လူထုတိုက်ပွဲသာ အခရာ

စစ်
တပ်က ညစ်လာတာ တသက်လုံးကပါ။ ဘယ်တုံးကမှ သူတို့ပေးထားတဲ့ ကတိကို စောင့်ထိမ်းခြင်းမရှိတာ လူတိုင်း သိတဲ့ကိစ္စမို့ ထပ်ပြီးတော့လည်း အကျယ်ချဲ့ မပြောလိုပါ။

အခုမေလမှာ ကျင်းပမဲ့ ပြည်သူ့ဆန္ဒခံယူပွဲကြီးဟာလည်း ညစ်ပွဲကြီးဖြစ်မှာ အသေအချာပါပဲ။ တရားမျတတဲ့ ဆန္ဒခံယူပွဲကြီး ဖြစ် ရပါစေ့မယ်လို့ စစ်တပ်ကနေ အခုအထိ တရားဝင်ပြောဆိုခြင်းလည်း မရှိသေးပါ။ သေချာတာကတော့ ဘယ်သူ့ကိုမှ ကြောက် စရာ မလိုဘဲ ချိမ်းခြောက်မှုတွေ မပါဘဲ လုပ်ပေးမယ်ဆိုရင်လည်း ပြည်သူတွေက ကန့်ကွက်မဲပေးမှာ သေချာနေ ပြီးသား ဖြစ်ပါတယ်။ ဒါဆိုရင် စစ်တပ်လုပ်လိုတဲ့ သူတို့ရဲ့ ညစ်နည်းတထောင် အခြေခံဥပဒေကြီး ရေစုံ မျောသွားမှာ ဖြစ်ပါ တယ်။ သို့သော် ဒါကိုလည်း စစ်တပ်ကသိနေတော့ အဲသလို မဖြစ်အောင် သူတို့ရဲ့ ဥပဒေအ ညစ်ထုပ်ကြီးကို ကာကွယ် ရတော့ မှာပါပဲ။ ဒါ့ကြောင့် ညစ်ပတ်လိမ့်မယ်လို့ အတတ်ပြောရဲတာ ဖြစ်ပါတယ်။

မြန်မာပြည်သား အားလုံးရဲ့ တာဝန်ကတော့ မကြာခင်ပြုလုပ်တော့မဲ့ ဖွဲ့စည်းပုံအခြေခံဥပဒေကို အတည်ပြုမဲ့ ဆန္ဒခံ ယူပွဲကြီး ကို တနည်းနည်းနဲ့တော့ ဆန့်ကျင်ကြရမှာ ဖြစ်ပါတယ်။ အင်နဲ့အားနဲ့ ကိုယ့်ဖက်က မတိုက်ဖျက်နိုင်လို့က တော့ အဲသည့် အခြေခံ ဥပဒေကြီးဟာ နောင်နှစ်ပေါင်းများစွာ အထိ မိမိတို့ရဲ့နောင်လာ နောက်သားများကို ဂုတ်ဂွစီး ထားမှာ ဖြစ်ပါတယ်။

တချို့ကလည်း ဟာ.... သည်ဥစ္စာကြီးကို အခုမတိုက်ဖျက်နိုင်လည်း နောင်အခွင့်သာရင် ပြန်ပြင်ဖို့အတွက် တိုက်ယူ ကြတာပေါ့ လို့ ပြောကောင်းပြောနိုင်ပါတယ်။ အင်ဒိုနီးရှားမှာတုံးကလည်း အလားတူဖြစ်ခဲ့တာပဲ။ နောက်ပိုင်း ပြည်သူ တွေက ပြန်တိုက်ခဲ့ ကြလို့ နောက်ဆုံး ပြည်သူတွေလိုလားတဲ့ အတိုင်း အခြေခံဥပဒေကြီး ပြန်လည်ဖြစ် တည်လာခဲ့ တာပဲလို့ ဆိုမဲ့သူတွေလည်း ရှိနိုင်ပါတယ်။ မှန်ပါတယ်။ သို့သော် ပြန်တိုက်ဖို့ ပေးဆပ်ခဲ့ရတဲ့ နှစ်တွေကလည်း မနည်းလှဖူး ဆိုတာ တော့ သတိချပ်ဖို့ လို ပါတယ်။

