ပုဂ္ဂလိက စီးပွားရေးကို အားပေးသင့်သည် ဆိုသော်လည်း

ယ
ခုတလော မြန်မာပြည်တွင်း၌ နိုင်ငံတော်နှင့်၊ ပြည်သူများနှင့် ပတ်သက်ပိုင်ဆိုင် ဆက်စပ်နေသော ပိုင်ဆိုင်မှု များ ကို ပုဂ္ဂလိက လက်များသို့ လွှဲပြောင်းပေးနေသည်ကို မြင်တွေ့ကြားသိနေရသည်။ ရန်ကုန်ဆိပ်ကမ်း၊ ပြည့်သူ့ လွှတ်တော် အဆောက်အဦ၊ ပြည်သူ့ရင်ပြင် အစရှိသည်တို့ အပါအဝင် များမြောင်လှသော အဆောက်အဦများ မြေနေရာများကို ပုဂ္ဂလိကလက်များသို့ လွှဲပြောင်းပေးနေကြသည်မှာ မြန်ဆန်လွန်းလှသည်။ ထိုထိုသော နိုင်ငံပိုင် ပြည်သူပိုင် ပိုင်ဆိုင်မှုများ ပစ္စည်းများကို ရရှိသွားသော သူများမှာလည်း စစ်အစိုးရနှင့် နီးစပ်အလွမ်း သင့်သူ စီးပွားရေးသမားများသာ ဖြစ်သည်။ တနည်း ပြောရရင်လည်း ထိုစီးပွားရေး သမားများသည် ဗိုလ်ချုပ် များ၏ သားသမီး ဆွေမျိုးများနှင့်လည်း စီးပွားဖက်များ ဖြစ်နေကြသည်။ ခေတ်အဆက်ဆက် နိုင်ငံတော်က ပိုင်ဆုင်ခဲ့သော ပြည်သူများ ပိုင်ဆိုင်ခဲ့သော ပိုင်ဆိုင်မှုများကို လက်လွတ်စပယ် ပုဂ္ဂလိကလက်များသို့ လွှဲပြောင်း ပေးနေခြင်းသည် မရိုးမသား ပြုလုပ်ခြင်းဖြစ်သည်။ ဥပဒေ စကားဖြင့် ပြောရပါက မြန်မာပြည်တွင် တသီးပုဂ္ဂလ ပိုင်ဆိုင်မှု အခွင့်အရေးနှင့် မြေယာပိုင်ဆိုင်မှု အခွင့်အရေးများ ရှင်းရှင်းလင်းလင်း မရှိသည့်အပေါ် ရှုတ်ထွေးနေ သည့်အပေါ်တွင် အခွင့်ကောင်း ယူခြင်းလည်း ဖြစ်သည်။ ထို့အပြင် အုပ်ချုပ်သူက စစ်အစိုးရ ဖြစ်နေသော ကြောင့် ဘယ်သူ့ကိုမှ ဂရုစိုက်စရာမလို ငါတို့လုပ်ချင်ရာ လုပ်မည်ဆိုသည့် သဘောလည်း ပါသည်။

ရန်ကုန်ဆိပ်ကမ်းနှင့် လေဆိပ်တို့ကို တသီးပုဂ္ဂလ လက်သို့ လွှဲပြောင်းခြင်းသည် ကြီးစွာသော အမှားဖြစ်သည်။ နိုင်ငံတိုင်း တွင် လေဆိပ်နှင့် ဆိပ်ကမ်းဆိုသည်မှာ အရေးကြီးသော နေရာများဖြစ်သည်။ နိုင်ငံတော် လုံခြုံရေး အတွက် အထူး အရေး ကြီးသည့် နေရာများ ဖြစ်သည်။ ဥပမာ တင်ပြရပါက ထိုင်းနိုင်ငံတွင် သင်္ဘောဆိပ်များ အားလုံးကို (ထိုင်းနိုင်ငံ ဆိပ်ကမ်း အာဏာပိုင်) Port Authority of Thailand က အစစအရာရာ စီမံကွပ်ကဲ သည်။ ပုဂ္ဂလိက ကုမ္ပဏီများက စီမံပိုင်ခွင့် မရှိပေ။ ပုဂ္ဂလိက ကုမ္ပဏီများကသာ စီမံပါက မူးယစ်ဆေး တင်ပို့ မှုများ၊ လက်နက်မှောင်ခို တင်ပို့မှုများနှင့် အခြား တရား မဝင်သော ကုန်ပစ္စည်း တင်ပို့မှု တင်သွင်းမှုများ ဖြစ်လာနိုင်သော ကြောင့်ပင်။ စီးပွားရေးကုမ္ပဏီများသည် အမြတ်အစွန်း ကိုသာ အဓိကထားသောကြောင့် တိုင်းပြည်၏ လုံခြုံရေးနှင့် အကျိုးစီးပွားကို ဂရုစိုက်လေ့ မရှိတာကလည်း သဘာဝ ဖြစ်သည်။ ထို့ကြောင့် ဒီမိုကရေစီ နိုင်ငံများသည်ပင်လျှင် တိုင်းပြည်လုံခြုံရေးနှင့် တိုက်ရိုက် ဆက်စပ်နေသော အထူး နေရာများကို ပုဂ္ဂလိကလုပ်ငန်းရှင်များ လက်သို့ လွှဲပြောင်းပေးခြင်း မပြုလုပ်ပါ။

