ဒီမိုကရေစီခရီးရှည်နှင့် လူတန်းစားအလွှာပေါင်းစုံ

မေ
လဆန္ဒခံယူပွဲမှာ လူထုဖက်ကနိုင်မလား သို့မဟုတ် စစ်အစိုးရဖက်က အသာစီးရ သွားမလား ဆိုတာကို မြင်ရမှာ ဖြစ်ပါတယ်။ ရလဒ်က ဘယ်လိုပဲ ထွက်လာလာ ရှေ့မှာ ဆက်ရင်ဆိုင်ရမဲ့ တိုက်ပွဲတွေက ရှိနေရဦးမှာပါ။ ဘာဖြစ်လို့လဲ ဆိုတော့ သည်ဆန္ဒ ခံယူပွဲ ဖြစ်စဉ်ဟာ ဒီမိုကရေစီ ထွန်းကားဖို့အတွက် နောက်ဆုံးတိုက်ပွဲ မဟုတ်သေးတဲ့အပြင် စစ်တပ်က လူထုရဲ့ဆန္ဒကို အမြဲတန်း လစ်လျူရှု ပစ်ပယ်လေ့ ရှိတာကြောင့် အခုလို ပြောရခြင်းဖြစ်ပါတယ်။

တပ်မတော်အတွင်းက အောက်ခြေစစ်သားရဲဘော်များ အပါအ၀င် မြန်မာ့လူ့အဖွဲ့အစည်း အတွင်းက လူတန်းစား ပေါင်းစုံ၊ အလွှာပေါင်းစုံ တက်ညီလက်ညီ စုဆုံဆင်နွှဲနိုင်တဲ့ အချိန်ကြမှသာ စစ်အာဏာရှင် လက်တဆုပ်စာ ဗိုလ်ချုပ်များကို သင်ခန်းစာ ကောင်းကောင်း ပေးနိုင်မှာ ဖြစ်ပါတယ်။ အခုကာလကတော့ တိုက်ပွဲဝင်ရင်း တည်ဆောက်၊ တည်ဆောက်ရင်း တိုက်ပွဲဝင် ဆိုတဲ့ အနေအထားမျိုးလို့ ဆိုရမှာပါ။

တည်ဆောက်တယ်လို့ ဆိုတဲ့အခါမှာလည်း လူတဦးချင်း တသီးပုဂ္ဂလ သက်ဆိုင်ရာ နယ်ပယ်များ အလိုက်တည် ဆောက်ဖို့ လိုအပ်သလို အဖွဲ့အစည်း အသင်းအပင်းများအလိုက်လည်း သေးသည်ကြီးသည်မဟူ ခိုင်မာသထက် ခိုင်မာလာအောင် တည်ဆောက်ကြဖို့ လိုပါတယ်။ အလုပ်လုပ်ကြရင်း တည်ဆောက်သွား ခြင်းအားဖြင့် တချိန်တည်းမှာလည်း ညီညွတ်ရေးကို တည်ဆောက်ယူဖို့ အခွင့်အလမ်း ပိုမိုပွင့်လမ်း လာလေ့လည်း ရှိပါတယ်။ လွတ်လပ်ရေး တိုက်ပွဲ ကာလတွေတုံးက ဗိုလ်ချုပ် အောင်ဆန်းက သည်လို ထောက်ပြခဲ့ပါတယ်။ “လွတ်လပ်ရေးကို လိုခြင်ရင် လွတ်လပ် ရေးနဲ့ ထိုက်တန်တဲ့ ညီညွတ်မှုရှိဖို့ လိုအပ်ပါတယ်။ လွတ်လပ်ရေးကို လိုချင်ရင် လွတ်လပ်ရေးနဲ့ ထိုက်တန်တဲ့ တည်ဆောက်မှုမျိုး လုပ်ဆောင်ဖို့လိုပါတယ်။ ”