အခုရေးဆွဲထားတဲ့ အခြေခံ ဥပဒေကြီးထဲမှာ ပါတဲ့ ရေရှည် စစ်တပ်လွှမ်းမိုးရေး အချက်များစွာထဲက တချက်ကို ပထမ ဆုံး ကောက်နုတ်တင်ပြခြင်ပါတယ်။

ကာကွယ်ရေး ဦးစီးချုပ်ဟာ တိုင်းပြည်ကြီး ပြိုကွဲဖို့ အန္တရာယ်နဲ့ ရင်ဆိုင်ရရင် နိုင်ငံတော်အရေးပေါ်အခြေအနေကို ကြေငြာနိုင် တယ်လို့ သူ့ကိုအခွင့်အာဏာ ပေးထားပါတယ်။ နိုင်ငံတော်အရေးပေါ်အခြေအနေ ကြေငြာတယ်ဆိုတာ ကတော့ စစ်အာဏာ သိမ်းတာကို ယဉ်ယဉ်ကျေးကျေး စကားလုံးသုံးပြီး ခွင့်ပြုပေးထားတာ ဖြစ်ပါတယ်။ ဆိုတော့ ကာ အဲသလို အာဏာသိမ်းထား တဲ့အချိန်၊ နိုင်ငံတော်အရေးပေါ်အခြေအနေကို ကြေငြာထားတဲ့ ကာလအတွင်းမှာ ကာကွယ်ရေး ဦးစီးချုပ်ဟာ တရားစီရင် ရေးအာဏာ၊ ဥပဒေပြုရေး အာဏာနဲ့ အုပ်ချုပ်ရေးအာဏာများကို တစိတ်တ ပိုင်း (သို့မဟုတ်) တစုံလုံး စီမံကွပ်ကဲ နိုင်သေး တယ် လို့လည်း အခွင့်အရေးထပ် ပေးထားသေးတယ်။ တိုင်းပြည်တ ပြည်မှာ အသက်သွေးကြောဖြစ်တဲ့ အဲသည့် မဏ္ဍိုင်ကြီး သုံးခုစလုံး ကို စစ်တပ်က ကြိုက်သလို စီမံနိုင်တယ်ဆိုမှတော့ ဒါဟာ စစ်တပ်လူတန်းစား ကောင်းစားဖို့ကလွဲလို့ တခြားရှိပါ ဦးမလားဆိုတာ လူတိုင်းသဘောပေါက်ပါတယ်။

အဲသည်မှာပဲ တချို့ကဆိုလာပါတယ်။ ပါလီမန်အတွင်းကနေ တဖြည်းဖြည်း တိုက်ယူသွားမယ်လို့ ပြောကြပါတယ်။ အခြေခံ ဥပဒေထဲက အရေးကြီးတဲ့ အချက်များကို ပြင်ဆင်မယ်ဆိုရင် တည်ရှိနေတဲ့ လွှတ်တော်နှစ်ရပ်စလုံးကနေ အဆိုတင်သွင်းဖို့ လိုပါတယ်။ အဲသလို အဆိုတင်ဖို့အတွက် လွှတ်တော်နှစ်ရပ်မှာ ရှိတဲ့ အမတ်ဦးရေရဲ့ (၂၀%) ကျော် ကနေ တင်သွင်းဖို့ လိုပါတယ်။ (၂၀%) ကွက်တိပဲ ရှိတယ်ဆိုရင် အထမမြောက်နိုင်ပါ။ (၂၀%) ကျော်ကို ကျော်နေမှ တင် သွင်းဖို့ သူတို့ဥပဒေ အရ ကိုက်ညီမှာ ဖြစ်ပါတယ်။ အဲသည်မှာ ပထမဆုံး တစ်နေနိုင်ပါတယ်။ ဘာဖြစ်လို့တုံး ဆိုတော့ ဖြစ်လာမဲ့ အမတ်တိုင်းဟာ ကိုယ့်ဖက်ပါမယ်လို့ အတိအကျ ပြောဖို့ခက်ပါတယ်။ ဒီကြားထဲမှာ လွှတ်တော် နှစ်ရပ်စလုံး အတွင်း ကာကွယ်ရေးဦးစီးချုပ်က ခန့်ထားမဲ့ စစ်ဗိုလ်တွေက (၂၅%) ရှိနေပါသေးတယ်။

