့ သဘောပေါက်ထားတဲ့ အချက်တချက် ရှိပါတယ်။ အဲတာက ဘာလည်းဆိုတော့ သူဟာ အိန္ဒိယနိုင်ငံရဲ့ နိုင်ငံရေး၊ လွတ်မြောက်ရေး အတွက် ဂန္ဒီကဲ့သို့ ခေါင်းဆောင်မှု ပေးနိုင်တဲ့သူ မဟုတ်ဖူး ဆိုတာပါပဲ။ ဒါပေမဲ့ တဂိုးဟာ ဂန္ဒီကို ပံ့ပိုးပေးဖို့ ဘယ်တော့မှ လက်တွန့်ခဲ့တဲ့ သူမဟုတ်ပါ။ မိုဟန်ဒက်စ် ဂန္ဒီကို နောက်ပိုင်းမှာ ပြည်သူတွေက မဟတ္တမဂန္ဒီ လို့ ခေါ်ကြပါတယ်။ အဲသည့် “မဟတ္တမ” (ကြီးမြတ်သော) ဆိုတဲ့ အသုံးအနှုံး ပိုမိုကျယ်ပြန့် ကျော်ကြားလာအောင် စာပေတွေ ကနေတဆင့် ဖန် တီးခဲ့သူကတော့ တဂိုးပဲဖြစ်ပါတယ်။ တဂိုးဟာ လွတ်မြောက်ရေးကို တန်ဖိုးထားသလို လွတ်မြောက်ရေးအတွက် ဆောင်ရွက်နေသူများကို လေးစားပံ့ပိုးသူ လည်းဖြစ်ပါတယ်။

လွတ်မြောက်မှု (သို့) လွတ်လပ်ခြင်းကို တဂိုးအနေနဲ့ ဘယ်လောက်တန်ဖိုး ထားသလဲဆိုတာကို သူရဲ့နာမည်ကျော် ကဗျာဖြစ်တဲ့ ဂီတဉ္စလီမှာ တွေ့မြင်နိုင်ပါတယ်။

“စိတ်ကမကြောက်ဘဲ ခေါင်းကိုမတ်စွာထားနိုင်သော အရပ်၌လည်းကောင့်း့ 
ပညာသည် လွတ်လပ်ရာ အရပ်၌လည်းကောင့်း့့ 
စကားသည် နက်ရှိုင်းသော သစ္စာအတွင်းမှလာသော အရပ်၌လည်းကောင့်း့့ 
့့့့့့့ 
့့့့့့့့ 
ထိုလွတ်လပ်သော နိဗ္ဗာန်၌ တပည့်တော်တို့၏ တိုင်းပြည်သည် နိုးကြားနိုင်ပါစေ အရှင်ဘုရာ့း့့  ”

မြန်မာပြည်လွတ်မြောက်ရေး၊ ဒီမိုကရေစီ ထွန်းကားရေးအတွက် ကူညီဆောင်ရွက်နေတဲ့ မြန်မာပညာရှင်များ ရှိနေပါတယ်။ သို့သော်အရေအတွက်အရ အလွန်နည်းနေသေးတာ ကိုလည်းတွေ့ရပါတယ်။ သည်ကြားထဲမှာ စုန်းပြူး မြန်မာပညာရှင်ဆိုသူ များကလည်း တမှောင့်ပါ။ အဲသည့် စုန်းပြူးများက စစ်တပ်အနေနဲ့ လမ်းဖွင့်ပေးထား ရက်သားနဲ့ ဒေါ်အောင်ဆန်းစုကြည်က ခေါင်းမာသည်ဟု ဝေဖန်လိုက်၊ သဘောထားတင်းမာ သည်ဟု စွပ်စွဲလိုက် လုပ်နေတာမျိုး တွေကို အတွေ့များနေပါတယ်။ ဒေါ်စုမပါပဲ စစ်တပ်က ဒီမိုကရေစီကို ဆောင်ကျဉ်းပေးလာရင် မယူတော့ဖူးလား ဆိုသည့် ကပ်တီးကပ်ဖဲ့ မေးခွန်းများကို လည်းမေးနေကြသည်။ ထိုသူတွေဟာ လွတ်မြောက်ရေး လှုပ်ရှားမှုတွေထဲလည်း မပါဝင်ဘဲ၊ မကျင့်ကြံပဲ၊ မကူညီပဲ ဘယ်ကွေ့ပါလား၊ ညာကွေ့ပါလား အစရှိသဖြင့် ဆရာလုပ်နေတာ တွေကလည်းအ များကြီးပါ။ မိမိ၏ ဆိုင်ရာဆိုင်ရာ ထောင့်များမှ လိုအပ်နေတာတွေ ၀ိုင်းကူညီတာ ပို၍မကောင်းပြီလော။

မြန်မာပြည်လွတ်မြောက်ရေးအတွက် မြန်မာတဂိုးများ အထူးလိုအပ် နေပါတယ်။

ဇော်မင်း (လူ့ဘောင်သစ်)
၂ ရက် နိုဝင်ဘာလ ၂၀၀၇ ခုနှစ်

စာကိုး။ ။ Amartya Sen ရေးသားသော " The Argumentative Indian" စာအုပ်မှ ထုတ်နှုတ် ကိုးကားပါသည်။