ထို့အပြင် လုံခြုံရေးအတွက် မဟုတ်သော်လည်း တိုင်းပြည်တခု၏ သမိုင်းဝင် နေရာများ၊ အဆောက်အဦများကို တသီး ပုဂ္ဂလ လက်များသို့ လွှဲပြောင်းခြင်းသည်လည်း မှားယွင်းသော ဆုံးဖြတ်ချက်များ ဖြစ်သည်။ တိုင်းပြည်၏ တည်ရှိခဲ့သော ဖြစ်စဉ်များ သမိုင်း အစဉ်အလာများကို ဖျောက်ဖျက်ပြစ်သည့် သဘော သက်ရောက်နေသည်။ ထို့အတူ ယဉ်ကျေးမှု အမွေ အနှစ်များနှင့် သက်ဆိုင်သော နေရာများကို စီးပွားရေး ကုမ္ပဏီများလက်သို့ ထိုးအပ် လိုက်ခြင်းသည်လည်း တိုင်းပြည်တခု လုံးအတွက် ဆုံးရှုံးမှုသာ ဖြစ်သည်။

ပြည်တွင်းထုတ် ဂျာနယ်တခုက စစ်အစိုးရ၏ အဆိုပါ လုပ်ရပ်များကို ချီးကြူးထောပနာ ပြုနေသည်။ နိုင်ငံတော် က တသီး ပုဂ္ဂလ စီးပွားရေးကို နိုင်ငံရေး အပြောင်းအလဲနှင့်အညီ လုပ်ဆောင်နေသည်ဟု ဆိုထားသည်။ ပုလင်း တူ ဗူးဆို့များဟုသာ ဆိုချင်သည်။ တိုင်းသူပြည်သားများ၏ ပိုင်ဆိုင်မှုများကို အာဏာဖြင့် အလွဲသုံးစား လုပ်နေ ခြင်းကို ဘယ်လိုမှ ချီးကျူးစရာ မရှိပါ။ စနစ်တခုနှင့် တခု ခေတ်တခုနှင့် တခုအကြား အပြောင်းအလဲ ကာလ များတွင် ဥပဒေအရ စနစ်တကျ ဖြစ်ဖို့လို သည်။ ငါတို့ မထွက်ခင်၊ ငါတို့နှင့် ငါတို့လူများရဲ့ နောင်လာမည့် အကျိုး စီးပွားအတွက် လုပ်ချင်ရာလုပ်ခဲ့မည် ဆိုသော လုပ်ရပ်သည် နောင်လာမည့် စီးပွားရေးကို အထောက်အကူ ဖြစ် သည်ထက် ပြဿနာများကိုသာ ပိုမိုသယ်ဆောင်လာမည် ဖြစ်သည်။