ကောင်းပါပြီး အခြေခံဥပဒေကြီးကို ပြင်ဖို့အဆိုတင်တာ (၂၀%) ကျော်သွားလို့ တင်နိုင်သွားပြီလို့ဆိုနိုင်ပေမဲ့ ဒါဟာ ပြင်ဖို့တင် ထားရုံသဘောပဲ ဖြစ်ပါတယ်။ တကယ်ပြင်ဆင်ဖို့အတွက် လွှတ်တော်နှစ်ရပ်စလုံးရဲ့ (၇၅%) ကျော် အရေ အတွက်ရှိသော အမတ်များက ထောက်ခံမှ အဲသည့် အခြေခံဥပဒေတွေထဲက ကိုယ်မကြိုက်တာကို ပြင်ဆင်နိုင်မှာ ဖြစ်ပါတယ်။

စစ်ဗိုလ်တွေချည်းက ၂၅% ရှိနေတော့ ဘယ်လိုလုပ်ပြီး ကိုယ့်ဖက်က (၇၅%) ကျော် ရနိုင်ပါ့မလဲ။ သည်ကြားထဲ ကြံ့ ဖွတ်က နေ အမတ်ဖြစ်လာတဲ့ လူတွေ၊ စားဖားလိုလူစားမျိုးတွေ၊ ကိုယ့်အကျိုးအတွက်ပဲကြည့်တဲ့ အမတ်တွေ၊ နှစ်ဖက် လွှလုပ်နေတဲ့ အမတ်တွေ၊ စိတ်ကောင်း ရှိသော်လည်း ခြောက်လိုက်ရင် ကြောက်သွားတဲ့ အမတ်တွေ၊ ငွေပေးအ၀ယ် ခံရတဲ့ အမတ်တွေ၊ အဲသလိုမျိုးတွေကလည်း သဘာဝတရားအရ ပါနေဦးမယ်။ ကိုယ့်ဖက်မှာ (၇၅%) ကွက်တိရဖို့ တောင် မလွယ်နိုင်ပါဖူး။ ထားဦးတော့။

ဥပမာအားဖြင့် ခေတ်တွေအတော်အတန် ပြောင်းလာလို့ စစ်ဗိုလ်အမတ် (၂၅%) ကလည်း ကိုယ့်ဖက်ပါလာပြီး အရပ်သား အမတ်တွေနဲ့ အတူပေါင်းလိုက်ကြလို့ (၁၀၀%) ကိုယ့်ဖက်ကရပြီ ဆိုပါစို့။ အခြေခံဥပဒေကြီးကို ပြင် ဆင်လို့ရပြီလို့ ထင်ရင် မှားပါ လိမ့်မယ်။ ဘာကြောင့်လဲဆိုတော့ အဲသည့်တထစ် အောင်မြင်ရုံနဲ့ ပြင်လို့မရပါ။ ပြည်သူ့ဆန္ဒ ခံယူပွဲကြီး ထပ်မံကျင်းပပြီး ပြည်သူ (၅၀%) ကျော်က ထောက်ခံမှသာ ပြင်လိုတဲ့ အချက်များကို ပြင်နိုင် ဆင်နိုင်မှာ ဖြစ်ပါတယ်။ ပြည်သူတွေက တချို့ အရေးအကြီးဆုံး အချက်တွေကို ပြင်ဆင်ခြင်တယ် ဆိုတာတောင်မှ ကပ်တီးကပ်ဖဲ့ လုပ်ထားလို့ ရပါသေးတယ်။