အခုကာလ ဒီမိုကရေစီထွန်းကားဖို့ တိုက်ပွဲဝင်တဲ့ နေရာမှာလည်း အလားတူပါပဲ။ ဒီမိုကရေစီနဲ့ ထိုက်တန်တဲ့ တည်ဆောက်မှု၊ ဒီမိုကရေစီနဲ့ ထိုက်တန်တဲ့ ညီညွတ်မှုတွေ မရှိမဖြစ် လိုအပ်ပါတယ်။ ကိုယ်ဖက်က မတရား ဖိနှိပ်ခံရလို့ ဖိနှိပ်သူများကို တိုက်ပွဲ ၀င်တာ တရားတဲ့လမ်းစဉ် ဖြစ်ပါတယ်။ အဲသည့်အခါမှာ တိုက်ပွဲ နည်းနာများ အရ ဘယ်တိုက်ပွဲကို ဘယ်နည်းနာတွေနဲ့ ရင်ဆိုင်မယ်ဆိုတာ မလွဲမသွေ ကြုံလာရမှာ ဖြစ်ပါတယ်။

ကျောင်းသားအဖွဲ့အစည်းများ၊ သံဃာအဖွဲ့အစည်းများ၊ စာပေနဲ့အနုပညာရှင်များအသင်း စတာတွေဟာ လက်ရှိ ကာလမှာ သူ့နေရာနဲ့သူ ရှေ့ကိုအရောက်ဆုံး အလုပ်နိုင်ဆုံး အဖွဲ့အစည်းများ ဖြစ်တာကို တွေ့ရပါတယ်။ အထူးသဖြင့် စက်တင်ဘာ ရွှေဝါရောင်လှုပ်ရှားမှုကြီး အပြီး မြန်မာပြည်တွင်းမှာ မျိုးဆက်သစ်ကျောင်းသား လူငယ်များကို ကိုယ်စားပြုတဲ့ အဖွဲ့အစည်း အသစ်များ လျှို့ဝှက်စွာ ပေါ်ပေါက်လာ တာကိုတွေ့ရပါတယ်။ ထိုအဖွဲ့များက ထုတ်တဲ့ ကြေငြာချက်များ၊ လူထုသို့ ပန်ကြား ချက်များ စတာတွေကိုလည်း အမြဲမပြတ် တွေ့မြင်ဖတ်ရှု ရပါတယ်။ ပြည်တွင်းမှာ သူတို့ဘယ်လို လျှို့ဝှက်ပြီး လုပ်နေတယ် ဆိုတာတွေကိုလည်း ကြားရပါတယ်။ ဘယ်သူ တွေ အဖမ်းခံရတယ်၊ မိကုန်တယ်ဆိုတာတွေလည်း စိတ်မကောင်းစရာ သိရ ပြန်ပါတယ်။ မျိုးဆက် သစ်တွေဟာ နိုင်ငံရေးအမြင် ဒီမိုကရေစီ ရေးအမြင်တွေနဲ့ ကင်းလွတ် မနေတာကို တွေ့ရတဲ့ အတွက် လည်း တအားပါပဲ။ တချိန်တည်းမှာပဲ နောက်ထပ်ပေါ် ပေါက်လာသင့်တဲ့ အဖွဲ့အစည်း အမျိုးမျိုး အထွေထွေတွေလည်း ကျန်ရှိနေပါသေးတယ်။ အဲသည့် အဖွဲ့အစည်းအ သစ်များ ပေါ်ပေါက်လာဖို့အတွက် အားလုံး ၀ိုင်းဝန်းကူညီ ဆောင်ရွက်ဖို့ လိုပါတယ်။

