ရွက်မွန်မှ ဖိတ်ခေါ်ပါသည်။

စာ
ဖတ်သူများခင်ဗျား။

ရွက်မွန်ကို ယခင်က စာရေးသူအနည်းငယ်နှင့် ကျဲနေခဲ့ပါသည်။ မည်သို့ပင် ဆိုစေကာမူ ယခုအခြေအနေ ရောက်ရှိလာ သည်အထိ အားပေးခဲ့ကြသည့် လာရောက်ဖတ်ရှုသူ ဘလော့ပရိသတ်များကိုလည်း အထူးကျေးဇူးတင်ရှိပါသည်။ အသစ် တင်ထားသည်ကို မတွေ့ရ၍ လှည့်ပြန်သွားခဲ့ရသော စာဖတ်သူများကိုလည်း တောင်းပန်စကားဆိုလိုပါသည်။

ရွက်မွန်သည် စီးပွားရေးအကျိုးအမြတ်အတွက် ဆောင်ရွက်နေခြင်း မဟုတ်ပါ။
ရွက်မွန်သည် လွတ်လပ်ပွင့်လင်းစွာ ဆွေးနွေးတင်ပြပိုင်ခွင့်ကို အလေးအနက်ထားပါသည်။
ရွက်မွန်သည် ကျယ်ပြန့်သော အမြင်အမျိုးမျိုးကို ကိုယ်စားပြုနိုင်ရန်အတွက် ကြိုးပမ်းသွားပါမည်။
ရွက်မွန်ဘလော့ကို ကိုင်တွယ်စီမံနေကြသူများမှာ အခြားအလုပ်တာဝန်များဖြင့် မအားလပ်သည့်ကြားမှ အပြေးအလွှား အချိန်ယူ၍ မိမိတင်ပြဆွေးနွေးလိုသော အချက်များကို တင်ပြဆွေးနွေးနေကြသူများသာ ဖြစ်ပါသည်။
ရွက်မွန်သည် တတ်နိုင်သမျှ အပြုသဘောဆောင်သည့် ဝေဖန်ရေးမျိုးကို တင်ဆက်နိုင်ရန် ကြိုးပမ်းပါမည်။
ရွက်မွန်သည် စာဖတ်သူတို့ ဗဟုသုတ၊ ပညာရရှိစေရေးကို ဆောင်ရွက်ပေးရန် ကြိုးပမ်းပါမည်။
ရွက်မွန်သည် သတင်းထူး၊ သတင်းဦးများနောက်လိုက်၍ တင်နေခြင်းထက်၊ သတင်းဝေဖန်ချက်များ၊ ဖွံ့ဖြိုးရေးဆိုင်ရာ အယူအဆများကို လေ့လာသိရှိလိုကြသူ ပုံမှန်စာဖတ်ပရိသတ်များအတွက် ဦးတည်ပါသည်။
ရွက်မွန်သည် အကြမ်းမဖက်လှုပ်ရှားမှုဆိုင်ရာ ဗဟုသုတ၊ နည်းနာ၊ ဆွေးနွေးချက်များကိုလည်း အခါအားလျော်စွာ တင်ပြပေးသွားပါမည်။

ယခုအခါ-
ရွက်မွန် ဘလော့အနေဖြင့် ကျယ်ပြန့်သောအမြင်အမျိုးမျိုးကို တင်ပြလိုပြီး၊ အထူးသဖြင့် ဒေါ်အောင်ဆန်းစုကြည်နှင့် စစ်အစိုးရအကြား ဆွေးနွေးပွဲများ ဖြစ်လာနိုင်သည့် ယခု အခြေအနေများ၊ မည်သို့ ရှေ့ဆက်၍ ဒီမိုကရေစီ ရရှိရေးလှုပ်ရှား မှုကို ချီတက်ဆောင်ရွက်ကြမည်နည်း စသဖြင့် ဝေဖန်ဆွေးနွေးနိုင်ရန် အမြင်များကို ဖိတ်ခေါ်လိုပါသည်။
စာရေးသူ၊ ဝေဖန်ဆွေးနွေးလိုသူများကိုလည်း ဖိတ်ခေါ်လိုပါသည်။
ကျယ်ပြန့်သော အမြင်များဖြင့် တိုးချဲ့လိုပါသည်။

သို့သော်လည်း တင်ပြသောအမြင်များသည် “ရွက်မွန်အယ်ဒီတာအဖွဲ့” ၏ အမြင်ဟု မမှတ်ယူစေလိုဘဲ၊ စာရေးသူတို့၏ အာဘော်သာဖြစ်ကြောင်းလည်း ဖော်ပြအသိပေးလိုပါသည်။ မတူကွဲပြားသည့် အမြင်များကိုလည်း သည်းခံနားလည် မည်ဟု ယူဆမိပါသည်။

ရွက်မွန်