ဘာဖြစ်လို့တုံးဆိုတော့ အခြေခံဥပဒေထဲမှာ ပါနေတဲ့ အချက်တခုက ဒီလိုဆိုထားပါတယ်။ တပ်မတော်၏ အဓိက တာဝန် သည် ပြည်သူလူထုက တခဲနက်ထောက်ခံ အတည်ပြုထားသော ဖွဲ့စည်းပုံအခြေခံ ဥပဒေကြီးကို ကာကွယ်ရန် ဖြစ် သည်တဲ့ဗျာ။ ပြည်သူကထောက်ခံလို့ အတည်ဖြစ်ထားတဲ့ အခြေခံဥပဒေကြီးကို လွှတ်တော်နှစ်ရပ်က အမတ်တွေ သဘောတူယုံနဲ့တော့ ကမြင်းကြောထပြီး ပြင်ချင်လို့တော့ ဘယ်ရမလဲ။ ဆိုတော့ကာ သည်အခြေခံဥပဒေကြီးကို ကာကွယ်ဖို့ရယ်၊ အမတ်တွေ ရုန်း ရင်းဆန်ခတ် လုပ်နေလို့ မျက်စေ့နောက်နေရာက တိုင်းပြည်မတည် ငြိမ်တော့ဖူး ဆိုတာကို အကြောင်း ပြပြီး ကာကွယ်ရေး ဦးစီးချုပ်က နိုင်ငံတော် အရေးပေါ် အခြေအနေကို ကြေငြာနိုင်ခွင့် ရှိတယ် ဆိုတာကို အထက်မှာလည်း တင်ပြခဲ့ပြီးပါပြီ။ တရားမျှတဲ့ ပြည်သူ့ဆန္ဒခံယူပွဲ တခုလုပ်ပေးဖို့အထိ စစ်တပ်က သဘော မနော ကောင်းလိမ့် မယ်လို့တော့ မထင်ပါ။

နောက်မှ ဖြေးဖြေးပြင်ယူမယ် ဆိုတဲ့သူများကို အကြံပေးလိုတာကတော့ နောက်ထပ် အနည်းဆုံး အနှစ်လေးဆယ် လောက် တော့ အရှိန်ယူမှ ပြင်ဆင်ဖို့ ဖြစ်ကောင်းဖြစ်နိုင်တယ်လို့ ဆိုချင်ပါတယ်။

ဒီလိုညစ်စုပ်ပဲ့တဲ့ အခြေခံဥပဒေကြီးကို လာမဲ့ မေလမှာ ကျင်းပမဲ့ ပြည်သူ့ဆန္ဒခံယူပွဲ မှာ အတည်ဖြစ် မသွားအောင် နိုင်ငံသား တိုင်း ၀ိုင်းဝန်းဆောင်ရွက်ရပါလိမ့်မယ်။ ကိုယ့်ဖက်က အားကောင်းကောင်း နဲ့ မဆန့်ကျင်နိုင်ပါက စစ်တပ်က သည်တချီမှာ လည်း အသာစီးရ သွားပါလိမ့်မယ်။