မြန်မာနိုင်ငံဟာ ရှေးပဝေသဏီကတည်းက စိုက်ပျိုးရေးကို အခြေခံတဲ့ လူ့အဖွဲ့အစည်းဖြစ်ပါတယ်။ ယေဘူယျအားဖြင့် ပြောရ မယ်ဆိုရင် နိုင်ငံလူဦးရေရဲ့ ၈၅ % ဟာ လယ်ယာမြေကနေတိုက်ရိုက်ဖြစ်စေ၊ ဆက်စပ်၍ဖြစ်စေ အသက်မွေးတဲ့သူ တွေ ဖြစ်ပါ တယ်။ သို့သော်လည်း လျှို့ဝှက်စွာ ဖွဲ့စည်းထားတဲ့ လယ်သမားအသင်းအပင်းတွေ၊ လယ်သမားသမဂ္ဂ တွေ ရှိတယ်လို့ မကြားမိ သေးပါ။ လယ်ယာခြံမြေကို အမှီပြုပြီး အသက်မွေးတဲ့ လူတန်းစားက အများစုဖြစ်ရဲ့သားနဲ့ ဘာကြောင့် အဲသည့်လူများစုကို ကိုယ်စားပြုတဲ့၊ သူတို့ရဲ့အသံကိုထင်ဟပ်ပေးမဲ့ အဖွဲ့အစည်းများ မရှိရသေးတာလဲ ဆိုတာက မေးခွန်းထုတ်စရာ ဖြစ်လာပါတယ်။ လျှို့ဝှက်ပြီး ဖွဲ့ထားတဲ့ လယ်သမားသမဂ္ဂတွေသာ ရှိနေရင် အခုလို အိုင်တီနည်းပညာ ခေတ်ကြီးမှာ သူတို့ရဲ့ လိုအင်ဆန္ဒ၊ သူတို့ရဲ့ နစ်နာချက်တွေ၊ သူတို့ရဲ့ နေ့တဓူဝရင်ဆိုင်နေရတာတွေ၊ သူတို့ရဲ့ ဒီမိုကရေစီရေး အမြင်တွေကို ပြည်တွင်းမှာသာမက နိုင်ငံ တကာက ပြည်သူများ သိရှိလာအောင် တဆင့်ပြီး တဆင့် ဆောင်ရွက်နိုင်ပါတယ်။

လယ်ယာစိုက်ပျိုးရေးကို အခြေခံတဲ့ လူများစုကြီးရဲ့ ရင်ဆိုင်နေရတဲ့ ပြဿနာများကို လူသိရှင်ကြား တင်ပြရင်းကနေ လယ်ယာ မြေကဏ္ဍမှာ ဖိနှိပ်ခံထားရတဲ့ အခြေအနေတွေကို အခွင့်အရေးတိုက်ပွဲများ ကနေတဆင့် ဖော်ဆောင်လာ နိုင်မှာလည်း ဖြစ်ပါ တယ်။ ဥပမာအားဖြင့် မြေယာပိုင်ဆိုင်ခွင့်၊ လယ်ယာမြေအသိမ်းခံရမှု၊ မိမိအတွက် အကျိုးရှိ သည့် သီးနှံများ စိုက်ပျိုးခွင့်မရှိခြင်း၊ ထွက်ကုန်များ အပေါ် အစိုးရက ဈေးနှိမ်ဝယ်ခြင်း၊ လယ်ယာမြေများကို စစ်အစိုးရက နိုင်ငံခြား ကုမ္ပဏီများထံ ထိုးအပ်နေမှု၊ သဘာဝပတ်ဝန်းကျင် ပျက်သုန်းမှုကြောင့် လယ်ယာခြံမြေများ အရှုံးနှင့်ရင် ဆိုင်ရခြင်း စသဖြင့် အမျိုးမျိုးအဖုံဖုံ ဗိုလ်ကျခံနေရမှု တွေ အတွက် ထောင့်ပေါင်းစုံကနေ တိုက်ပွဲဝင်လာ နိုင်မှာဖြစ်ပါ တယ်။

သည်လို ထောင့်ပေါင်းစုံကနေ ပေါ်လာမဲ့ တိုက်ပွဲတွေဟာ နိုင်ငံရေးအရ အမြင့်ပျံအစွမ်းထက် ဗုံးကြဲလေယဉ်ကြီးတွေ မဟုတ် သော်ငြားလည်း မြေပေါ်မှာ ရန်သူကိုဗျာများစေတဲ့ ပျောက်ကြားစစ်ပွဲ ဆင်နွှဲနေတဲ့ တပ်ငယ်လေးတွေလို့ ဆိုနိုင် ပါတယ်။

တဖက်မှာလည်း လယ်သမားသမဂ္ဂလို့ ဆိုလိုက်ရင် ရိုးရာအရအရင်ဆုံး မြင်လေ့ရှိတာက စပါးစိုက်တဲ့ လယ်သမားများကို ပြေးမြင် လေ့ရှိပါတယ်။ ဒါကလည်း စပါးစိုက်တဲ့လယ်သမားက အများစုလို ဖြစ်နေတာကြောင့်ပါ။ အညာက ပဲ၊ နှမ်း၊ ကြက်သွန် စိုက်တဲ့တောင်သူတွေ၊ အောက်ပြည်က သရက်ခြံ၊ မာလကာခြံလုပ်တဲ့သူတွေ၊ ရှမ်းပြည်က လိမ္မော် စိုက်တဲ့ ရှမ်းတောင်သူတွေ လည်း အကြုံးဝင်ပါတယ်။ သည့်အပြင် စိုက်ပျိုးရေးနဲ့ သဘာဝအလျောက် တွဲနေတဲ့ မွေးမြူရေး သမားတွေလည်း သည်အထဲမှာ အကြုံးဝင်ပါတယ်။