ဤနေတွင် အင်္ဂလိပ်များ မြန်မာပြည်ကို လွတ်လပ်ရေးမပေးခင် မလွတ်လပ်သေးသော မြန်မာအစိုးရနှင့် (လွတ်လပ်ရေး ပေးရန် ကတိကဝတ် ပြုထားပြီးဖြစ်) သဘောတူညီချက်များ လုပ်ဆောင်ခဲ့သည့်အထဲမှ နမူနာယူစရာ အတုယူစရာတခုကို တင်ပြလိုသည်။ မြန်မာကိုလိုနီတွင် ထားရှိသုံးစွဲခဲ့သော ဗြိတိသျှရေတပ်ပိုင် ရေတပ် သင်္ဘောများကို မြန်မာအစိုးရသို့ လွှဲ ပြောင်းပေးခဲ့သည့် ကိစ္စတခု ဖြစ်သည်။ ယခင်အစိုးရမှ နောင်လာ မည့် အစိုးရသို့ အစိုးရပိုင်ဆိုင်မှုများကို လွှဲပြောင်းပေးရာ တွင် နှစ်ဖက်ခေါင်းဆောင်များ အပြန်အလှန် ရေးသား ပေးပို့သည် စာများလည်း ဖြစ်သည်။

ဗြိတိသျှကာကွယ်ရေးမစ်ရှင်အဖွဲ့ (သဘာပတိ) ဂျေ၊ ဖရီးမင်း၊ အမ်၊ ဘီ၊ အီး၊ အမ်၊ ပီ ထံမှ
မြန်မာနိုင်ငံတော်အစိုးရ ကာကွယ်ရေးဝန်ကြီး ဗိုလ်လက်ျာထံပေးစာ

နေ့စွဲ ၁၉၄၇ခု၊ သြဂုတ်လ ၁၇ ရက်၊ ရန်ကုန်။

ကာကွယ်ရေးသဘောတူညီချက်၏ နောက်ဆုံးအကြမ်းစာမူ၌ ပါရှိသော ရေတပ်ဆိုင်ရာ သင်္ဘောများနှင့် သက်ဆိုင်သည့် အချက် ၅ ၏ နောက်ပိုင်းကို နှစ်ပြည်ထောင်ချုပ်ဆိုကြသော သဘောတူညီချက် တစောင် တဖွဲ့ထဲတွင် ထည့်သွင်းဖေါ်ပြ ထားပါက၊ နှစ်ပြည်ထောင်၏ ဂုဏ်သိက္ခာနှင့် မတန်မရာဖြစ်မည်ဟု ကျွန်ုပ် ထင်ပါသည်။ သို့သော် သင်္ဘောများကို အသုံးချ ခြင်း၊ ထုခွဲရောင်းချခြင်းနှင့် သက်ဆိုင်သော အချက်မှာလည်း၊ အရေးကြီးသော အချက်ပင်ဖြစ်သောကြောင့် ကျွန်ုပ်က အကြံပေးလိုသည်မှာ ခင်ဗျားကကျွန်ုပ်ထံသို့ စာတစောင် ရေးပို့ပါ။ ထိုစာတွင် ကျွန်ုပ်၏ ပေးစာရရှိကြောင်း ဖေါ်ပြပါ။ ထို့ပြင် ခင်ဗျား၏ အစိုးရသည် ကာကွယ်ရေး သဘော တူညီချက်၌ရှိသော အချက် ၅ ချက်၏ နောက်ဆက်တွဲ၌ ညွှန်းဆို ထားသည့် ရေတပ်ဆိုင်ရာ သင်္ဘော များကို အစိုးရကိစ္စများအတွက်သာလျှင် သုံးမည် ဖြစ်ကြောင်း။ ကုန်သွယ်ရေး အတွက် ဖြစ်စေ အခြားနည်း အသုံးပြုရေးအတွက် ဖြစ်စေ ရောင်းချမည် မဟုတ်ကြောင်း တို့ကိုလည်း ဖေါ်ပြရန် ဖြစ်ပါကြောင်း။

ထိုအခါ ကာကွယ်ရေးဝန်ကြီး ဗိုလ်လက်ျာထံမှ ဤသို့ အကြောင်းပြန်ပါသည်။

မြန်မာနိုင်ငံတော်အစိုးရ ကာကွယ်ရေးဝန်ကြီး ဗိုလ်လက်ျာထံမှ၊ ဗြိတိသျှကာကွယ်ရေးမစ်ရှင်အဖွဲ့ (သဘာပတိ)
ဂျေ၊ ဖရီးမင်း၊ အမ်၊ ဘီ၊ အီး။ အမ်၊ ပီ ထံပေးစာ