ဖြစ်နိုင်တာ မဖြစ်နိုင်တာကို ကျနော့်အနေနဲ့ အတတ်မပြောလိုပါ။ သို့သော် ညစ်မှာကိုသိရဲ့သားနဲ့ မဲရုံသွား ကန့် ကွက်မဲ ထည့်မဲ့ အစား၊ ဆန္ဒခံယူပွဲ မတိုင်ခင် နှစ်ရက်လောက်အလိုမှာ တပြည်လုံး ချိန်ကိုက်၍ အုံကြွနိုင်ပါက ထို ညစ်ပွဲကြီး သားလျောသွား မည်မှာ အသေအချာပင် ဖြစ်သည်ဟု ဆိုချင်ပါတယ်။ စောစောဆန္ဒပြပါက စောစော နှိမ်နင်းလာမည်ကို သဘောပေါက် သည့် အတွက် နှစ်ရက်လောက်အလိုမှာ အုံကြွခြင်းက အုပ်စိုးသူစစ်အာဏာရှင်များ၏ အစီအစဉ်များ အားလုံး ပြိုကျသွားနိုင်သည်ဟု တွက်ဆပါတယ်။

လူထုအုံကြွ ဆန္ဒပြတဲ့ နည်းနာများ အတွက် ဆွေးနွေးလိုသူများ ၀င်ရောက်ဆွေးနွေးကြဖို့လည်း ဖိတ်ခေါ်ပါတယ်။ အားလုံးဝိုင်း စဉ်းစားရင် ဖြစ်နိုင်တဲ့ အချက်အလက်များ ပိုမိုတွေ့ရှိလာမယ်လို့ ယူဆကြောင်းပါ။ လူထုတိုက်ပွဲ လူထုအုံကြွဆန္ဒပြတဲ့ နည်းနာ က သည်တိုက်ပွဲအတွက် ပိုအကျိုးရှိတယ်လို့ ကျနော်အနေနဲ့ ထင်မြင်ယူဆပါတယ်။

ဗြိတိသျတွေလက်အောက်က တနှစ်အတွင်း လွတ်လပ်ရေးရရမယ် ဆိုတဲ့ ဗိုလ်ချုပ်အောင်ဆန်းရဲ့ တိုက်ပွဲခေါ်သံ နောက်ကွယ် မှာ လာသမျှရန် အကုန်ခံချဖို့ လူ၊ စိတ်ဓာတ်၊ လက်နက် ပြည်တွင်းမှာ အသင့်ဖြစ်နေတဲ့အတွက် နောက်ဆုံး ကိုယ်ထိလက် ရောက် တိုက်စရာမလိုဘဲ အင်္ဂလိပ်များနဲ့ စကားပြောပြီး လွတ်လပ်ရေးရခဲ့တာ ဖြစ်ပါတယ်။ အဲသည်တုံး က နိုင်ငံတကာ အခြေအနေကလည်း ကိုယ့်ဖက်ကို ပိုအားသာစေ ခဲ့တာလည်း တဖက်မှာရှိခဲ့ပါတယ်။

ကျနော်တို့ကနေ့ အခြေအနေဟာ အဲသလိုမဟုတ်တဲ့ အတွက် လူထုတိုက်ပွဲကိုသာ ဆက်တိုက်ခေါ်ဖို့ ဖော်ဆောင်ဖို့ သာ အဓိက လိုအပ်ပါတယ်။ မဲရုံသွား ကန့်ကွက်မဲထည့် ဆိုတဲ့အပိုင်းကို ကျနော်မြင်တာကတော့ သွယ်ဝိုက်ပြီးတော့ သိုးများကို လည်စင်းပေးအောင် လုပ်တာမျိုးနဲ့ တူနေတယ်လို့ မြင်လို့ဖြစ်ပါတယ်။ ဘယ်နည်းနာက ပိုကောင်းတယ် လို့ ကျနော့်အနေနဲ့ အငြင်းအခုန်လုပ်တာမဟုတ်ပါ။ ကျနော့်ရဲ့ အမြင်ကို တင်ပြတာပဲ ဖြစ်ပါတယ်။

လွတ်မြောက်ရေးတိုင်းဟာ တန်ဖိုးကြီးကြီး တခုမဟုတ်တခု ပေးခဲ့ရတာချည်းပါပဲ။

ဇော်မင်း (လူ့ဘောင်သစ်)
၂၄၊ ၀၂၊ ၂၀၀၈