တဆင့်တက်လို့ ထပ်ပြီးအကြံပြုတင်ပြရရင် မြို့ပေါ်တွေမှာလည်း အခြားလူတန်းစား တွေကို ကိုယ်စားပြုတဲ့ အသင်း အပင်းများ လျှို့ဝှက်စွာ တည်ထောင် နိုင်ပါသေးတယ်။ ဥပမာအားဖြင့် အငှားယဉ်မောင်းများသမဂ္ဂ၊ ကျောင်းဆရာ ဆရာမများသမဂ္ဂ၊ စက်ရုံအလုပ်ရုံအလုပ်သမားများသမဂ္ဂ၊ ဈေးသူဈေးသားများသမဂ္ဂ၊ လက္ဘက်ရည်ဆိုင် ပိုင်ရှင်များ သမဂ္ဂ၊ စားသောက်ဆိုင် လုပ်သားများသမဂ္ဂ၊ ကုန်တင်ကားယဉ်မောင်းများသမဂ္ဂ၊ ပွဲရုံပိုင်ရှင်များသမဂ္ဂ၊ ဒီမိုကရေစီ တပ်မတော်သား များ သမဂ္ဂ အစရှိ သဖြင့်။ ပြောရင်ဆုံးမှာတောင် မဟုတ်ပါဖူး။

မြန်မာ့လူနေမှုဘ၀နဲ့ ကိုက်ညီတဲ့ လူတန်းစား ပေါင်းစုံကို ကိုယ်စားပြုတဲ့ သမဂ္ဂပေါင်းစုံကို လျှို့ဝှက်တည်ထောင် ကြဖို့ လိုပါ တယ်။ ကုန်ကုန်ပြောရရင် ၁၉၈၈ အရေးတော်ပုံတုန်းက ပေါ်ခဲ့ဖူးတဲ့ အိမ်ရှင်မများသမဂ္ဂ အဖွဲ့အစည်းမျိုးလည်း တည်ထောင်လို တဲ့ ဆန္ဒရှိရင် တည်ထောင် ဖွဲ့စည်းလို့ ရပါတယ်။ အဲသလို တည်ထောင်နိုင်အောင် တဦးနဲ့တဦး တဖက်နဲ့တဖက် အကူအညီ ပေးဖို့လည်း အထူး လိုအပ်ပါတယ်။ ဖြစ်နိုင်ခြေသေးသေးကနေ အစပြုလိုက်ဖို့ပဲ လိုပါတယ်။ လုပ်ရင်းကိုင်ရင်း ချီတက်ရင်းနဲ့ နောင်မှာ အင်အားကောင်းတဲ့ အဖွဲ့အစည်းများ ဖြစ်လာမှာ မလွဲပါဖူး။

ဒီမိုကရေစီနဲ့ လွတ်လပ်ခြင်းတို့ဟာ ခရီးရှည်ချီတက်ခြင်းမျိုးနဲ့ တူလှပါတယ်။ တပွဲတိုးနဲ့ မပြီးတဲ့ကိစ္စများ ဖြစ်ပါတယ်။ တိုးတက် လာနေနဲ့ နည်းပညာတွေကို အသုံးပြုပြီး လူတန်းစားပေါင်းစုံ အလွှာပေါင်းစုံကို ကိုယ်စားပြုတဲ့ အသင်းအပင်းများ၊ သမဂ္ဂများ ပေါ်ပေါက်ထွန်းကားလာဖို့ အရေးကြီးကြောင်း ဆန္ဒမွန်များနဲ့ တင်ပြလိုက်ပါတယ်။

ဇော်မင်း (လူ့ဘောင်သစ်)
၂၉၊ ၀၄၊ ၂၀၀၈