နေ့စွဲ ၁၉၄၇ခု၊ သြဂုတ်လ ၁၇ ရက်၊ ရန်ကုန်။

ဤနေ့၊ နေ့စွဲပါ ခင်ဗျား၏စာကို ရရှိပါသဖြင့် ကျေးဇူးတင်ပါသည်။
မြန်မာနိုင်ငံအစိုးရသည်၊ ကာကွယ်ရေး သဘောတူညီချက်၌ရှိသော အချက် ၅ ၏ နောက်ဆက်တွဲ၌ ညွှန်းဆို ထားသည့် ရေတပ်ဆိုင်ရာ သင်္ဘောများကို အစိုးရကိစ္စများအတွက်သာလျှင် သုံးမည်ဖြစ်ပါသည် ကုန်သွယ် ရေကြောင်းအတွက်ဖြစ်စေ အခြားနည်း အသုံးပြုရေး အတွက်ဖြစ်စေ ရောင်းချမည်မဟုတ်ပါကြောင်း။

တိုင်းပြည် မကြာခင် အင်္ဂလိပ်ကိုလိုနီများ လက်မှ လွတ်လပ်ရေးရတော့မည်။ ငါတို့လက်ထက်တွင် ငါတို့ကြိုက် တာ လုပ်မည်။ ဖုတ်ဖုတ် သုပ်သုပ် သင်းတို့အပူလားဆိုသည့် သဘောကို ဗိုလ်လက်ျာ၏ စာထဲတွင် မတွေ့ရပါ။ အလားတူ လုံးဝ လွတ်လပ်ရေး ရပြီးသည့် ကာလတွင်လည်း မြန်မာရေတပ်မှ သင်္ဘောများကို မြန်မာအစိုးရက ပုဂ္ဂလိကလက်သို့ ရောင်းစား သည် (သို့မဟုတ်) လုပ်ချင်သလို လုပ်ပစ်သည်ဟုလည်း တခါမှ မကြားဖူးပါ။

အခုစစ်အစိုးရကတော့ သူတို့ရရှိထားသော တိုက်ရိုက်အာဏာ သက်ဆင်းသည့်စနစ်မှ ကြားခံတဆင့် အာဏာ သက်ဆင်း သည့် စနစ်သို့ မကူးပြောင်းမီ စီးပွားရေးအရ ကောင်းတာတွေ အကုန်လုံး တို့လက်ထဲမှာ ရောက်နေ အောင် လုပ်မှဖြစ်မည် ဟူသော သဘောဖြင့် ပရမ်းပတာ လုပ်နေကြသည်။ နယ်ချဲ့ကိုလိုနီ အစိုးရပင် မလုပ်ခဲ့ သော အလုပ်များကို မြန်မာစစ် အစိုးရက လုပ်ဆောင်နေသည်မှာ ပြည်သူတို့အတွက် ဝမ်းနည်းဖွယ်ဖြစ်သည်။ နယ်ချဲ့အစိုးရဆိုသည်မှာ လက်အောက်ခံ ကိုလိုနီနိုင်ငံများ အပေါ်တွင် အမြတ်ထုတ်စမြဲ ဖြစ်သည်။ သို့သော် စနစ်တကျ အမြတ်ထုတ်သည်။ ပရမ်းပတာ အမြတ် မထုတ်။ ရေရှည်ကို ကြည့်သည်။

နောက်ထပ် ဥပမာ တခုကို ပြလိုသည်။ အင်္ဂလိပ်တွေ မြန်မာပြည်ကို အုပ်ချုပ်နေတုန်းက သစ်တောနှင့် သစ် ထုတ်လုပ်ရေး လုပ်ငန်းများတွင် စနစ်တကျ လုပ်ဆောင်ခဲ့သည်။ မြန်မာတွေကို တနေ့လွတ်လပ်ရေး ပေးရရင် အကုန်မရလိုက်မှာ စိုးသော ကြောင့် ရတုန်းရခိုက် ယူထားမှဆိုသည့် သဘောနှင့် လုပ်ဆောင်ခဲ့ခြင်း မရှိသည် ကိုတွေ့ရသည်။ သစ်တောမြေပုံသည် အသေးစိတ်လွန်းသဖြင့် စစ်သုံးမြေပုံအဖြစ်နှင့်တောင် အသုံးပြု၍ ရသည်ဟု ဆိုကြသည်။ သတ်မှတ်ထားသော အရွယ် ရောက်သည့် ကျွန်းပင် တပင်တိုင်းတွင် ကိုယ်ပိုင်နံပါတ် တောင် ရှိသည်ဟု သိရသည်။ သတ်မှတ်ထားသည့်အတိုင်း သစ်ကို ခုတ်ယူကြသည်။ သစ်တောတခုလုံး အပြောင်ရှင်း တာမျိုးကို လုပ်လေ့မရှိ။ သတ်မှတ်ထားသော သစ်ကွက်တခုတွင် သတ်မှတ်ထားသော အပင်များ ကိုသာ ခုတ်သည်။ ခုတ်ပြီးသည်နှင့် သစ်ပင်များ ပြန်လည်စိုက်ပျိုးသည်။ နောင် အနှစ် နှစ်ဆယ် သုံး ဆယ် ရောက်သည့်အခါတွင်မှ ထိုသစ်ကွက်သို့ ပြန်လည်လာရောက် သစ်ထုတ်သည်။ အခုကတော့ သည်လို မဟုတ်တော့။ သစ်ခုတ်ခွင့်ရသည့် ကုမ္ပဏီသည် အခွင့်အရေး ရတုန်းရခိုက် သစ်ပင် အကြီးအသေးမချန် အကုန် ထုတ်ယူ သွားသည်။ တောပြုန်းတာ တောင်တွေ ကတုံးဖြစ်တာ သူတို့ကိစ္စမဟုတ်။ လုပ်ပိုင်ခွင့်ရတုန်း အကုန်လုံးယူလိုက်သည့် သဘောဖြစ်နေသည်။ တောတွေထဲက သစ်တွေ ကုန်သလောက် ဖြစ်နေတော့ အခုလာပြန်ပါပြီ အချက်အခြာကျသော နေရာများ၊ သမိုင်းဝင်နေရာများ၊ ယဉ်ကျေးမှုအမွေအနှစ်များနှင့် ပတ်သက်နေသော နေရာများကို ပုဂ္ဂလိကလက်သို့ လွှဲပြောင်းသည်တဲ့။ ဒါကို ဈေးကွက် စီးပွားရေး ဦးမော့ လာအောင် ပုဂ္ဂလိက စီးပွားရေးကို ဖွင့်ပေးတယ်လို့ ဆိုသတဲ့။ စာဖတ်သူများ စဉ်းစား၍သာ ကြည့်ကြပါကုန်။

အသိဉာဏ်နှင့် ယှဉ်သော သိမှု၊ မြင်မှု၊ ကြားမှု၊ အတုယူမှုတို့ ပျောက်ကွယ်ကုန်လေပြီ ဟုသာ ပြောလိုတော့ သည်။

(အထက်တွင် ဖော်ပြခဲ့သော စာနှစ်စောင်မှာ ၁၉၉၅ ခုနှစ်က ပထမအကြိမ် ထုတ်ဝေခဲ့သော (တပ်မတော်သမိုင်း တတိယ တွဲ ၁၉၄၅ — ၁၉၄၈ ) စာအုပ် စာမျက်နှာ (၂၃၁) မှ မူရင်းအတိုင်း ပြန်လည် ကူးယူ ဖေါ်ပြခြင်း ဖြစ်သည်။ မြန်မာ့သမိုင်း တွင် လူသိများသော လက်ျာဖရီးမင်း စာချုပ်ကို ၁၉၄၇ သြဂုတ်လ ၂၉ ရက်နေ့က ရန်ကုန်မြို့တွင် လက်မှတ်ရေးထိုး ခဲ့ကြ သည်။ ဗိုလ်လက်ျာမှာ ရဲဘော်သုံးကျိပ်ဝင် တဦးဖြစ်ပြီး ဖရီးမင်း ဆိုသူမှာ ထိုအချိန်က ဗြိတိသျှပါလီမန် အမတ်တဦး ဖြစ် သော John W। Freeman ဂျွန် ဒဘလျူ ဖရီးမင်း ဖြစ်သည်။)

ဇော်မင်း (လူ့ဘောင်သစ်)
၂ ရက် မတ်လ ၂ဝ၁ဝ ခုနှစ်။